Blloku Bota

Ministri i Jashtëm izraelit, Israel Katz, kërkon që Korpusi i Gardës Revolucionare Islamike të Iranit (IRGC) të shpallet organizatë terroriste pas sulmit masiv ajror të së shtunës.

Megjithatë, shefi i politikës së jashtme të BE-së, Josep Borrell,e kundërshtoi këtë kërkesë, duke u shprehur se një veprim i tillë nga Blloku nuk është ligjërisht i mundur për momentin.

Komiteti për Çështje Politike dhe Demokraci i Këshillit të Evropës ka rrëzuar të gjitha amendamentet e dëmshme për Kosovën, që janë paraqitur nga deputetë të ndryshëm për raportin e raportueses Dora Bakoyannis. 

Shumica e amendamenteve të propozuara për Kosovën në KiE lidhen me Asociacionin. Sipas dokumentit që ka siguruar KOHA, në një amendament disa deputetë serbë kanë rekomanduar që paragrafi 11 që parasheh se Asociacioni të jetë zotim i Kosovës pas anëtarësimit, të zëvendësohet me paragrafin që e konsideron formimin e Asociacionit si parakusht.

Diçka interesante: mediat serbe raportojnë se ambasadori amerikan në Serbi, Chris Hill, ka marrë kërcënime me vdekje pas një vizite në universitetin e Novi Sadit. Me jetë është kërcënuar edhe profesori Dinko Gruhonjiç, në të dyja rastet përmes mediave sociale.

Një plumb për të dy

ishte një ndër mesazhet që raportohen nga media serbe se u shfaqën në mediat sociale.

Presidenti serb, Aleksander Vuçiç, ka deklaruar se Serbia ndodhet para një sfide që është miratimi në OKB i një rezolute për Srebrenincën.

Ne jemi njoftuar mbi qëndrimin zyrtar që ata do të lobojnë dhe luftojnë për atë rezolutë…Ne do t’i kundërvihemi më vendosmërisht nga sa ata mendojnë

citohet Vuçiç.

Sulmi Iranian mbi Izrael angazhoi një dispozitiv të madh armësh që përfshinin dronë dhe raketa. Megjithatë, me nisjen e sulmit erdhi edhe njoftimi ndërkombëtar se “sulmi kishte nisur” dhe se mjetet do të kërkonin rreth 6 orë të mbërrinin në objektiv. Me këtë rast Izraeli u përgatit dhe siç pritej asgjësoi pjesën më të madhe të mjeteve iraniane.

Revista “The Financial Times” raporton se blerja nga Serbia e 12 avionëve “Rafale” në Francë ka kushtuar 3 miliardë euro. Po kështu raportohet se në takimin mes dy presidentëve, atij serb, Aleksander Vuçiç dhe atij francez, Emmanuel Macron, është biseduar roli i Serbisë në prodhimin europian të municioneve, ndërkohë që është njoftuar hapja e dyerve për Serbinë, por është kërkuar edhe njohja e pavarësisë së Kosovës.

Ashtu siç pritej, Irani ka nisur një sulm ndaj Izraelit. Dhjetëra dronë janë lëshuar nga Irani, gjë që e detyroi Izraelin të mbyllë hapësirën ajrore gjatë orëve të natës.

Mediat izraelite flasin për 50-100 dronë të lëshuar nga Sulemania dhe Basra, të cilët pritet të mbërrijnë në destinacion rreth orës 6:30 të mëngjesit të së dielës.

Eksperti kryesor i klimës në Organizatën e Kombeve të Bashkuara (OKB) thotë se njerëzimi ka dy vjet kohë për të zbutur efektet më të këqija të ngrohjes globale.

Sekretari Ekzekutiv i OKB-së i Konventës Kuadër të Kombeve të Bashkuara për Ndryshimet Klimatike, Simon Stiell, e bëri këtë deklaratë në një event publik në Londër.

"Kush ka saktësisht dy vjet për të shpëtuar botën? Përgjigja është çdo person në këtë planet", citohet ai. 

Tre prej ish-të burgosurve në burgun e Abu Ghraibit në Irakut do të kenë mundësi të çojnë pretendimet e tyre në gjykatë, për herë të parë pas 20 vjetësh. Në padinë civile kundër kontraktorit ushtarak amerikan, CACI International, ata e fajësojnë se ka krijuar kushtet për tortura duke drejtuar ose inkurajuar abuzimet nga rojet ushtarake, të paktën pjesërisht për t’i "zbutur" të burgosurit para marrjes në pyetje. Paditësit janë civilë irakianë, të cilët janë mbajtur në Abu Ghraib për disa kohë, për t’u liruar më pas pa akuza.

Ministrja norvegjeze e shëndetësisë Ingvild Kjerkol ka dhënë dorëheqjen pas verifikimit të faktit se teza e saj e doktoraturës kishte qenë një kopje. Pak muaj më parë, edhe ministrja e Arsimit të Lartë, Sandra Borch, u largua për të njëjtën arsye nga detyra pasi një student zbuloi se ajo kishte kopjuar.