bota

Në Qipron turke, një rrugë e re do të lidhë fshatin Pyla, një zonë me etni të përziera midis Qipros turke dhe greke. Pyla ndodhet vetëm në jug të zonës së monitoruar nga Kombet e Bashkuara, ku ishulli ndahet në Republikën Turke të Qipros Veriore dhe Republikën e Qipros.

Rruga ka hasur në kundërshtimin e forcave paqeruajtëse të OKB-së, por pavarësisht kësaj, autoritetet do të vijojnë punën për ndërtimin e saj.

Sonda ruse Luna-25 nuk ia ka dalë të zbresë me sukses në Hënë. Luna është e para sondë që Rusia nis drejt satelitit të Tokës që prej vitit 1976, pati një incident gjatë një manovre për t’u ulur.

Ish-kancelari austriak, Sebastian Kurz, akuzohet për dëshmi të rreme. Fjala është për hetimin e nisur ndaj tij pak vite më parë, lidhur me të ashtuquajturin skandali i Ibizës.

Ngritjen e akuzës ndaj ish-kancekarit austriak e konfirmoi Zyra e Prokurorisë Ekonomike dhe Korrupsionit të Austrisë. Kallëzime penale janë bërë edhe ndaj ish-shefit të kabinetit të Kurz, Bernhard Bonelli, raportojnë mediat austriake.

Gjykimi ndaj Kurz nis më 8 tetor.

Moska rrezikon luftë direkte me NATO-n, për shkak të përpjekjeve të saj për të kontrolluar anijet në ujërat ndërkombëtare dhe për të mbytur ekonominë ukrainase.

Ish-komandanti suprem i NATO-s për Evropën, James Stavridis, i cili udhëhoqi forcat e aleancës në kontinent midis 2009 dhe 2013, thotë se “veprimet e Rusisë në ujërat ndërkombëtare të Detit të Zi përbëjnë një rrezik real për ta përshkallëzuar këtë në një luftë në det midis NATO-s dhe Federatës Ruse”.

Liderët e grushtit ushtarak të shtetit në Niger njoftuan se do ta ndjekin penalisht presidentin e rrëzuar, Mohamed Bazoum. Ky i fundit do të akuzohet për "tradhti të lartë" dhe "minim të sigurisë" të vendit, bëri të ditur në një njoftim televiziv junta ushtarake që ka marrë në dorë drejtimin e vendit.  

Rreth një 1 trilion lira (37 milionë dollarë) do të japë qeveria turke për të rikuperuar pasojat e tërmetit shkatërrimtar që goditi vendin në shkurt të këtij viti.

Nga buxheti i qeverisë turke do të dalin 762 miliardë lira, ndërsa pjesa tjetër do të jenë në formën e alokimeve për pushtetin vendor, agjencinë e punësimit İşkur dhe agjencinë e sigurimeve shoqërore SGK. “Ne llogarisim se shpenzimet e përgjithshme do të jenë rreth 1 trilion lira këtë vit," tha zëvendëspresidenti Cavit Yılmaz.

Rrjetet sociale kanë ndryshuar mënyrën sesi bëhet turizëm. Për shumë të tillë, një foto në qendrën e një qyteti turistik është më e rëndësishme se vetë përvoja e eksplorimit të tij. Corriere della Sera sjell rastin e Firenzes, një prej qyteteve më të vizituara në Itali, parë përmes përvojës së vetë turistëve.

Dyshimet për abuzimin me fondet e saj e kanë shtyrë BE-në të nisë zyrtarisht hetimin ndaj Bullgarisë. Laura Kovesi, dikur kryeprokurore në Rumani, është sot shefja e institucionit më të madh të akuzës në BE.

Një variant me virulencë të lartë i Covid-it ka vrarë me mijëra mace në Qipro.  Virusi u përhap me shpejtësi nëpopullatën e maceve të ishullit, saqë qeveriau detyrua të autorizonte përdorimin e pilulave të destinuara për njerëzit, si “armë” në duart e veterinerëve për të frenuar përhapjen e patogjenit.