Bota

Pa një strategji të përbashkët për të menaxhuar fluksin e emigrantëve nga Lindja, Maqedonia dhe Greqia do ta ndajnë kufirin me një gardh me tela si një mënyrë për të kufizuar hyrjen e emigrantëve. Ushtria maqedonase ka nisur prej pak ditësh ndërtimin e gardhit në zonën e Idomenit për të ndalur intervenimin e emigrantëve që duan të kalojnë në Europën Qëndrore.
500 forca janë angazhuar në vendosjen e kolonave në një largësi 3 metra nga njëra-tjetra me një lartësi më shumë një metër.

Kriza siriane po kthehet me shpejtësi në një krizë ruso-turke që me gjasë mund të përfshijë edhe aktorë të tjerë. Në themel të përballjes duket se qëndron cenimi i interesave të mëdha të Turqisë dhe Erdoganit nga njëra anë, që kanë investuar shumë, pa sukese deri më tani në goditjen e regjimit shiit të Bashar Al-Assadit dhe nga ana tjetër qëndron irritimi dhe shqetësimi i fuqive krysore perëndimore, SHBA-Britani për suksesin e ndërhyrjes ruse. Parë në këtë aspekt kriza siriane po merr formën e një subversioni të dyanshëm që e çon edhe më larg zgjidhjen e vërtetë.

Pamjet e mëposhtme paraqesin vrasjen e Tahir Elçi, shef i shoqatës së avokatëve në Diyarbakir, në jug-lindje të Turqisë, një zonë me shumicë kurde. Reagimi i drejtuesve të Turqisë, Prësidentit Erdogan dhe kryeministrit Davutoglu, ishte i menjëhershëm: “Shënjestra ishte Turqia”, tha Davutoglu. Elçi u qëllua pasi mbaroi një deklaratë për shtyp pasi një plumb e kapi atë pas koke. Ai kishte bërë disa komente kundër PKK-së, Partia e Punëtorëve të Kurdistanit, por ende nuk ka një version se kush qëndron pas atentatit.

Revista gjermane Der Spiegel shkruan se trupa të këmbësorisë ruse dhe artileria e saj kanë hyrë në Siri për të ndihmuar forcat e Asad të përparajonë në pozicionet e ty kundër Shtetit Islamik. Shkak për këtë u bë operacioni 12 orësh për shpëtimin e njërit prej pilotëve rus të rrëzuar nga ushtria turke. Moska nuk e ka konfirmuar zyrtarisht, por sipas gazetës gjermane trupat ruse ndodhen në terren për të blinduar kufirin turko-sirian. Gatishmërinë e Moskës për të ndihmuar në terren ushtrinë siriane e konfirmoi edhe ministri i Jashtëm rus, Sergei Lavrov pas takimit me homologun e tij sirian.

Media online po kthehet në një armë që nuk mund të kontrollohet nga asnjë pushtet qendror. Të paktën jo si media tradicionale. Kjo nuk ka të bëjë më me të drejtat vetëm, por edhe për faktin se transmetimi eksponencial i pamjeve apo ngjarjeve në një rrjet global, e konkuron, pse jo, zhbën çdo narrativë zyrtare. Shembulli më i qartë sesi ndikohet opinioni nga kjo medie është Izraeli që së fundmi përballet me një valë dhune.

Autoritetet greke do të hetojnë mbi një listë me emrat e më shumë se 10 mijë qytetarëve që kanë depozita bankare në Zvicër. Lista, që iu dorëzua qeverisë greke nga administrata tatimore e Rinit verior – Vestfalisë, përmban llogari bankare të hapura në bankat Zviceriane në periudhën 2006-2008, me vlerë të përgjithshme 6,3 miliardë euro.
Sipas ministrit alternat të financave, Trifon Aleksiadis, hetimet mund të nxjerrin në dritë shuma më të mëdha, por edhe më tepër emra, nga 10.588 që përmban lista e dorëzuar nga autoritetet gjermane.

Një video e lëshuar këto ditë tregon sesi një polic në Çikaho, Jason Van Dyke, ekzekuton në mënyrë brutale një adoleshent afroamerikan, 17 vjeçarin Laquan McDonald. 16 qitje pë 13 sekonda pasi ky i fundit ishte rrëzuar përtokë. Protestat kanë nxjerrë në rrugë qindra vetë që akuzojnë policin për vrasje. Dhe në fakt, 13 muaj hetim, kanë çuar në akuzën zyrtare "vrasje e shakllës së parë për Van Dyke, i cili ka deklaruar se druhej për jetën e tij. Por prokoruorë janë shprehur se qitja e tij ishte e pajustifikueshme. Ky nuk është rasti i vetëm në SHBA.

Autoritetet amerikane kanë liruar nga burgu këtë të martë, Ronald Pelton, ish-punonjës i NSA-së, i cili u kaloi sovjetikëve informacione sekrete. Pelton hyri në lidhje me ambasadën sovjetike në SHBA, në vitin 1979, një vit pas dorëheqjes nga detyra. 35 mijë dollarë u pagua Pelton nga sovjetikët në këmbim të informacioneve që ai u kaloi për Operacionin Ivy Bell, i cili synonte të përgjonte komunikimet ushtarake sovjetike që kryheshin përmes kabllove të vendosur nën ujë në oqean.