Bota

Krerët e diplomacisë amerikane, saudite, turke dhe ruse do të takohen sot në Vjenë për bisedime, raporton agjensia e lajmeve AFP. Sipas saj në fokus është lufta në Siri midis treshes Washington-Ryad-Ankara, kundërshtarë të fortë të regjimit të Damaskut dhe Moskës aleati i saj më besnik. Kryeqyteti austriak është bërë arena e bisedimeve diplomatike midis palës amerikane, John Kerry, ai rus Sergueï Lavrov, sauditi Adel al-Jubeir dhe ai turk Feridun Sinirlioglu.

Franca është gdhirë e tronditur sot pas lajmit për një aksident tragjik, nku ga përplasja e një autobusi me një kamion, të paktën 42 persona kanë humbur jetën. Agjensdia e lajmeve ANSA raporton se aksidenti ka ndodhur në afërsi të Libourene, qytet francez jo shumë larg nga Bordeaux. Sipas mediave vendase, përplasjes i kanë shpëtuar vetëm 3 persona. Të njejtat burime shtojnë se në bordin e autobusit usdhëtonin një grup të moshuarish. Një oficer i zjarrfikëses është shprehur për “Agebce France Presse”, se viktimat janë të rritur dhe ishin pasagjerë në autobus.

Irani dhe Rusia kanë rënë dakord të krijojnë një bankë të përbashkët që synon të lehtësojë transaksionet financiare mes  të dyja vendeve. Lajmi është bërë publik nga Banka Qendrore e Iranit sipas së cilës marrëveshja është arritur gjatë vizitës së ministrit rus të Energjisë, alexander Novak dhe kreu të BQI-së, Vaiollah Seif. Nga ana e vet ministri rus ka deklaruar gatishmërinë e Rusisë për të garantuar linja kreditimi për zhvillimin e projekteve infrastrukturore në Iran.

Kur ish-presidenti iranian, Mahmoud Ahmedinejad deklaronte se Holokausti ishte një mit, ose ekzagjerim, e gjithë bota reagoi duke e akuzuar keq. Në fakt, Ahmedinejad ndoshta nuk ka patur edhe aq shumë faj, po të shohësh sot se kryeministri izraelit Benjamin Netanyahu, deklaroi në Kongresin Sionist se “Hitleri vetëm sa donte t’i dëbonte hebrejtë, e jo të eliminonte”. Sipas tij, ideja për shfarrosje erdhi nga Myftiu i Jerusalemit Haj Amin al-Husseini, i cili edhe e ka takuar Hitlerin në Berlin.

Shefat ushtarakë të NATO-s kanë dhënë alarmin mbi atë që ata e shohin tani si “një plan më të gjerë strategjik të Vladimir Putinit nga ana e Rusisë për të sfiduar perëndim e afërt me shtëpinë”. Ata tani kanë frikë nga zhvillimi i shpejtë i arsenalit me anijet lundruese të nisura tashmë bashke me raketat balistike, të cilat janë në gjendje të kufizojnë “aftësinë për t’i lehtësuar këto asete ushtarake” të aleancës në Mesdhe. “Rusia nuk ka pasur ndonjë prani të konsiderueshme në Mesdhe që nga fundi i Luftës së Ftohtë.

Eksportuesit kinezë të frutave duhet të ndryshojnë ambalazhin e tyre nëse duan të rifillojnë shitjet në Vietnam, njofton agjensia DPA referuar autoriteteve vendase. “Importuesit do të refuzojnë eksportet kineze të frutave në Vietnam”, deklaroi Pham Trung Vinh, zëvendësdrejtor i doganave në provincën Quang Ninh. Autoritetet e kësaj province fqinje me rajonin e njohur kinez të Guangxisë refuzuan një ngarkesë të madhe me mollë shtatorin e kaluar pasi në arkat prej kartoni ishte shkruar “Ishujt Diaoyu i përkasin Kinës”, në dy gjuhë, në atë angleze dhe kineze.

Vizita e Presiodentit kinez, Xi Jinping në Londër po shoqërohet me ceremoni dhe pritje të nivelit më të lartë. Përveç rëndësisë si vend, vizita pritet të shoqërohet me marrëveshje që arrijnë 30 miliardë stërlina. Dhe me këtë rast, shfaqja e njerëzve kryesorë është lajm më vete, Në Buckingham Palace Xi dhe e shoqja Peng Liyuan, u pritën edhe nga Duka i Camridge, Princi William dhe e shoqja, Dukesha Kate Middleton. Në pritje ka qenë edhe aktori i njohur Jackie Chan. Gjithçka perfekte në dukje, e ku Middleton tërheq përherë e më shumë vëmendjen e medias. 

Marina amerikane ka testuar për herë të parë sistemin e mbrojtjes raketore në Europë. Prova u krye të martën nga hapësira e Britanisë së Madhe me një raketë me rreze të shkurtër Terrier Orion. Ajo u interceptua nga dy anije të tjera, një prej të cilave kreu qitje të një rakete tjetër (SM-3) Block IA. Parashikohet që stacione interceptimi të ndërtohen në Rumani dhe Poloni. Në këtë të fundit madje parashikohet që instalimet në Redzikowo të jenë gati në vitin 2018. Sistemi është një sinjal i qartë për Moskën e cila e ka kundërshtuar shumë vendosjen e një sistemi të tillë në Europë.

Presidenti sirian, Bashar dhe homologu i tij rus, Vladimir Putin u takuan të martën në mbrëmjë- në një vizite të pa parlajmëruar në Moskë. Zëdhënësi I Presidentit rus, Dëmitrij Peskov (Dmitry Peskov) tha se Asad mbërriti në kryeqytetin rus për një vizitë pune dhe dy udhëheqësit diskutuan për luftën kundër Shtetit Islamik, vazhdimin e ofensivës ajrore të Rusisë dhe planet e Sirisë për trupat e saj.

NATO po analizon një dalje strategjike për rreth 6 muaj të presidentit sirian Bashar al Assad në përpjekjet e saj për t’i dhënë një zgjidhje krizës në Siri, shprehet media turke që citon burime nga qeveria e Ankarasë që, sipas të njëjtave burime, ka dhënë miratimin e saj për këtë zgjidhje. Në bazë të këtij plani hipotetik, gjatë një periudhe tranzitore prej 6 muajsh roli i Assadit do të jetë thjesht simbolik, duke filluar një kalim gradual të pushtetit. “Punimet për një plan për largimin e Assadit janë duke u zhvilluar.