Bota

Presidenti i Bjellorusisë, Aleksandër Lukashenko, thotë se Lufta e Tretë Botërore duhet parandaluar, sepse në të kundërt një apokalips bërthamor është i pashmangshëm.

Spanja mund t'i bashkohet Irlandës dhe "partnerëve të tjerë të BE" në njohjen e Palestinës si shtet më 21 maj. Kjo lëvizje do ta detyronte kryeministrin spanjoll Pedro Sanchez të ndjekë kërkesën e partnerit të koalicionit Sumar.

Një ditë më parë, transmetuesi publik irlandez RTE raportoi se Irlanda, Spanja dhe "partnerët e tjerë të BE" mund të njohin "Shtetin e Palestinës" më 21 maj - informacion që sipas RTE është verifikuar "me dy burime të ndryshme".

Kompanitë spanjolle që bëjnë biznes me Izraelin duhet të marrin të gjitha masat e nevojshme për të siguruar që marrëdhëniet e tyre tregtare me shtetin "të mos kontribuojnë në gjenocidin në Palestinë", paralajmëroi ministri i të Drejtave Sociale, Pablo Bustinduy.

Gazeta opozitare serbe “Danas” ka vënë në dukje një element qesharak të inaugurimit të kryeministrit të ri Milos Vuçeviç. Sipas gazetës në fjalë, Vuçeviç, një mbështetës gati robotik i Presidentit Aleksandër Vuçiç, ka kopjuar pjesë të fjalimit të tij nga fjalimi i Ana Brnabiç, kur kjo mori detyrën vite më parë si drejtuese e Ekzekutivit.

Të dy e shpallën arsimin dhe shkencën prioritet. Vuçeviç kopjoi pjesë të fjalimit të paraardhëses rreth nevojës “për të vijuar që Serbia të jetë vendi më progresiv në Europë në terma të cilësisë dhe inovacionit

Në një opinion të publikuar në gazetën “Kathimerini”, Constantinos Filis, profesor i asociuar në Kolegjin Amerikan të Greqisë, shkruan për politikën e jashtme të Greqisë në Ballkanin Perëndimor. Sipas tij, rrethanat e reja rajonale diktojnë formulimin e “një strategjie përfshirëse për një periudhë pesë vjeçare” që do të vinte në të njëjtin nivel politik me deklaratën e Selanikut të vitit 2003. Filis e hap komentin e vet me Kosovën dhe situatën e krijuar së fundmi me Serbinë, por nuk ofron ndonjë sugjerim sesi Greqia do të duhet t’i qaset gjendjes së tanishme.

AstraZeneca ka filluar tërheqjen në mbarë botën të vaksinës së saj Covid-19 për shkak të një “tepricës së vaksinave të përditësuara në dispozicion”.

Më 7 maj, Agjencia Evropiane e Barnave njoftoi se AstraZeneca nuk është më e autorizuar për përdorim.

Gjiganti farmaceutik e argumentoi këtë vendim me faktin se tani në treg ka vaksina të reja të përshtatura me variantet e reja të Covid-19. Kjo sipas tyre ka çuar në rënie të kërkesës për vaksinën AstraZeneca, e cila nuk po prodhohet më.

Gazeta “Koha Ditore” mban sot tri tituj të ndryshëm për sa i përket anëtarësimit të Kosovës në Këshillin e Europës që do të duhet të votohet së afërmi. Gjermania kërkon që të ketë hapa konkretë për Asocacionin e Komunave me Shumicë Serbe, Franca gati e kushtëzon votën pro me dërgimin në Kushtetuese të Asocacionit, kurse Britania e Madhe mbështet pa rezerva anëtarësimin e Kosovës.

Ndërkohë raporterja Bakojanis dhe Asambleja ka rekomanduar anëtarësimin e vendit të cilit i mbahen në fuqi masa sanksionuese, premisat për të cilat nuk ekzistojnë më. 

Mediat në Serbi publikojnë një fotografi të Patriarkun Porfirije me veteran të luftës së Kosovës dhe pjesëmarrës në betejën e Koshares dhe Pashtrikut.

Patriarku i priti veteranët, bisedoi me ta dhe u dha dhurata dhe libra lutjesh

citojnë mediat serbe.

Qeveria britanike fitoi betejën juridike për të trajtuar kërkesat e azilkërkuesve në Ruanda nën argumentin se Ruanda është një vend i sigurtë. Mirëpo këtu nuk ka asgjë parimore dhe ajo që bëri Londra zyratre është të hiqte qafësh një kontigjent njerëzish të padëshiruar për higjenën sociale të metropolit. Konfirmohet tërësisht një qasje e tillë nisur nga raportime të mediave në Britani, sipas të cilave në procesin e shqyrtimit të opsionit të deportimit, përveç Ruandës, qeveria britanike konsideroi si vend të mundshem edhe Irakun.

Shërbimi i jashtëm rus. SVR, ka shpërndarë një deklaratë publike përmes së cilës kujton se presidentit ukrainas, Zelenskiy i mbaron mandate presidencial më 20 maj. Nisur nga kjo rrethanë, SVR vë në dukje një aspekt të legjitimitetit të presidentit ukrainas, që cilësohet si “njeri kyç në skemat e financimit të luftës që po sjellin fitime të jashtëzakonshme Kievit dhe prodhuesve perëndimorë”.