be

Serbia është jashtëzakonisht mirënjohëse ndaj Bashkimit Europian për ndihmën financiare dhe çdo lloj tjetër solidariteti, jo vetëm për luftën ndaj koronabirusit, por gjithashtu në periudhën kur luftonim kundër përmbytjeve dhe pastaj CoVid-19

Këto janë fjalë të presidentit serb, Aleksander Vuçiç pas një takimi me ambasadorë të BE-së. Jo vetëm kaq, por Vuçiç ka shtuar se Serbia i ka ofruar asistencë edhe BE-së. 

Gjermania dhe Franca do të ndërmarrin së shpejti një nismë në rrafsh global për të vendosur bashkëpunim të gjerë në luftën kundër pandemisë së shkaktuar nga koronavirusi. Organizata Botërore e Shëndetësisë njoftoi dje se kjo do të përshpejtojë punën për zhvillimin e ilaçeve të sigurta, testeve dhe vaksinës kundër CoVid-19.

Agjencia “Reuters” njofton sot se Bashkimi Europian ka vendosur hapjen e negociatave të anëtarësimit për Shqipërinë dhe Maqedoninë e Veriut. Agjencia shton se drafti i propozimit është miratuar në mënyrë unanime nga 27 anëtarët e bllokut.

Ministrat e Brendshëm të Bashkimit Europian pritet të miratojnë sot një draft për masat që duhet të merren për ndalimin e fluksit të refughatëve të paligjshëm në hapësirën europiane.

Kalimi illegal nuk do të tolerohet. BE-ja dhe anëtarët e saj do të marrin të gjitha masat e nevojshme për të parandaluar këtë të ndodhë dhe u kërkon migrantëve të mos rrezikojnë jetët e tyre duke tentuar kalimin illegal përmes tokës apo detit

citon gazeta greke “Kathimerini” draftin.

Nuk e ka fajin Shqipëria, as qeveria. E ka fajin Europa, më saktë një pjesë e saj. Kështu deklaroi kryeministri Edi Rama gjatë fjalës së tij në konferencën “Një kontinent një e ardhme”. Sipas z. Rama rregullat nuk zbatohen për më të vegjlit.

Në çdo moment kur 1-2-3 vende kanë problemet e tyre, kanë dinamikat e tyre faktike dhe duan të thonë ‘jo’, ato e kanë mundësinë që të gjejnë pretekste, duke i drejtuar gishtin vendeve që u thonë ‘Jo’ për shkak të problemeve që kanë ata. Ne e dimë shumë mirë se ata kanë problemet e tyre…

Sot zhvillohet në Bruksel Konferenca e Donatorëve për dëmet e tërmetit të 26 nëntorit 2019. Vetë organizimi i saj duhet konsideruar një sukses për qeverinë shqiptare dhe vendin që merr kështu sinjal serioz solidariteti. Në fjalën e tij, Kryeministri Edi Rama ka përmendur ndër të tjera edhe situatën emocionale që sipas tij u krijua kur BE-ja i tha jo Shqipërisë në muajin tetor.

Për vendin tonë tërmeti politik në tetor u ndje si mallkimi i shoqërisë që na godiste edhe një herë.

Kryeministri i Kosovës, Albin Kurti ka sugjeruar dje në Konferencën e Sigurisë në Mynih se gjashtë vendet e Ballkanit Perëndimor duhet t’i bashkohen Bashkimit Evropian në të njëjtën kohë dhe se projekti i Minishengenit duhet të shkrihet në Procesin e Berlinit.

Propozimi francez për një samit për dialogun Serbi-Kosovë është prova e pakundërshtueshme se Perëndimi është i ndarë në këtë çështje. Nëse sheh propozimet e bëra nga Richard Grenell dhe ato të cituara në letrën e Presidentit francez, Macron, kupton lehtë se ato janë thuajse të njëjta. Kemi pra të bëjmë me një lloj rivaliteti të dy boshteve të politkës perëndimore në Ballkan.

Ish-këshilltarja Speciale e Federica Mogherinit bën sot thirrje për ndërhyrje ushtarake të Europës në Libi. Përmes një shkrimi të publikuar në “Politico”, Nathalie Toçi, aktualisht drejtorer e Istituto Affari Internazionali, apelon për një rol të ri të Europës në një zonë që sipas saj është e ndërlidhur historikisht me kontinentin.

Teksa pranon se sjellja e BE-së në arenën ndërkombëtare është e zhvlerësuar nga moskonsiderimi i vazhdueshëm i zgjidhjeve apo dimensionit ushtarak të politikës.

Katër persona në staf për 3000 raste mashtrimi me fondet. Kjo është gjendja e zyrës së Prokurorit Publik të Bashkimit Europian që drejtohet nga rumunia Laura Kovesi. Në fjalën e saj para Parlamentit Europian, ajo ka kërkuar rishikimin e buxhetit të institucionit që drejton për t’iu përgjigjur realiteteve të reja. Duke folur për gjendjen e personelit në zyrën e saj Kovesi ka zbuluar se nga 29 persona që zyrtarisht ushtrojnë detyrën, 24 janë së sektorin IT. 

Është shumë e vështirë të regjistrosh, analizosh 3000 raste vetëm me katër persona në staf