bota

Bullgaria dhe Rumania duhet të pranohen në zonën Shengen. Presidentja e Komisionit të Bashkimit Evropian, Ursula von der Leyen, tha se dy vendet kanë dëshmuar se përkasin kësaj zone.

E kanë provuar: Bullgaria dhe Rumania janë pjesë e zonës sonë Shengen. Pra, le t'i pranojmë më në fund - pa ndonjë vonesë të mëtejshme.

Fosilet e dy qenieve që supozohet se kanë qenë alienë janë ekspozuar në Parlamentin e Meksikës. Në një seancë speciale, trupat iu përshkruan të pranishmëve si 100-vjeçare, nga gazetari dhe shkencëtari i UFO-ve, Jaime Maussan. Ato janë gjetur në Cusco, Peru.

"Këto ekzemplarë nuk janë pjesë e evolucionit të botës sonë. Ato janë gjetur të fosilizuara në një minierë", tha Maussan.

Në Libi, përmbytjet kanë shkatërruar një të katërtën e qytetit Derna. Stuhia që nisi natën shkaktoi vdekjen e qindra njerëzve, pasi ndërtesa të tëra u morën përpara nga ujërat. Trupa të pajetë vijojnë të dalin në brigje.  

"Deti po nxjerr vazhdimisht dhjetëra trupa", i tha Reuters me telefon Hichem Abu Chkiouat, ministër i aviacionit civil në administratën që drejton Libinë lindore.

Rusia ka bërë dyfishin e sasisë së arit dhe rezervave valutore të ngrira nga Perëndimi vitin e kaluar, tha presidenti Vladimir Putin në Forumin Ekonomik Lindor në Vladivostok.

“E di që rezervat tona të arit dhe valutës janë të ngrira. Po, tashmë kemi fituar dy herë më shumë. Le të mos flasim as për këto 300 miliardë dollarë, po flasim për minimin e besimit tek ata që e bënë këtë”, citon RT presidentin rus.

NATO do të zhvillojë stërvitjet e saj më të mëdha ushtarake që nga epoka e Luftës së Ftohtë në Evropën Perëndimore në fillim të vitit të ardhshëm. Sipas Financial Times, stërvitjet do të simulojnë përgjigjen e bllokut ndaj një pushtimi hipotetik rus dhe synojnë të rrisë gatishmërinë për një skenar të tillë.

Për Britaninë, Kina nuk është armik, por një sfidë.

Një projekt shumëkombësh hekurudhor dhe i transportit detar që lidh Indinë me Lindjen e Mesme dhe Evropën është njoftuar në nisje të samitit të G20 në Nju-Delhi. Propozimi i ri shihet si një sfidë për ambiciet ekonomike të Kinës në rajon.

Korridori, i cili do të përfshijë Indinë, Arabinë Saudite, Emiratet e Bashkuara Arabe, Jordaninë, Izraelin dhe Bashkimin Evropian, do të ndihmojë në nxitjen e tregtisë, ofrimin e burimeve të energjisë dhe përmirësimin e lidhjes dixhitale.

Nigeri pretendon se Franca po planifikon një ndërhyrje ushtarake në ish-koloninë e saj, ku pak javë më parë një grusht shteti rrëzoi presidentin.

Zëdhënësi i juntës ushtarake që mori pushtetin thotë se Franca po mbledh trupa në disa vende të rajonit, për të realizuar qëllimin e saj.

Marrëdhëniet midis Nigerit dhe ish-fuqisë koloniale Francës u përkeqësuan pas një grusht shteti në korrik.

Italia është shkëputur nga nisma kineze Rruga e Mëndafshit. Edhe pse formalisht nuk është zyrtarizuar, vullneti i Italisë i është komunikuar qeverisë kineze gjatë një takimi që kryeministrja Giorgia Meloni pati me homologun kinez, Li Qiang, në samitin e G-20.

Grupi i 20 ekonomive kryesore të botës ka pranuar Bashkimin Afrikan si anëtar të përhershëm, një njohje e fuqishme e Afrikës pasi më shumë se 50 vendet e saj kërkojnë një rol më të rëndësishëm në skenën globale.

Deri më tani, Afrika e Jugut ka qenë i vetmi anëtar i bllokut G20.

Në një botë ku roli i Afrikës është thelbësor për diskutimet rreth ndryshimeve klimatike, sigurisë ushqimore, migrimit dhe çështjeve të tjera, anëtarësimi në G20 është një hap i rëndësishëm.