Lajme

Ka nisur një të ashtuquajtur tur rajonal ministri i Jashtëm i Shqipërisë, Igli Hasani. Ai ka qenë në Prishtinë sot ku është takuar me Presidenten Vjosa Osmani dhe ministren e Jashtme, Donika Gërvalla. Në konferencën për shtyp me Gërvallën ra në sy edhe kultura gjuhësore e z. Hasani të cilit dikush duhet t’i sqarojë se ka nevojë imediate të përmirësojë shqipen e vet.

Më poshtë një pjesë nga një shkrim i INA Media për riciklimin në sistemin e drejtësisë të të njëjtave mbiemra të cilët vettingu i krasiti. Një copëz nga teatri i reformës që në fakt nuk bëri asgjë me pasurinë e atyre që dolën nga sistemi: 

Familjarët e të shkarkuarve, në sistem

Kryeministri Edi Rama ka njoftuar se ka ndërmend të shtojë edhe në ministri të re e me këtë rast edhe një ministre.

Në këtë fazë të re zhvillimi të vendit dhe në kushtet kur Shqipëria po punon për kapitujt e negociatave për anëtarësim me Bashkimin Europian, pasi sapo ka hedhur me sukses hapin e parë të tyre, kërkohet një qasje e re ndaj administratës publike…

Report Tv ka siguruar një video ekskluzive…Nga një sherr brenda në shtëpi mes Xhemal Lokës dhe bashkëshortes së tij, e ndjera Bedrie Loka që deri më tani thuhet se i ka dhënë fund jetës me vetëhelmim.

Nga teksti i zbardhur duket se sherri është një ndër ato të shumtët që ndodhin në një pjesë të madhe të familjeve shqiptare, por i paketuar në këtë formë provokon një kuadër shumë malinj interpretimi:

Ka dhënë një intervistë për KosovaPress, ambasadori i Shqipërisë në Kosovë, Petrit Malaj. Ai ka bërë thirrje që Kosova të nisë krijimin e Asocacionit duke e dërguar paraprakisht draftin përkatës në Gjykatën Kushtetuese. Sigurisht që zoti Malaj nuk ka harruar në asnjë rast të përmendë dhe referojë deklarimet e “kryeministrit tonë” që nuk mund t’i mungojë në asnjë rast zgjidhjeve të krizave të mëdha të kohës që jetojmë.

Dje në disa media shqiptare qarkulloi një prononcim i ministrit serb të Mbrojtjes, Millosh Vuçeviç sipas të cilëve serbët duhet ta shohin në një dritë tjetër liberalizimin e vizave për shtetasit e Kosovës, pasi kështu ka një mundësi që shqiptarët të ikin në masë.

Pse jemi të mërzitur? Lërini shqiptarët të ikin. Ta shohim më gjerësisht. Nuk e kemi problem se 500 000 shqiptarë të Kosovës do të udhëtojnë atje, në Europë. Pse nervozoheni? Le të tregohemi të mençur politikisht, çka na duhet neve nëse udhëtojnë në Zvicër, Gjermani, etj.

Kërkuesit francezë kanë përllogaritur se rreth 17 000 njerëz mund të kenë vdekur nga përdorimi i hidrokisklorokinës në fazën e parë të pandemisë së CoVid-19. Medikamenti antimalarik u sugjerua në fazën e parë nga një mjek francez, Didier Raoult, që më pas u lëviz nga detyra për shkak të problemeve që u krijuan.

"Politico" shkruan së fundmi për mundësinë e dështimit të neogociatave ndërkombëtare për një Traktat mbi Pandemitë, duke lënë pas krahëve përvojën traumatike të CoVid-19. Negociatat udhëhiqen nga Organizata Botërore e Shëndetësisë dhe synojnë miratimin e një kuadri rregullator detyrues në eventualitetin e një pandemie të re si dhe për të mos lejuar më diskriminimin në shpërndarjet e bareve imunizues siç ndodhi me vaksinat kundër CoVid-19.

Ngjarja e Sukthit po tentohet të kanalizohet në dy drejtime të ndryshme: së pari, politika dolit me paralajmërimin për forcim të legjislacionit për rrjetet sociale dhe mediat online dhe ky është një refleks i raportimit se zonja në fjalë, kishte vrarë veten pas presionit psikologjik që i ishte bërë me materiale të sajuara në Tik Tok.

Dhe së dyti, nga Policia e Shtetit që po synon ta kanalizojë ngjarjen te përgjegjësia e bashkëshortit mbi të cilin rëndon dëshmia e supozuar e fëmijëve për dhunë dhe presion psikologjik.

Mediat raportojnë sot për vetëvrasjen e një gruaje 41 vjeç nga fshati Vardardhë i Sukthit, për shkak të presionit psikologjik që i ishte ushtruar në Tik-Tok. Ka të dhëna që flasin për foto dhe video të montuara në një profil të rremë për gruan në fjalë dhe dyshimi bie mbi kolege të punës në një fabrikë fasonerie.