bota

Dyshimet për abuzimin me fondet e saj e kanë shtyrë BE-në të nisë zyrtarisht hetimin ndaj Bullgarisë. Laura Kovesi, dikur kryeprokurore në Rumani, është sot shefja e institucionit më të madh të akuzës në BE.

Një variant me virulencë të lartë i Covid-it ka vrarë me mijëra mace në Qipro.  Virusi u përhap me shpejtësi nëpopullatën e maceve të ishullit, saqë qeveriau detyrua të autorizonte përdorimin e pilulave të destinuara për njerëzit, si “armë” në duart e veterinerëve për të frenuar përhapjen e patogjenit. 

Një fond prej 200 milionë eurosh do t’i jepet Rumanisë për të shpëtuar nga prerja pyjet e saj. Skema e miratuar nga Komisioni Europian parashikon që përfituesit e këtij fondi të jenë fermerët rumunë, të cilët në këmbim të pagesës, nuk do t’i presin drurët e pyjeve të vendit.

“Skema synon të mbrojë biodiversitetin, të përmirësojë ekosistemin dhe të ruajë habitatet dhe peizazhet”, thuhet në një njoftim për shtyp të KE.

Polonia do të stacionojë 10 mijë trupa në kufirin me Bjellorusisë.

“Rreth 10 mijë ushtarë do të vendosen në kufi. 4 000 do të mbështesin direkt Rojën Kufitare, ndërsa 6 000 do të jenë rezervë” , tha ministri polak i Mbrojtjes, Mariusz Błaszczak.

Të paktën 6 persona kanë humbur jetën një valë të paprecedent zjarresh që kanë përfshirë Big Island (Ishullin e Madh) dhe Mauin, në Havai. Guvernatori i shtetit amerikan, Josh Green, tha se qyteti i Lahanias është shkatërruar dhe qindra familje janë evakuuar.

Në perëndim të Mauit, zonë me resorte, për shkak të dëmtimit të rrjetit, është i pamundur çdo lloj komunikimi me celular.  

“Duket sikur e gjithë zona është bombarduar gjatë një lufte”, ishte përshkrimi i njërit nga pilotëve që fluturuan mbi Maui.

Taksapaguesit gjermanë kanë paguar 55 mijë euro për flokët dhe grimin e ish-kancelares Merkel, qëkur ajo la detyrën. Prej dy vjetësh, pavarësisht se ka lënë postin kryeministror, qeveria gjermane i paguan Merkelit disa shërbime.

Sulmet terroriste u rritën në vendet e BE-së gjatë vitit 2022, krahasuar me një vit më parë. Raporti i fundit i Europolit flet për 28 sulme të planifikuara, 16 prej të cilave janë realizuar.

Numri i rasteve të reja me virusin SARS-CoV-2 është rritur javët e fundit. Në SHBA, Qendra për Kontrollin dhe Parandalimin e Sëmundjeve raporton rritje të rasteve pozitive dhe shtrimeve në spital.

Trazirat në Niger kanë ngritur shqetësimin për energjinë bërthamore dhe ndikimin e saj në portofolin energjetik të Francës. Politikat energjetike të Francës, që e kanë origjinën që në kohën e Charles de Gaulle, e bëjnë sistemin e saj të energjisë elektrike të varur nga energjia bërthamore në masën 70%. Franca është eksportuesi më i madh neto në botë i energjisë bërthamore, çka i sjell çdo vit më shumë se 3 miliardë euro të ardhura.