Arkiv-Lajme të përditësuara

Rrjeti social online më popullor në botë ka bërë të ditur se të ardhurat janë rritur me 1.26 miliard dollarë, nga korriku në shtator. 

Të ardhurat kanë kaluar pritshmëritë, por performanca e Facebook mbetet me shifra negative, pas humbjeve prej 157 milionë dollarë në tremujorin e kaluar. Aksionet e Facebook kanë rënë me 50%, që prej listimit në bursë në maj.

Kompania po vuan të kthejë dominancën e saj online në përfitueshmëri. Facebook njoftoi se 604 milionë nga 1.01 miliardë përdorues futen në uebsajt duke përdorur aparatet celulare.

Me krizën ekonomike që vazhdon ta mbajë vendin mbërthyer, grekët gjithmonë e më shume po përqafojnë një tjetër ide tregtie:shkëmbimin e mallrave dhe shërbimeve pa para. 

Bashkimi Europian ka planifikuar 12 milion euro për të ndihmuar ish-punonjësit e Nokia-s dhe Flextronic të cilët u pushuan si pasojë e humbjeve të kompanisë. Shuma do të shpërndahet në tre shtete europiane,Rumani, Danimarkë dhe Finlandë. 2.9 milion euro do të shkojnë për 1416 punëtorët në Rumani, të cilët më parë punonin në njërën fabrikë aty, kurse 5.3 milion euro do të shkojnë për 1000 punëtorët në fabrikën e Nokia Salo.

Komisioni Europian mbështeti nismën e dhjetëve vendeve të Bashkimit Europian, të cilat do të vendosin taksa për transaksionet financiare, në mënyrë që të krijojnë të ardhura për të luftuar krizën e borxheve. 

Midis dhjetë vendeve përfshihet Gjermania, Franca, Italia dhe Spanja.

Të gjithë këto vende duan të vazhdojnë bashkarisht me planin e tyre, pasi Parlamenti Europian më parë rrëzoi projektligjin me shumicë votash.

Kryeministri britanik, Dejvid Cameron ka bërë të qartë pozicionin dhe synimet e vendit të tij sa i takon unionit të ri bankar të eurozonës. Ai iu drejtua Dhomës së Komunëve për të informuar deputetët në lidhje me samitin e liderëve të BE-së, së javës së kaluar.

Banka Botërore publikoi sot raportin vjetor “Doing Business” apo “Si të bësh biznes” për vitin 2013-të. Ndonëse Shqipëria ka humbur dy vende në klasifikimin e përgjithshëm të këtij raporti, bashkautorja e studimit, Tea Trumbiç thotë se vendi ka shënuar përparime në disa tregues të rëndësishëm, por ka ende vend për përmirësime. 

6 ambasada greke dhe dy konsullata greke në mbarë botën mbyllin dyert e tyre, për shkak të krizës ekonomike. 

Me këtë masë qeveria përpiqet të kufizojë kostot fikse operative të Ministrisë së Punëve të Jashtme dhe të forcojë të ardhurat qeveritare. 

Gradualisht deri në mars 2013, do të pezullohen funksionet në ambasadat e Greqisë në kryeqytetin Lima të Perusë, në Montevideo të Uruguaj, në Hanoi të Vietnamit, në Khartum të Sudanit, në Harare të Zimbabves dhe në Wellington të Zelandës së Re. 

 Shumica e votuesve britanikë do te votonin për daljen nga Bashkimi Evropian të Britanisë, nëse do të votohej nesër në një referendum, krahasuar me 34 për qind që jane pro qëndrimit të mëtejshëm. 

Kjo shifer e nje sondazhi te kryer ne Londer, eshte me e larta e kundershtimit te britanikeve ndaj BE ne 30 vitet e fundit. Vetem ne vitet 80 kur kryeministre ishte Margaret Thecer ne mandatin e saj te pare ne Qeveri, dy te tretat e britanikeve ishin ne favor te daljes nga tregu i perbashket, sic njihej BE-ja ne ate kohe. 

Sistemi farmaceutik në vend është në kaos pasi shumë prej subjekteve shkelin ligjin dhe nuk respektojnë rregulloren për ushtrimin e profesionit. 

Akuzat janë lëshuar të hënën nga urdhri i farmacistëve i cili gjatë muajit shtator kreu kontrolle në rreth 400 subjekte farmaceutike në mbarë vendin.

Kreu i farmacistëve, Arjan Jaupllari deklaroi për mediat se nga kontrollet u vunë re 40 raste të rënda të shkeljes së legjislacionit që nga mospajisja me licencë e subjekteve e deri te ushtrimi i profesionit të farmacistit nga persona pa diplomën përkatëse.