Arkiv-Lajme të përditësuara

Tiranë-Komisioni për Sigurinë dhe Bashkëpunimin në Europë, i njohur ndryshe si Komisioni amerikan i Helsinkit, do të mbaj më 6 maj, një seancë dëgjimore të posaçme për Shqipërinë, për të diskutuar për zgjedhjet.  Komisioni, organizon këtë seancë të posaçme në prag të zgjedhjeve, nisur nga shqetësimi se progresi është poshtë pritshmërive.

Komisioni i Ligjeve ka miratuar sot vetëm me votat e mazhorancës dekretin e presidentit të vendit, Bujar Nishani për emërimin e Artan Brocit, anëter i Gjykatës së Lartë. “Bazuar në nenin 93 dhe 136, pika 1 të Kushtetutës së Republikës së Shqipërisë, Presidenti i Republikës SH.T.Z. Bujar Nishani dekretoi emërimin e zotit Artan Broci, anëtar të Gjykatës së Lartë. Me vendimin Nr. 2, datë 26.04.2013, të Kolegjeve të Bashkuara të Gjykatës së Lartë është deklaruar mbarimi i mandatit të anëtarit Z.

Në një bashkëbisedim me gazetarë, kryetari i Partisë Socialiste Edi Rama deklaroi se Komisioni Qendror i Zgjedhjeve duhet të rindërtohet, pasi në gjendjen aktuale është një vegël e familjes në pushtet dhe sipas tij, në dy palë zgjedhjet e fundit ai ka qenë në fakt Komisioni Qendror i Vjedhjeve.

“KQZ duhet të riformatohet, por nëse duan të shkojnë në zgjedhje me këtë KQZ, le të shkojnë, por ata që do të cenojnë zgjedhjet do të mbajnë përgjegjësi për aktet e tyre. Kushdo që do të guxojë të prekë fitoren tonë, do të marrë përsipër të paguajë çmimin”, tha Rama.

Gazeta Dita shkruan në kryeartikullin e saj për ditën e sotme se në Shqipëri ekzistojnë mbi 33 mijë shtetas shqiptarë fantazmë.

E dhëna tronditëse tregon se në Shqipëri janë prodhuar 33 mijë shtetas, që nuk ekzistojnë përveçse në listat zgjedhore.

Parlamenti miratoi pa praninë e opozitës në sallë ngritjen e Komisionit Hetimor për atë që demokratët quajnë incidenti i 24 prillit në Akademinë Diplomatike në Vjenë mes kreut të opozites Edi Rama dhe Egin Cekes, ambasadorit shqiptar në OSBE. 

Ngritja e Komisionit Hetimor per kryetarin e opozites ka marre 71 vota pro te deputeteve demokrate, PDIU-se, ish-deputetëve të PS Kastriot Islami, Gjovalin Kadeli dhe Asllan Dogjani. 

TIRANE- Komisioni i Ligjeve ka miratuar vetem me votat e maxhorances dekretin e presidentit te vendit, Bujar Nishani per emerimin e Artan Brocit, aneter i Gjykates se Larte.

Artan Broci u dekretua nga kreu i shtetit, pak dite me pare per te plotesuar vendin bosh, krijuar pas mbarimit te mandatit te anetarir, Fatos Lulo, emeruar anetar i Kushtetueses.

Seanca e sotme e kuvendit pritet të shoqërohet me debate opozitë-mazhorancë, pasi në rend të ditës ka ngritjen e komisionit hetimor për atë që është cilësuar si një incident diplomatik nga ana e mazhorancës. Bëhet fjalë për ngjarjen e ndodhur më 24 prill gjatë një konference të organizuar në Vjenë nga kreu i opozitës Edi Rama, ku u shënua një incident mes tij dhe diplomatit Egin Ceka.

Kreu i LSI-së, Ilir Meta, duke folur në një takim me emigrantët në Athinë, ka thënë se partia e tij është ndarë si xhentëlmene me PD-në. Por, sipas Metës, Berisha nuk e duroi dot pasionin për pushtet dhe reagoi duke shkarkuar anëtarin e LSI-së në KQZ.

Isa Mustafa ka filluar ditëve të fundit t’i bëjë disa investime të vogla në Prishtinë. Kjo, sipas partive opozitare, është shenjë se LDK po frikohet se do ta humb këtë vjeshtë primatin në kryeqytet, pas 13 vjet dominimi të plotë.