Arkiv-Lajme të përditësuara

Kreditorët e Greqisë nuk kanë besim se Greqia mund t’i arrijë objektivat e premtuar, në kohën e parashikuar. 

“Greqia nuk mund ta arrijë objektivin për reduktimin e borxhit në 120% të PBB-së për vitin 2020”, thuhet në një raport paraprak të FMN, i cili shton se Athinës do t’i duhet të bëjë më shumë reforma. Sipas Reuters, raporti i FMN është paraqitur në Grupin Punues të Eurogrupit. 

Ministrat e Brendshëm të BE-së diskutojnë në Luksemburg mundësinë e pezullimit të përkohshëm të së drejtës për të qarkulluar pa viza për shtetasit e disa vendeve të Ballkanit. Shkak është rritja e madhe e kërkesave për azil nga Serbia dhe Maqedonia, siç bëhet e ditur nga qarqe diplomatike të BE-së. 

 Ekonomia britanike u rikthye të rritej në tremujorin korrik-shtator, ndihmuar dukshëm nga organizimi i Lojkrave Olimpike në Londër. 

Gjatë këtij semestri, ekonomia doli nga recesioni i tre muajve paraardhës, duke regjistruar një rritje pre 1,0%.

Sipas Zyrës Kombëtare të Statistikave, shitja e biletave dhe të ardhurat e grumbulluara prej Lojrave kanë ndikuar në një rritje prej 0,2% të PBB-së.

Qeveria shqiptare ka akorduar plot 48.4 milionë lekë për dekorin që do ë realizohet për 100-vjetorin. Nëpërmjet një vendimi në mbledhjen e djeshme të kabinetit qeveritar, ky fond i akordohet Ministrisë së Turizmit, Kulturës, Rinisë dhe Sporteve. Ky fond të përballohet nga fondi rezervë i qeverisë.

 Parlamenti bullgar vendosi sot organizimin në një afat kohor prej tre muajsh të një referendumi mbi ndërtimin e një centrali të ri bërthamor, ndërkohë që data e saktë e këtij referendumi do të njoftohet nga presidenti Rossen Plevneliev para fundit të muajit nëntor. 

Bullgarët do t'i përgjigjen pyetjes: "A jeni dakord që Bullgaria të zhvillojë energjinë bërthamore duke ndërtuar një central të ri bërthamor?". Nga 119 parlamentarë që morën pjesë në votim, nga 240 deputetë në total, 113 votuan pro kësaj çështjeje ndërsa gjashtë votuan kundër. 

Disa orë pas deklaratës së ministrit grek të Financave, Janis Stournaras, sipas të cilit Athina ka arritur marrëveshjen me Trojkën dhe ka përfituar kohë shtesë për rregullimet fiskale, duket se në të vërtetë asgjë nuk ka mbaruar dhe rreziku nuk ka kaluar. 

Në një njoftim të lëshuar nga FMN thuhet se "diskutimet me autoritetet greke vazhdojnë. Eshtë bërë përparim në ditët e fundit, por ka disa çështje, për të cilat duhet të bihet dakord që të arrihet një marrëveshje të plotë në nivelin diplomatik". 

Një apel i pazakontë për një president dhe aq më tepër për atë të Amerikës. Barack Obama gjatë lëvizjes nga një vend në tjetrin në turin e tij elektoral “Amerikan Forëard Tour” iu është drejtuar në linjë telefonike 50 DJ-ve (Disc Jockey) për të ftuar në votime sa më tepër të rinj. 

“Ftoni të rinjtë që ju dëgjojnë nëpër diskoteka dhe radio të regjistrohen në listat e elektorale të votimeve”, mësohet se u ka thënë Obama artistëve.

Një paketë me masa fiskale në shumën 13.9 mld euro, që cilësohen tepër të vështira, do të dërgohet për miratim në Parlamentin grek javën e ardhshme. 

Largimi nga puna i 5000 nëpunësve civilë këtë vit dhe 20 000 të tjerëve vitin e ardhshëm, rritja e faturave të energjisë elektrike, shkurtim i pensioneve, rritja e moshës së pensionit, reduktimi i ndihmave sociale, unifikim pagash në administratë, rritje e kontributeve për sigurimet shoqërore dhe rritje taksash; këto dhe të tjera masa të dhimbshme do të merren në këmbim të disbursimit të këstit të ndihmës për Greqinë. 

Mijëra njerëz dolën në rrugët e Madridit për të protestuar para Parlamentit spanjoll, kundër politikës së kursimeve të lançuar nga  qeveria e Mariano Rajoy. Një dislokim masiv i forcave të sigurisë ka penguar trazirat.

Veprimtaria u organizua me rastin e ditës së parë të diskutimit në Parlament të buxhetit 2013. Disa qindra protetsues u mblodhën fillimisht pranë ndërtesës Parlamentit për të protestuar planin e ri buxhetor. Policia lokale menjëherë bllokoi te gjitha qasjet ne Parlament, duka detyruar protestuesit te mblidhen ne sheshin "Neptuno".

Mungesa e tregut të patates, por edhe kushtet jo të favorshme meterologjike, kanë bërë që në qarkun e Kukësit të ulet ndjeshëm këtë vit sasia e prodhimit së kësaj kulture bujqësore.Statistikat flasin se gjatë këtij viti fermerët nuk kanë mbjellë patate, sic kanë bërë vitet e mëparshme, pasi shumica e prodhimit hidhej në lumenj për shkak të kalbjes.Drejtuesit e bujqësisë në Kukës thonë se këtë sezon prodhimi i patates është 40 % më pak se vitin e kaluar.