Lajme

Që PDIU është një parti e çështjes kombëtare këtë Shpëtim Idrizi nuk lë rast pa e thënë dhe kjo sipas tij është edhe një nga arsyet që PDIU kalon sa nga një koalicion në tjetrin. Këtë vit ajo që quhet masakra greke mbi popullsinë çame nuk u përkujtua me një marshim në Qafë Botë, pikën fundore të kufirit shqiptaro-grek, por me një ceremoni simbolike në varrezat e Kllogjerit. Këtë vit kryetari i Partisë për Drejtësi Intergrim dhe Unitet mori pjesë në ditën përkujtimore edhe me cilësinë e nënkryetarit të parlamentit të Shqipërisë.

Kryeminstri i Greqisë, Aleksis Cipras, ka shpallur një referendum të dielën e ardhshme, në të cilin u kërkon votueve grekë që të votojnë kundër marrëveshjes së propozuar nga FMN-ja dhe 18 vendet e Eurozonës.  Por gazeta greke Proto Thema raporton se, nga një sondazh i zhvilluar prej kompanisë Alco, rezulton se 57% e votuesve grekë nuk janë dakord me kryeministrin e tyre – ata janë dakord me marrëveshjen e propozuar nga FMN-ja dhe 18 vendet e Eurozonës.

Re.pu.

Çuditë zgjasin tri ditë në Shqipëri, por ndonjëherë nuk zgjasin fare. Madje kështu edhe ndoshta bëhen të tilla. Ky është rasti i deklaratës më të fundit të ambasadorit britanik në Tiranë, Nicholas Canon, bërë pikërisht tri ditë më parë gjatë një seminari në universitetin “Ismail Qemali” në Vlorë. Canon foli për një klikë në gjyqësorin shqiptar e cila “përdor sistemin e drejtësisë si një biznes fitimprurës duke blerë dhe shitur drejtësi”. Sipas tij bëhet fjalë për rreth 100 persona që siç u shpreh ai “mbajnë peng të ardhmen e një kombi”.

Komisioni Qëndror i Zgjedhjeve konfirmoi edhe zyrtarisht se zgjedhjet e 21 Qershorit i bojkotuan 143 mijë qytetarë. Pas përfundimit të numërimit edhe të 20 kutive të fundit për anëtarët e Këshillit Bashkiak të Malësisë së Madhe, KQZ bëri me dije se në zgjedhjet vendore të datës 21 Qershor 2015 morën pjesë në votime 1.606.231 zgjedhës, pra 47.63 % ndërsa në zgjedhjet parlamentare të vitit 2013, morën pjesë në votime 1.749.278 zgjedhës, pra 53.46%. Nga shifrat rezulton se në firoja e pjesëmarrjes në dy vite është ulur me 143 mijë qytetarë që kanë bojkotuar ofertën politike të 23 Qershorit.

“Shkodra do të bëhet”- kështu e titullon opinionin e vet Keti Bazhdari, kandidatja e mazhorancës në Shkodër e cila humbi përballë Voltana Ademit. Bazhdari ka një shpjegim për këtë që ndodhi, shpjegim të cilin në opinionin e vet e parapërgatit me tablonë gati migjeniane të qytetit verior.

Dritan Hila qëlloi kësaj radhe aty ku duhet. Një status në Facebook për Sarandën që duket si psikiatri betoni, siç thoshte dikur Maks Velo dhe, deputeti i qytetit Koço Kokëdhima, reagoi. Këtë detyrë e ka marrë opinionisti i gazetës “Shekulli”, Arben Rrozhani, i cili shkruan sot se “po”: “Saranda e meritoi Florjanën dhe Rilindjen”. Natyrisht që e meritoi, përderisa i dha votën, por kjo çështje nuk lidhet me kryetaren e re të Bashkisë, për të cilën duhet thënë se shumëkush në qytet ka një mendim pozitiv.

“Top-Channel” raporton se policia ka sekuestruar një video që provon se mbi efektivin e Renea-s, Ibrahim Basha, kanë qëllau 6 persona. “Bëhet fjalë për xhirimin në momentin e vrasjes së efektivit të policisë, ku shihen qartë që drejt tij qëllojnë 6 persona, mes të cilëve edhe dy vëllezërit e arrestuar një natë më parë. Pamjet filmike janë kryer nga një banesë në afërsi të vendit, nga ku u qëllua, dhe janë gjetur nga policia gjatë kontrolleve rutinë të banesave. Të 6 tashmë ndodhen të arrestuar dhe do të akuzohen për vrasjen e policit.

Duket se nuk është kapërdirë lehtë nga Partia Socialiste, një deklaratë e Elmar Brok, kryetar i Komisionit të Punëve të Jashtme në Parlamentin Europian. Sot, Maklen Misha, këshilltar për mediat i zv.kryeministrit Niko Peleshi, shkruan një opinion në gazetën “Shqip”, që ngjan më tepër si deklaratë për shtyp e PS-së ndaj kritikave të Brok. Brok tha se “nëse gjysma e raportit të OSBE-ODIHR është e vërtetë, atëherë mund të themi se zgjedhjet janë të falsifikuara". Duke shtuar më pas se "fakti që Edi Rama humbi 20% të votave të përgjithshme është drejtësi!” Si e komenton këtë deklaratë Misha?

Problemi i votës në bashkitë ku kandidatë ishin propozime të LSI-së, ka hedhur farën e një marrëdhënieje cilësisht të re mes saj dhe PS-së. Kreu i Grupit Parlamentar të LSI-së, Petrit Vasili, shprehet në një intervistë për gazetën “Shekulli” se shkaqet për atë që ndodhi më 21 qershor tashmë janë të qarta.

Partia Demokratike do të zhvillojë analizën e humbjes në muajin shtator. Madje edhe atëherë, analiza do të zhvillohet sipas bashkive, pasi siç raportohet “secila ka specifikën e vet”. Kryetari i partisë, Lulzim Basha, do të mbledhë strukturat e degëve, me të deleguarit dhe deputetët. Me sa duket një zgjidhje për të dalë nga situata është gjendur: Basha po lë njerëzit të shijojnë pushimet, për të nisur në shtator një analizë vetëm në planin organizativ, por jo atë politik.