Blloku Bota

Këtë javë kryeministri grek Tsipras pritet të kërkojë votëbesimin e Qeverisë, pas çarjes së madhe në gjirin e deputetëve të radikalëve të majtë. Një e treta e tyre nuk mbështeti programin e ndihmës që Qeveria solli në Parlament dhe në thelb qeveria ka humbur shumicën parlamentare. Votëbesimin e Qeverisë e kërkojnë edhe ministra e zyrtarë të lartë të kabinetit Tsipras, pa lënë mënjanë as zhvillimin e zgjedhjeve të reja, që mund të qetësojnë klimën dhe të tregojnë se njerëzit do të pranojnë programin e vështirë të shpëtimit.

Regjimi i Al Sisit në Egjipt po i pret gjithnjë e më shumë urat me ato elemente që kërcënojnë mbivendosjen e fesë ndaj shtetit. Ndërkohë që kundër krimeve të kategorizuara si terrorizëm, Egjipti ka vendosur dënimin me vdekje të parevokueshëm, qeveria së fundi ka ndaluar mbajtjen e shamive nga fëmijët në shkolla. Ministri i Arsimit, Moheb Al-Refaei, tha se vajzat nuk do të lejohen të mbajnë shaminë në shkollë fillore. Sipas ministrit, Islami nuk i detyron vajzat që të bartin shamitë, deri sa të arrijnë moshën e pubertetit, kështu që ato nuk kanë nevojë të bartin ato gjatë shkollës fillore.

Kancelarja Angela Merkel ka bërë të qartë në një intervistë se askush nuk duhet të krijojë shpresa të kota sa i takon azilkërkuesve, pasi do të ndihmohen vetëm ata që kanë nevojë më shumë.

Çështja e imigrantëve nxjerr krye si problem serioz politik edhe në Itali. Temën e ka marrë me zhurmë të madhe Matteo Salvini, lideri i Lega Nord(Sekretari federal) i cili gjatë një fjalimi në Ponte di Legno, në provincën e Brescia-s, ka folur me tone të forta. “Është duke u zhvilluar genocid ndaj popullit italian dhe kryeministri Renzi është bashkëpunëtor me skafistët. Imigrantët po zëvendësojnë italianët”, tha Salvini. Më tej ai është treguar i ashpër edhe me përfaqsuesit e kishës, peshkopët, të cilët janë shprehur kritikë ndaj qëndrimeve të Legas.

Kush ishte Muhamed Gedafi? Një diktator, një shtypës i popullit të vet, një showman i politikës, pse jo një ekstravagant që jepte idenë e një njeriu të shkëputur nga realiteti. Mirëpo pushteti nuk mund të mbahet gjatë vetëm me teatrin që mediat perëndimore ia atribuojnë Gedafit si cilësi kryesore. "Telegrafi" publikon disa nga vendimet e qeverisjes së tij, që ngjajnë shumë sociale dhe përbëjnë atë anë të pushtetit të tij që me gjasë do mbahet në heshtje.

1. Nuk kishte asnjë faturë të energjisë elektrike në Libi; energjia elektrike ishte falas për të gjithë qytetarët e saj.

Rusia ka hapur për turistët një bazë navale në Balaklava në Sevastopol të Krimesë, e cila shërbente dikur për nëndetëset. Siç raporton media ruse “Russia Today”, kompleksi dikur ishte tepër sekret dhe njihej si Objekti 825 GTS dhe ndodhet nën tokë. Objekti ka tërhequr shumë turistë, çka na çon në mendje Porto Palermon në Shqipëri. Do të ishte një ide e mirë që objekti i tuneleve të nëndetësve të hapej për turistët, edhe sepse ka fitim. Ndoshta një ditë edhe ndodh, por të urojmë jo me konçesion.

“Të gjithë maqedonasit, me në krye kryeministrin e tyre, duan të marrin pasaportën bullgare” – kështu mendon drejtori i Muzeut Historik Kombëtar në Sofje të Bullgarisë, Bozhidar Dimitrov. Sipas tij, nëse ligji bullgar do të ndryshojë si dhe do të ketë vullnet politik, atëherë 500 mijë maqedonas do të marrin pasaportë bullgare. “13 shekuj, deri në vitin 1944, në Maqedoni kanë jetuar bullgarët. Dhe një ditë u është thënë se ata nuk janë më bullgarë por maqedonas dhe se ata nuk kanë lidhje me Bullgarinë. U është thënë se ata do të kenë një shtet të vetin, historinë dhe gjuhën e tyre.

Tjetër tragjedi me udhëtimet ajrore, megjithëse kjo e fundit ende nuk është vërtetuar. Raportohet se një avion indonezian me 54 persona në bord është zhdukur në rajonin Papua. Në bord ndodheshin 44 pasagjerë të rritur, 5 fëmijë dhe 5 persona nga ekuipazhi. Kontaktet me avionin Air ATR42 humbën pak para orës 15:00 sipas orës lokale, pas ngritjes nga aeroporti Sentani në kryeqytetin rajonal Jayapura. Aeroplani ishte rrugës për në qytetin Oksibil në jug të rajonit. 

Bëhet gjithnjë e më agresiv Donald Trump, miliarderi amerikan që kandidon për postin presidencial në zgjedhjet amerikane 2016. Kandidati presidencial është i gatshëm të shpenzojë një miliard dollarë të aseteve të tij, nëse republikanët do ta mbështesin atë në fushatën zgjedhore. Trump thotë se është gati të shpenzojë një miliard dollarë për kandidim, dhe nëse do të arritë të fitojë, premton se do të largojë nga Shtetet e Bashkuara më shumë se 11 milion emigrantë të paligjshëm. 

“Boston Globe” publikonte dy ditë më parë një letër të Sarah E. Godfrey, e cila rrëfente një histori të pazakontë. Historinë e një takimi në stacionin e trenit, ku një i moshuar, mblodhte mbeturinat dhe i hidhte në kosh, rrugës duke shkuar për në punë. Godfrey, bën një përshkrim të takimit dhe nënvizon sesi burri i vjetër shprehet i irrituar për papastërtitë në këtë vend të Bostonit. “I thashë të sigurohej se do të lante duart kur të shkonte në punë. “Kështu më thotë edhe gruaja”, tha ai”, shkruan Godfrey.