Arkiv-Lajme të përditësuara

Një 38-vjeçare mbeti e plagosur rëndë pas të shtënave me armë në qytetin e Lezhës.

Lindita Gjoka është qëlluar aksidentalisht, ndërsa kalonte në afërsi të kompleksit të shkollave.

Policia paraprakisht dyshon se autorët të kenë pasur një tjetër objektiv dhe se kalimtarja është plagosur aksidentalisht.

E plagosura është dërguar në spitalin rajonal të Lezhës, nga ku raportohet se i ka shpëtuar rrezikut për jetën.

Nderkohe, uniformat blu po punojnë për kapjen e autorit dhe gjetjen e objektivit të atentatit. 

Një sasi prej 4.5 kilogramë heroinë është gjetur dhe sekuestruar në një banesë në kryeqytet.
 
Operacioni i Antidrogës, i cili është ende në proces, ka arrestuar deri më tani 2 persona, ndërsa heroína u gjer në një banesë në zonën e Unazës së Re.
 
Në prangat e policisë ranë England Hyseni, 32 vjeç banues në Mëzez dhe Tahir Avdia 33 vjeç, i cili sipas policisë posedonte heroinën.  

Binjakëzohet shkolla Hoteleri –Turizëm me një grup shkollash të të njëjtit profil në Belgjikë.Në ditën e dytë të fillimit të vitit të ri shkollorë është nënshkruar marrëveshja midis përfaqësuesve të shkollës Hoteleri- Turizë dhe përfaqësuesve të grupit të shkollave Hoteleri-Turizëm në Belgjikë për binjakëzimin e tyre. Kjo marrëveshje u jep mundësin nxënësve që të shkëmbejnë eksperienca midis shkollave të këtij profili.
 

Një i burgosur është arratisur mesditën e sotme nga furgoni i policisë teksa po transportohej nga qendra e paraburgimit të Kamzës drejt burgut të Fushë-Krujës, pasi ishte i dënuar me 18 vite burg për veprat vrasje me dashje e mbetur në tentativë si dhe arëmbajtje pa leje.

Mësohet se personi i arratisur është Nirgen Ymeri 22 vjeç, ndërsa menjëherë pas ngjarjes Shërbimi i Kontrollit të Brendshëm ka nisur hetimet duke ndaluar togën e shoqërimit. Struktura e policisë janë vënë menjëherë në lëvizje, duke ngritur postblloqe për kapjen e të arratisurit Ymeri.

Gjatë ditës së djeshme policia e Qarkut Korçë bën me dije se në oborrin e  banesës së shtetasit G.K, në Maliq është hedhur një granatë e cila ka shpërthyer.

Nga të dhënat paraprake mësohet se granata është hedhur nga persona të pa identifikuar. Fatmirësisht nga shpërthimi i saj nuk ka pasur njerëz të lënduar, por  vetëm dëme të shumta materiale.  

Pas ngjarjes është ngritur grupi hetimor për të kryer veprimet procedurale, identifikimin dhe kapjen e autorëve.
 

Objekti 3 katësh në bregdetin e Qeparos, është një ndërtim i ligjshëm në bazë të vendimit të Gjykatës së Vlorës, dhe ai është në pronësi të Aristidh Kokëdhimës. Ky është sqarimi i bërë nga ana e policisë së Vlorës, lidhur me denoncimin e bërë ditën e djeshme nga Partia Demokratike se ky objekt është i paligjshëm dhe se i përket deputetit socialist Koço Kokëdhima.

Përmes një komunikate për shtyp, policia bën të ditur se Aristidh Kokëdhima ka nisur ndërtimin e këtij objekti  më 26.04.2002, me leje ndërtimi të lëshuar nga ana e Bashkisë së Himarës.

Deputeti i LSI-së, Luan Rama me rastin e 72-vjetorit të Konferencës së Pezës, vlerësoi këtë ngjarje historike e cila sipas tij përcaktoi karakterin patriotik dhe anti-fashist të luftës partizane.

Gjatë ditës së sotme në ambientet e Drejtorisë së Policisë së Qarkut Gjirokastër, Drejtori në detyrë Idajet Hoxha ka bërë prezantimin e Shefit i ri të Komisariatit të Policisë Gjirokastër,Julian Malaj.
 
Malaj, i cili deri dje ika mbajtur detyrën e Specialistit të Anti/terrorit në Drejtorinë e Përgjithshme te Policisë së Shtetit .

Ndërsa Alfred Çepe që ka mbajtur deri tani postin e Shefit të Komisariatit të Policisë Gjirokastër, transferohet dhe emërohet Shef Sektori Kundër Korrupsionit në Drejtorinë e Përgjithshme të Policisë së Shtetit.

Mashtronte dhe vidhte qytetarët duke iu hedhur fall në filxhan, 43-vjeçarja arrestohet nga uniformat blu qytetit të Korçës. Vjollca Misha lindur dhe banuese në Elbasan është arrestuar rreth orës 00:40 të së hënës.
 

Për të dytën ditë radhazi, 150 punonjës të Policisë Ushtarake kanë dhuruar gjak për t’i ardhur në ndihmë të sëmurëve talasemikë. Kërkesës së Kryqit të Kuq Shqiptar i janë përgjigjur efektivë të policisë ushtarake, oficerë, nënoficerë, ushtarë profesionistë dhe punonjës civilë të kësaj njësisë së Policisë Ushtarake duke dhuruar gjak.