bota

Mes Yevgeny Prigozhinit dhe presidentit Putin ka pasur një marrëveshje, e cila i dha fund rebelimit të grupit Wagner, pak orë para se të hynte në Moskë. Pak ditë pas kryengritjes së lënë përgjysmë të 24 qershorit, presidenti rus e priti në Kremlin shefin e grupit ushtarak privat që sfidoi pushtetin e tij.  

Ky version i ngjarjeve është konfirmuar nga shefi i MI6, agjencia britanike e inteligjencës.

Në një fjalim të mbajtur në Pragë, ai tha se dinamika e 24 qershorit është e vështirë të interpretohet.

Presidenti i Brazilit, Luiz Inacio Lula da Silva, kritikon nxitjen e BE-së për të rishikuar marrëveshjen tregtare Mercosur, si imponim i standardeve të dyfishta, por është optimist për arritjen e një marrëveshjeje para fundit të vitit.

Një ditë pasi krerët e Komunitetit të Shteteve të Amerikës Latine dhe Karaibeve (CELAC) u takuan me homologët e tyre të BE-së, Lula la të kuptohej se oferta kineze mbetet opsion.  

Një kompani spanjolle është nën hetim, me dyshimin se ka disa ish-krerë shtetesh të Amerikës Latine. Lajmin e bën të ditur El Pais, sipas të cilës UC Global, S.L. dyshohet të ketë spiunuar edhe bashkëthemeluesin e Wikileaks, Julian Assange me urdhër të CIA-s.

Dyshimet e kanë origjinën te laptopi i David Morales, kreu i UC Global, S.L., për të cilin një gjykatës në Spanjë kërkoi një ekzaminim të dytë.

Britania ka gati një ligj të ri për emigracionin, me të cilin synon t’i japë fund hyrjes së të huajve në vend, kryesisht përmes kanalit të Lamanshit. Ligji i ri ndalon kërkesat për azil nga të gjithë të ardhurit nëpërmjet Kanalit dhe rrugëve të tjera "të paligjshme" dhe do t'i transferojë ato në vende të treta, si Ruanda. Ligji që u propozua si zgjidhje për numrin gjithnjë e më të madh të azilkërkuesve që mbërrijnë nga veriu i Francës, është kundërshtuar nga Agjencia e OKB-së për Refugjatët, duke e cilësuar si "shkelje të ligjit nd

Paratë kesh janë zgjidhja finale për problemin e emigracionit në Europë. I pari vend me të cilin është finalizuar marrëveshja është Tunizia. BE i ofron asaj miliona euro në mënyrë që të bllokojë nisjen e anijeve me mijëra emigrantë. Praktikisht, marrëveshja shkon përtej emigracionit, duke prekur edhe sektorë si tregtia, investimet dhe energjia e gjelbër.

Korniza e marrëveshjes mund të shërbejë si model për të tjera me vendet e Afrikës Veriore. Negociatorët po shohin si mundësinë e radhës vende si Egjipti dhe Maroku.

Autoriteti Libian i Investimeve akuzon për mashtrim dhe zhvatje princin e Belgjikës. Akuza ndaj vëllait më të vogël të mbretit Phlippe, Laurent, pason një mosmarrëveshje shumëvjeçare mes tij dhe fondit sovran të pasurisë libaneze për kompensimin e diskutueshëm nga një projekt i dështuar ripyllëzimi i drejtuar përmes OJQ-së së Laurent, Global Sustainable Development Trust në Libi, në 2008. Projekti dështoi pas shpërthimit të luftës civile në 2011.

Merr fund beteja ligjore mes Nikaraguas dhe Kolumbisë për detin. Dy vendet nuk ndajnë kufij tokësorë, por për gati një shekull marrëdhëniet e tyre kanë qenë të tensionuara për kufijtë detarë. Një zonë e pasur me naftë dhe peshk në Detin e Karaibeve është arsyeja e përballjes së tyre ligjore në Gjykatën Ndërkombëtare të Drejtësisë (ICJ) në Hagë. 

Në samitin e NATO-s në Vilnius, sekretari britanik i Mbrojtjes, Ben Wallace, i kujtoi Ukrainës të mbajë parasysh realitetin politik në disa vende, ku mbështetja për furnizimin me armë dhe mbështetjen financiare për të luftuar pushtimin rus nuk është gjithmonë universale. Wallace tha se Ukraina duhet të jetë më mirënjohëse ndaj aleatëve të saj, kur është fjala për furnizimin me armë. Në këtë pikë, Wallace gjeti rastin t’i kujtonte Kievit se Britania nuk është "Amazon" për furnizimet ushtarake.

Shkencëtarët thonë se aktiviteti njerëzor e ka ndryshuar aq rrënjësisht gjeologjinë, atmosferën dhe biologjinë e tokës, saqë ka futur planetin në një epokë të re gjeologjike të njohur si Antropoceni. Prova të këtij kalimi janë gjetur në liqenin e Ontarios në Kanada. 

Anëtarët e Grupit të Punës Antropocene (AWG) besojnë se gjetjet mund të ndihmojnë në përcaktimin e një date fillimi për epokën e re të ndikuar drejtpërdrejt nga njeriu. 

Trembëdhjetë vjet pasi mori detyrën, kryeministri më jetëgjatë në Holandë, do të lërë karrigen e kreut të qeverisë, për atë të mësimdhënësit. Mark Rutte njoftoi tërheqjen nga politika, pasi qeveria e tij rat ë premten.

Në krye të Partisë së Popullit për Liri dhe Demokraci (VVD) prej 17 vjetësh, Rutte do të jetë tashmë një mësues i studimeve sociale, në një shkollë lokale në Hagë.

"Nuk është krejt pa emocion ky vendim", u tha ai gazetarëve pasi njoftoi dorëheqjen. "Por është mirë kur e kalon stafetën."