be

Komisioni Evropian ka nisur një hetim mbi prokurimin publik të Kinës, për pajisjet mjekësore.

Masa është e fundit në një seri lëvizjesh që rrisin tensionet tregtare përpara vizitës së Presidentit Xi Jinping muajin e ardhshëm, i pari udhëtim në Europë në pesë vitet e fundit.

Emigrantët që zbresin çdo ditë në brigjet e Mesdheut nuk janë problemi kryesor i europianëve. Sondazhi i Eurobarometrit nxjerr varfërinë, krizën e kostos së jetesës dhe përjashtimin social si çështjet kryesore për votuesit që shkojnë në kutitë e votimit në fillim të qershorit për të zgjedhur Parlamentin e ri Europian.

BE do të krijojë një bursë të vetën për teknologjinë. Plani pritet të prezantohet nesër nga ish-kryeministri italian Enrico Letta.

Startup-et me kapital intensiv në fusha si kompjuterat kuantikë dhe bioteknologjia zhvillojnë teknologjinë e tyre bazuar në zbulime thelbësore shkencore ose inxhinierike, duke i bërë ato veçanërisht të rëndësishme pasi konkurrenca e Evropës në skenën globale të teknologjisë nuk ka ecur me ritmin e Amerikës.

Rreth 75% e punëdhënësve në 21 vende evropiane nuk mundën të gjenin punëtorë që kanë përgatitjen e duhur në vitin 2023. Shifra është rritur nga 42% që ishte në 2018-n. Dhe nuk ka asnjë shenjë që kërkesa për punëtorë të kualifikuar të ngadalësohet së shpejti.

Mungesa e punëtorëve të kualifikuar po bëhet gjithnjë e më shumë një problem serioz për punëdhënësit në të gjithë Evropën, siç ilustrohet nga sondazhe të ndryshme.

Fondi i Rimëkëmbjes i Bashkimit Europian, me të cilin supozohej të stimulohej ekonomia e vendeve anëtare pas pandemisë së Covid-19, nuk është shpërndarë as në një të tretën e tij.  

Plani i Rimëkëmbjes, me një vlerë prej 723 miliardë eurosh përfundon në vitin 2026.

Vendet anëtare po kërkojnë nga Komisioni të zvogëlojë burokracinë që po i pengon ata të marrin pjesën e tyre nga ky fond ose t'i dekurajojnë që të aplikojnë për të.

Britania e Madhe do të largohet nga skema e shkëmbimit studentor të BE-së Erasmus+. Shkak i vendimit janë bërë aftësitë e dobëta të britanikëve në gjuhët e huaja, të cilat e kanë bërë anëtarësimin shumë të shtrenjtë për t'u justifikuar.

Për shkak të përvetësimit të ulët të skemës nga studentët britanikë në krahasim me kombësitë e tjera - i kushtëzuar nga aftësitë e dobëta për të mësuar gjuhë – Lodrës i duhet të paguajë gati 300 milionë euro më shumë në vit sesa merr.

Bashkimi Evropian ka hapur dy hetime për përdorimin e subvencioneve të huaja në sektorin e energjisë diellore.

Lajmin e bëri të ditur sot komisioneri evropian për Tregun e Brendshëm, Thierry Breton.

Disa banka perëndimore po lobojnë kundër propozimeve të BE-së për të rishpërndarë miliarda euro të fituara nga asetet e ngrira ruse, me frikën se kjo mund të çojë më vonë në procese gjyqësore të kushtueshme.

Pak ditë më parë, liderët e Bashkimit Evropian i hapën dritën jeshile një plani që bën të mundur të përdoren deri në 3 miliardë euro në vit për furnizimin me armë të Ukrainës, në përpjekje për të forcuar luftën e Kievit kundër Rusisë, e cila i zotëron ende asetet e ngrira.

Ushtritë europiane nuk e kanë problemin më të madh rekrutimin e ushtarëve të rinj, por mbajtjen e trupave ekzistuese. Ministri francez i Forcave të Armatosura, Sébastien Lecornu, prezantoi këtë javë një plan për për të nxitur personelin ushtarak të mos lërë uniformën. Kjo vjen disa ditë pasi një raport vjetor i paraqitur në parlamentin gjerman tregoi se në vitin 2023, rreth 1 537 ushtarë u larguan nga Bundeswehr, duke e reduktuar atë në 181 514 trupa.

Në pothuajse të gjitha vendet e Bashkimit Europian, sundimi i ligjit është në rënie. Qeveritë europiane i kanë dobësuar mekanizmat ligjore dhe demokratike të kontrollit dhe balancave dhe kanë kufizuar të drejtën për të protestuar.