Lajme

Në një intervistë për Tv Prva, presidenti i Serbisë Aleksander Vuçiç ka deklaruar se nuk do të ketë sanksione ndaj Serbisë. Sipas tij qytetarët dhe ekonomia nuk do të kenë asnjë ndikim, por do të merren disa masa ndaj tij personalisht. Me këtë rast Vuçiç ka akuzuar përfaqësuesit e opozitës se ata janë sjellë si bashkëpunëtorët e nazizmit. 

Ka dy zhvillime të reja që konfirmojnë se komuniteti ndërkombëtar do të mbajë derën të hapur për Serbinë e Aleksander Vuçiçit duke rikthyer politikën e ndëshkimit të Kosovës.

Së pari përfaqësues të vendeve kryesore që merren me këtë çështje, njohur si vendet e Quint-it do të jenë në Beograd së shpejti për të bërë propozime të reja, për të cilat presidenti Aleksander Vuçiç ka deklaruar se do t’i shqyrtojë.

Ka dalë sot në Parlament, në një shfaqje personale të sukseseve imagjinare kryeministri i Shqipërisë. E gjithë bota shqiptare, ajo politike, nuk e kupton këtë njeri. Vizionin e tij. Është politika e tij e madhe që ka lënë në hije katundarinë e Ballkanit, janë hapat prej gjigandi që e bëjnë të pakapshëm këtë njeri të rrallë të lindur në tokën e Facebook. Përtej gjyqit personal që i bëri botës dhe kohës ku jetojmë, ky Belul i papërsëritshëm i Shqipërisë Politike ka deklaruar ndër të tjera se ai vetë, madje vetëm Ai, i ka dhënë Shqipërisë një dinjiitet që se ka patur kurrë.

Presidentja e Kosovës, Vjosa Osmani, ka vizituar një fabrikë armësh në Karlovac të Kroacisë, prej nga ku edhe kjo foto. Lidhur me armët sot SHBA njoftoi dhurimin, policisë së Kosovës të 7 droneve, një ndihmë që u cilësua si "jetike" nga ambasadori amerikan Honevier.  

Hipoteza e universit artificial, apo ndryshe e realitetit të simuluar në një lloj kompjuteri brenda të cilit ne jemi konstrukte, ka së fundmi edhe mbështetës që po kërkojnë shpjegimin shkencor final. Termi tingëllon paradoksal meqenëse sipas një shkencëtari, Melvin Vopson, hipoteza në fjalë justifikohet me ligjet e termodinamikës shpjeguar për ato që ai i quan sisteme informatike, ndërkohë që mbetet e paqartë sesi ne mund të hulumtojmë, në statusin e subjektit të simulimit, ligjësi të tilla. Apo nëse edhe parimet e fizikës janë vetë instrumente rregullimi të simulimit. 

Në një intervistë të dhënë gjatë një aktiviteti në samitin e Granadës, kryeministri Edi Rama, ka folur edhe për situatën e fundit në Kosovë, raportet me të dhe Serbinë. Zoti Rama ka mbrojtur pikëpamjen se Shqipëria është përherë në funksion të Kosovës, duke shtuar se situata si kjo që ndodhi u shfrytëzua nga patriotizmi i rremë. 

Intervista e z. Rama në Financial Times ka prodhuar edhe një incident. Nëse në tekst thuhet se z. Rama ka deklaruar se “Kosova është bërë tokë e askujt”, më pas gazeta ka sqaruar se z. Rama e ka patur fjalën për Veriun e Kosovës.

Përtej këtij skrupoloziteti të gazetës në fjalë që tregohet kaq indulgjente me z. Rama, ne mund të imagjinojmë p.sh se çfarë do të ndodhte nëse një gjë të tillë do ta deklaronte Sali Berisha. Nëse ky i fundit do të kërkonte që KFOR të merrte kontrollin e Veriut.

Në kuadrin e mbështetjes së Shqipërisë për garantimin e sigurisë në veriun e Kosovës dhe marrjen e kontrollit nga KFOR-i, në këtë fazë kur rreziku i përshkallëzimit të konfliktit është alarmant, kemi komunikuar në nivelet më të larta të aleancës euro-atlantike e kemi gjetur një gatishmëri maksimale.

Lajmi kryesor sot duhet të ishte renditja e universiteteve shqiptare nga Times Higher Education World University Rankings, Universiteti i Tiranës rezulton të jetë në vendin e 677 nga 688 universitete të Europës Jugore të marra në shqyrtim. Rënia krahasuar me vitin 2021 është me 200 vende.

Nënkryetari i Listës Srpska, Milan Radoiçiç, ka dhënë dorëheqjen nga detyra e tij, pasi sipas presidentit të Serbisë, Aleksander Vuçiç, “ai nuk dëshiron ta dëmtojë Listën Srpska”. Përmes një letre te lexuar nga avokati i Radoiçiç, Goran Petronijeviç, numri dy i Listës Srpska, parti serbe në Kosovë, ka pranuar pjesëmarrjen në ngjarjet e Banjskës më 24 shtator, madje edhe përgjegjësinë për organizimin logjistik të tyre. Siç pritej ai ka shfajësuar Beogradin zyrtar duke deklaruar se ky i fundit nuk ka patur dijeni për atë që po ndodhte.