be

BE: Serbia duhet të tërhiqet nga marrëveshjet e tregëtisë së lirë me Rusinë përpara se të anëtarësohet

Postuar në 28 Gusht, 2019 00:27

Komisioni Europian ka paralajmëruar Serbinë se duhet të heqë dorë nga marrëveshja e tregëtisë së lirë me Unionin Ekonomik Euraziatik të drejtuar nga Rusia kur të bëhet pjesë e Bashkimit Europian. EuObserver citon një zëdhënës të BE-së që është shprehur se marrëveshja mes Serbisë dhe Rusisë që ka nisur që në vitin 2000, por në “kontekstin e negociatave të pranimit në BE, Serbia duhet të tërhiqet nga të gjitha marrëveshjet bilaterale të tregëtisë së lirë ditën që do të pranohet në BE”.

900 mijë kërkesa për azil mbeten pezull në BE

Postuar në 26 Gusht, 2019 13:48

Zyra europiane e statistikave deklaron se rreth 900 mijë kërkesa azili janë në pritje të shqyrtimit nga autoritetet e vendeve anëtare. Numri më i madh i azilkërkuesve janë në Gjermani me 44% të totalit, pasuar nga Italia me 12%, ndërkohë që shkalla e refuzimit nga vendet pritëse në Europë është thuajse dyfishuar në tre vitet e fundit. Nga 37% që ishte në vitin 2016 ajo ka shkuar në 64% në vitin 2019 me Italinë që udhëheq me 80% të kërkesave të refuzuara.

Debati/Europa duhet të përfshijë ShBA-të në listën e zezë të parajsave fiskale

Postuar në 24 Gusht, 2019 18:13

Politikat e presidenit amerikan, Donald Trump, me tarifat e vëna ndaj kujtdo që perceptohet si konkurent i ekonomisë amerikane, kanë hapur spirale të reja krize. Rëvista gjermane “Spiegel” shkruan së fundmi se në Këshillin e Europës po diskutohet nëse Europa do të duht të përfshijë në listën e zezë të vendeve që konsiderohen si parajsa fiskale edhe ShBA.

Rregulla të reja në BE për identifikimin e fytyrës

Postuar në 23 Gusht, 2019 13:08

Bashkimi Europian do të rishikojë legjislacionin për identifikimin dixhital të fytyrës së qytetarëve që qarkullojnë në hapësirën e tij. Nismat ligjvënëse pasojnë vënien në jetë të Rregullores për Mbrojtjen e Përgjithshme të të Dhënave që u miratua një vit më parë.

Sipas propozimit të bërë në Komisionin Europian, qytetarëve do të t’u njihet e drejta për të kontrolluar të dhënat e mbledhura përmes identifikimit të fytyrës dhe do t’u tregohet se përse përdoren ato.

BE krijon fondin 100 miliardë euro për të përballur gjigandët teknologjikë të ShBA dhe Kinës

Postuar në 23 Gusht, 2019 10:22

Bashkimi Europian po mendon të krijojë një fond 100 miliardë euro si mbështetje për “kampionët europianë” që do të përballen me gjigandët amerikanë dhe kinezë të teknologjisë si  Google, Apple dhe Alibaba.
“Politico” raporton për një listë prej 173 faqesh në të cilën shpalosen synimet për një Europë të aftë që të marë masa tregëtare ndaj ShBA dhe Kinës. 

BE drejt ndalimit të përdorimit të chlorpyrifos dhe chlorpyrifos-methyl në bujqësi

Postuar në 06 Gusht, 2019 13:14

Bashkimi Europian pritet të ndalojë përdorimin e pesticideve chlorpyrifos dhe chlorpyrifos-methyl që përdoren kundr in sekteve në perime dhe fruta. Sipas vlerësimit të ekspertëve të vendeve anëtare të BE-së këto dy pesticide nuk kanë një kufi minimal për përdorim që të mos jetë i dëmshëm për shëndetin e njeriut, ndaj edhe vendimi i vetëm që mbetet është nxjerrja e tyre nga qarkullimi.

Borrell, një karakter i vështirë që mund të pasojë Mogherinin

Postuar në 04 Gusht, 2019 13:19

Josep Borrell, aktualisht ministër i Jashtëm në detyrë në Spanjë, është nominuar për të zëvendësuar Federica Mogherinin në postin e Përfaqesuesit të Lartë të BE-së për Punët e Jashtme. 

Personi në fjalë është emër i dëgjuar në politikën spanjole ku është aktiv prej 40 vjetës. Ai ka qenë pjesë e qeverisë së Felipe Gonzlesit mes viteve 1982-1996 dhe kandidoi për kryeministër në vitin 1998.

BE-ja zgjedh bullgaren Kristalina Georgieva për drejtimin e FMN-së

Postuar në 03 Gusht, 2019 00:50

Kristalina Georgieva është votuar si kandidaturë e Bashkimit Europian për të marrë drejtimin e Fondit Monetar Ndërkombëtar. Bullgare me kombësi, Georgieva është aktualisht drejtuese ekzekutive në Bankën Botërore dhe si kandidaturë ajo fitoi mbi Jeroen Dijsselbloem, ish-ministri hollandez i Financave dhe shef i Eurogrupit.

Delegacioni i BE-së në Shqipëri organizon seancë publike joga në Liqenin e Farkës

Postuar në 16 Korrik, 2019 14:39

 Delegacioni i Bashkimit Europian në Tiranë organizon një seancë meditimi dhe joga për qytetarët shqiptarë. Përmes një postimi të sponsorizuar në Facebook, delegacioni sqaron se me këtë rast është vënë në dispozicion edhe një mjet transporti.

Delegacioni i BE-së në Shqipëri ju fton për një pasdite relaksuese me joga dhe meditim. Bashkohu me ne në 18 korrik në orën 19:00 në Liqenin e Farkës tek “Te Tarracat”

thuhet në njoftim.

Shqipëria dhe Maqedonia Veriore aktuale s’do të anëtarësohen në BE-në e sotme

Postuar në 14 Korrik, 2019 16:16

Rastet e Shqipërisë dhe të Maqedonisë së Veriut janë një test në këtë periudhë transitore, pas së cilës mund të dihet më shumë se nga do të shkojë procesi i zgjerimit të Bashkimit Evropian. Në këtë proces, deri më tash, BE-ja ka ruajtur parimin e “qasjes individuale bazuar në meritat e kandidatit në përmbushjen e kushteve”. Pra, pak a shumë, në proces vendi kandidat i ka përmbushur kriteret e caktuara në ndonjë kapitull të caktuar, Komisioni Evropian e ka verifikuar këtë, dhe BE-ja e ka bërë hapin e radhës duke hapur apo mbyllur ndonjë kapitull.

Pages

Subscribe to RSS - be