Blloku Bota

Stambolli është tronditur sot sërish, disa orë pas shpërthimit që ndodhi mbrëmë. Dy sulmues hapën zjarr pikërisht ndaj policëve të cilët siguronin ndërtesën e stacionit policor Fatih në Sultanbeyli, të sulmuar mbrëmë me bombë. Në përplasjen që pasoi ka humbur jetën drejtori i Departamentit të Forcave të Xhenios të Drejtorisë së Policisë në Stamboll, Beyazıt Çeken, raporton Anadolu Agency (AA).

Çeken ishte plagosur rëndë dhe nuk mundi të shpëtonte pavarësisht ndërhyrjeve.

“Daily Mirror” publikon një hartë të ISIS që ëshët dhe plani i tyre për të pushtuar botën deri në 2020. Siç duket në hartë, ISIS synon të kontrollojë Lindjen e Mesme, Afrikën e Veriut dhe një pjesë të Europës. Në hartë Shteti Islamik duket se merr nën kontroll gjithë Ballkanin, pjesë e së cilës është dhe Shqipëria, duke e quajtur me një emër tjetër “Orobpa”. Kalifati, rregjimi që qeveriset nga ligjet e Shairas, do të marrë shtetet nga Spanja në perëndim deri në kufijtë e Kinës në lindje.

Çfarë shkollimi na duhet? Ku duhet ta orientojmë sistemin arsimor? Këto janë pyetje që nuk shtrohen vetëm në Shqipëri, por kudo në botë, ndonëse vendi ynë përballet me probleme shumë serioze në organizimin e sistemit më tepër sesa në dhënien atij të një qëllimi. Në ShBA është zhvillimi teknologjik dhe përhapja e teknologjisë si pjesë e kulturës ajo që po kërkon rishikimin e programeve arsimore. Fareed Zakaria shkruan në një opinion në “Washington Post” se ndryshimi i arsimimit dhe orientimi i tij drejt dijeje specifike, teknike, është një temë që ka konsensus në ShBA.

Japonia përkujtoi sot 70-vjetorin e hedhjes së bombës atomike mbi Nagasaki. Mijëra persona morën pjesë në ceremoninë e organizuar në parkun “Paqja” të qytetit, përfshirë të mbijetuar, ambasadoren amerikane, Caroline Kennedy dhe diplomatë nga 76 vende të botës. Gjatë gushtit të vitit 1945 SHBA hodhi dy bomba atomike mbi Japoni. Një bombë atomike e koduar “Djali i vogël” dhe e hedhur nga aeroplani bombardues B-29 “Enola Gay”, shpërtheu mbi qendrën e qytetit të Hiroshimës në orën 08:15, më 6 gusht 1945.

Atentat me eksploziv kundër mbretëreshës Elizabeth II. Ky ishte një plan për të shtunën e ardhshme me rastin e 70-vjetorit të përfundimit të Luftës II Botërore. Plani u zbulua nga policia dhe shërbimet sekrete britanike, njoftoi sot gazeta “Daily Mail”. Burime të gazetës bëjnë fjalë për një komplot të ideuar nga ISIS-i në Siri që parashikonte shpërthimin e një tenxhereje me presion, i ngjashëm me atentatin në maratonën e Bostonit në vitin 2013. “Policia dhe kundërspiunazhi MI5 duket se u vunë në një garë me kohën për mënjanimin e sulmit”, shkruan ”Daily Mail”.

Sipas revistës “Der Spiegel”, sasia e eksportit të armëve të autorizuara nga Gjermania ka regjistruar një rritje të fortë që prej fillimit të vitit, kryesisht në drejtim të Lindjes së Mesme dhe në Afrikën Veriore. “Shitjet jashtë vendit të materialeve ushtarake të autorizuara nga Ministria gjermane e Ekonomisë mes janarit dhe qershorit përfaqëson një vlerë prej 6.35 miliardë eurosh, ose rreth vlerën totale të vitit 2014”, shkruhet në të përjavshmen gjermane, e cila bazohet në një përgjigje të dhënë nga qeveria për një deputet të opozitës.

Shteti Islamik i ISIS ka reaguar ekskluzivisht për “JavaNews.al” në lidhje me aksionin anti­terrorizëm në Maqedoni të ndërmarrë dy ditë më parë. Përmes një mesazhi të dërguar në faqen zyrtare në Facebook të redaksisë së “JavaNews.al”, nga shtetasi i ashtuquajtur Sejfedin Al­Albani, i bëhet thirrje shqiptarëve kudo ku janë të marrin armët dhe të bëhen gati për luftë. Nën emrin fals në Facebook Xhavit Xhavit, shqiptari Sejfedin Al­Albani shkruan se tashmë ka ardhur koha që terroristët e ISIS të ndërmarrin aksione në Ballkan, në veçanti në Maqedoni.

Mikhail Gorbaçov, drejtuesi i fundit i Bashkimit Sovjetik, i ka dhënë një intervistë gjermanes “Spiegel” në të cilën përqendrohet kryesisht në nevojën e eliminimit të armëve bërthamore. Gorbaçov hyn në histori dhe flet për përpjekjet e dikurshme mes ShBA dhe BS-së për të nisur çarmatimin, i cili sot ka dala nga axhenda ndërkombëtare.

Dhjetëra fshatarë në Indinë lindore kanë rrahur për vdekje pesë gra këtë të shtunë. Sipas “The Washington Post”, fshatarët i kanë quajtur ‘shtriga’ magjistare dhe i kanë akuzuar se kanë praktikuar magji duke i fajësuar ato për fatkeqësitë që po ndodhnin në fshat, ka njoftuar policia. Fshatarët i kanë tërhequr zvarrë gratë nga shtëpitë e tyre dhe i kanë rrahur me thupra dhe shufra hekuri. Policia ka arrestuar rreth 50 persona të përfshirë në sulm dhe kanë qëndruar në fshat për të parandaluar çdo trazirë tjetër të mundshme, shkruan “The Washington Post”.

Rreth 800 emigrantë mbërritën sot Itali në bordin e një anijeje norvegjeze që i shpëtoi ata të enjten pranë brigjeve libiane. Rojet bregdetare italiane thanë se mes tyre ishin 48 fëmijë dhe 94 gra. Besohet se emigrantët janë kryesisht nga Siria dhe vendet Nën-Sahariane. Ata u transportuan në portin e Reggio Calabrias dhe pas kontrolleve shëndetësore, do të dërgohen në qendrat e pritjes në të gjithë Italinë. Ndërkohë, nëntë emigrantë sirianë u vranë dhe 31 u plagosën në një aksident rrugor në Turqinë perëndimore gjatë rrugës për një qytet bregdetar.