Lajme

Nëse kandidati i bashkisë së Tiranës që mori rreth 16 mijë vota më 21 qershor deklaroi se rezultati e inkurajon të mendojë për shndërrimin e iniciativës së tij në parti politike, duket se hapat do të hidhen më shpejt sesa ai la të kuptohej. Grupimi “Ne Tirana” do të shndërrohet realisht në një parti politike, për të marrë pjesë në zgjedhjet e përgjithshme të vitit 2017. Kështu është shprehur Ermal Hasimja, një prej nismëtarëve dhe pjesëtar i këtij grupimi. Hasimja foli për Tema Tv, ku tha se edhe shumë figura të tjera do t’i bashkohen nismës.

Dy vizita domethënëse dëshmojnë një tendencë për ndryshimin e klimës politike në rajon.

Kryeministri i Kosovës, Isa Mustafa, priti në takim ministrin e Punëve të Jashtme të Greqisë, Nikolaos Kotzias, me të cilin është biseduar për marrëdhëniet ndërmjet Kosovës dhe Greqisë dhe mundësitë e thellimit të bashkëpunimit dhe shkëmbimeve ndërmjet dy vendeve.

Ngjarja e narkotrafikut që dyshohet se ka nxitur një zinxhir ngjarjesh të rënda në Tiranë, kapja e 250 kg kokainë në Bar të Malit të Zi, ka rinisur tashmë si çështje gjyqësore në Gjykatën e Krimeve të Rënda në Tiranë. Me përkthyes dhe me praninë e dy të afërmve të tij nga Spanja, kolumbiani Cesar Augusto Triana doli për herë të para Gjykatës së Krimeve të Rënda. Më 9 qershor të 2014-ës në policia bëri publik arrestimin e tij në Rinas. A1 Report jep pamjet e para të kolumbianit 37-vjeçar.

“Aleanca franko-gjermane nuk është krisur. Unë dhe kancelarja Merkel punojmë bashkërisht për të mirën e Europës. Këtë e tregoi si marrëveshja e Minskut për Ukrainën ashtu dhe arritja e një marrëveshje për Greqinë”. Kështu i ka komentuar presidenti francez  Fransua Olond përshtypjet e krijuara se Gjermania dhe Franca kanë hyrë në një fazë rivaliteti në drejtimin e BE-së.

Në një Auditorium të Mbajtur në Gjirokastër në bashkëpunim me OSBE-në, Avokati i Popullit, Igli Totozani deklaroi se pavarësisht proceseve të regjistrimit të popullsisë të ndërmarra nga ana e shtetit, (përfshirë këtu censusin e vitit 2011), gjendemi para faktit të një debati mes deklarimit zyrtar të shifrave të popullsisë minoritare në vend dhe nga ana tjetër të mospranimit dhe kontestimit të tyre nga ana e vet minoriteteve.  “Ky moment konstaton mungesën e të dhënave të sakta statistikore mbi popullsinë minoritare, të dhëna këto që të jenë të pranueshme nga të gjitha palët”, u Totozani.

Komisioni Europian përmes zëdhënëses Marija Koçijançic  i ka kthyer përgjigje eurodeputetit grek, Manolis Kefalogiannis, I cili ka ërkuar nga Komisioneri I Zgjerimit Johanes Hahn  të shprehë qëndrimin e tij lidhur me marrëveshjen kufitare për zonën detare midis Greqisë dhe Shqipërisë  dhe efektin që mund të ketë mosdakortësia për këtë marrêveshje midis dy vendeve. Komisioni Europian kërkon që Shqipëria të mbajë zotimin për marrëdhënie të mira fqinjësore dhe që çështjet bilaterale të zgjidhen sa më shpejt që të jetê e mundur me objektiv konsolidimin e këtyre marrëdhënieve. “

Presidenti i PE, Martin Schulz mbajti një fjalim në Parlamentin e Shqipërisë. Ai ndau shqetesimin se konfliktet politike në Shqipëri rrezikojne procesin e reformave. Presidenti i PE i bëri thirrje klasës politike që të veprojë në përouthej me 13 pikat e arritura në dialogun e nivelit te larte mes Shqipërisë dhe BE. “Në mars u mbajt u zhvillua dialogu i pestë i nivelit të lartë lidhur me prioritetet kyce të integrimit në BE të Shqipërisë. një dialog i mbajtur në kujdesin e kryeministrit Rama dhe komisionerit Hahn.

Basha u ka dhënë përgjigje zërave brenda opozitës për një afrim të mundshëm të Partisë Demokratike me Lëvizjen Socialiste për Integrim. Pas takimit që pati me presidentin e Parlamentit Europian Martin Schulz, Basha shpjegoi deklaratat e kreut të Partisë Republikane, Fatmir Mediu për flirt të Partisë Demokratike me LSI-në e Ilir Metës. Basha  tha se opozita nuk është e interesuar t’i hipë pushtetit me ndihmën e LSI-së, por nga aleanca me qytetarët. “Ju do ta keni keqkuptuar. PD nuk bën zgjidhje mes dy të këqijave, por ka zgjedhur të jetë në krah të shqiptarëve për të luftuar çdo të keqe.

Vendi nuk ka një treg të qëndrueshëm financiar. Më pak para qarkullojnë. “Monitor” raporton se në muajt maj dhe qershor 2015 rreth 100 biznesë kanë shpallur procesin e likuidimit në Qendrën Kombtare të Regjistrimit.  Po sipas “Monitor”, kompanitë që kanë vendosur të mbyllin aktivitetin përfaqësojnë të gjithë sektorët që nga lojrat e fatit, tregti, ndërtim dhe komunikim. Por në listën e 100 kompanive ka biznese të sektorit të tregtisë, shërbimeve, konsulencës, por edhe të sektorit mikrofinanciar.

Mision i mundur apo i pamundur kthimi dhe kompensimi i pronave për shqiptarët. Sonila Qato, që është dhe drejtoresha e AKKP-së, në një intervistë të gjatë për revistën Psikologji” rrëfen shumë nga detaje e kësaj pune. Ajo, si dhe disa gra të tjera,  prej thuajse dy vitesh është në krye të këtij institucioni,  si angazhim i projektit të të kryeministri Rama, i cili kërkon t’u japi rolit të femrës më shumë pika kyçe të adiministratës shtetërore.