Budallallëqet që bëhen politikë
Në një sh-krruajtje për shpalljen non grata të Artan Hoxhës, gazeta “Tema”, teksa evidenton vendimin nisur nga një raportim i medias greke “Protothema”, ndër të tjera e mbyll me këtë paragraf:
Konica ndodhet jo më shumë se 54 kilometra nga qyteti i Përmetit dhe rreth 18 kilometra nga pika kufitare e Tre Urave që lidh këtë zonë të Shqipërisë me Greqinë. Dikur kjo zonë jetohej nga fiset ilire të Mollosëve dhe më pas ishte pjesë e Sanxhakut të Janinës, fuqinë më të madhe e mori gjatë drejtimit të Ali Pashë Tepelenës.
Nëna e tij, Hankoja, ishte nga Konica. Mjafton kaq për të kuptuar se sa të fortë e ka lidhjen me historinë kjo zonë. Po nga fshati Konicë, ka qenë edhe një nga njerëzit më të rëndësishëm të lëvizjes kombëtare, studiuesi Faik Konica
Ky paragraf synon të shpjegojë se vendimi i palës greke lidhet me një foto të Hoxhës ne Konicë ku ai bën shqiponjën me duar.
Mund të jetë edhe kjo arsyeja e vendimit, por ajo na bën të kuptojmë një gjë me siguri: që një pjesë e atyre që jetojnë dhe vendosin në Athinë, kanë kaplloqen si të Hoxhës dhe Edi Ramës. Sepse të merresh me shprehje të tilla për t’i kaluar si kërcënim, vetëm mendja e këtyre e bën.
Dhe për ta kuptuar mbrapshtësinë e kësaj mjafton të lexohet paragrafi i “Temës” që lidh një gjest të Artan Hoxhës nga Skrapari, me molosët e Epirit që bëhen ilirë, për të vijuar me Ali Pashanë e Tepelenës dhe nënën e tij nga Konica. Sepse meqenëse ne i kemi mbushur mendjen vetes se vijmë nga ilirët, kaq përmbush të gjitha analizat tona se askush tjetër nuk pason ilirët veç shqiptarëve pasi në fund të fundit, aspirata jonë historiografike sipas deluzioneve tona, përfaqëson një testament trashëgimie që nis nga Liburnët e mbaron në Ambraqi. Njerëz si Ardit Bidoja p.sh janë ilirë të një soji të veçantë, nga ata që Pirroja i Epirit u fanepset në ëndrra, i ngacmuar edhe nga shqiponjat e Artan Hoxhës në rrëpirat e Konicës, ku kanë mbetur vetëm 6 pleq.
Ironikja në këtë mes është se nëse Greqia e sotme ka të ekspozuar shumë më mirë se ne arkeologjinë e Epirit, por edhe historinë e Ali Pashë Tepelenës, jemi ne që ia numërojmë herë pas here këtë sikur të ishte ndonjë kompleks. Kjo vjen edhe nga akte idiotësh provincialë si ky i non gratës për një gazetar që në fund të fundit nuk cenon humorin dhe qetësinë mendore të askujt.
s.zaimi
Comments
Nga te gjitha hipotezat qe
Nga te gjitha hipotezat qe jane hedhur mbi origjinen e shqiptareve, kjo ilirikja eshte me e pranueshmja. Duke ndjekur metoden e eleminimit te hipotezave te paqendrueshme, kjo eshte me logjikja.
Po, kjo mburrja me Ali Pashen eshte me shume se qesharake. Jane munduar adhuruesit e tij (historiane) te gjejne dicka, ta themi, kombetare tek ai, NUK kane gjetur asgje; te pakten ai i pashallakut te Shkodres, edhe po te qe se nuk ishte i sinqerte ( per te fituar mbase, simpatine e katolikeve), kishte njesifare ndergjegje kombetare ( enderronte te behej nje skenderbe). Kurse Ali Pasha hic. Asgje te ngjashme, edhe pse ne oborrin e tij kishte njerez te ditur qe e njihnin shume mire historine. Vetem origjinen kishte shqiptare brashnjari. Kurse nena e tij, e mesonte qe te vogel, sesi te behej gjaksor, mizor. Nje nene e tille, eshte nje monster. Greqia e nderon Ali Pashen, sepse ai e pat ndihmuar levizjen greke per pavaresi; vetem per kaq.
Sa per shpalljen nongrata te ketyre gazetareve, nuk eshte nje akt, le te themi, kryesisht i shtetit grek; kjo eshte per shkak te ankesave dhe info-ve qe vijne nga Shqiperian, prej disa individeve, qe u pelqen dhe mburren te konsiderohen si pro-heleniste dhe qe i kemi pare shpesh te debatojne ne studiot televizive si perfaqesues te pakices.
Add new comment