Arkiv-Lajme të përditësuara

Policia e Lezhës ka vënë në pranga një 30-vjeçar nga Tirana pasi tregtonte barna farmaceutike pa faturë tatimore. Gjithashtu mësohet se për t’i shpëtuar kontrolleve ai përdorte një dokument si punonjës i Gardës së Republikës, një Distinktiv Policisë Kriminale, një tabelë dore të Policisë Rendit dhe një Radio.
 
30-vjeçari Ergest Brahimi është arrestuar nga efektivët e Sektorit Kundër Krimit Financiar pranë Drejtorisë së Policisë në Lezhë.
 

Drejtoresha e Zyrës së Përmbarimit në Vlorë dhe një avokate kanë rënë në prangat e policisë ditën e sotme, pasi morën 50 mijë lekë të reja për mosekzekutimin e një vendimi. Në kuadër të operacioni të koduar “Përmbaruesi”, policia e Vlorës arrestoi në flagrancë për “korrupsion pasiv” kreun e Zyrës së Përmbarimit, Algerta Fejzulla 28 vjeç, ndërsa avokatja Dhurata Sulaj, 46 vjeç, u arrestua për “ushtrim i ndikimit të paligjshëm”.
 

Katër persona kanë mbetur të plagosur në një aksident automobilistik pasditen e së shtunës në aksin Peshkopi-Maqallarë. Burime nga policia bëjnë me dije se dy automjete janë përplasur me njëra-tjetrën në këtë aks rrugor për shkaqe që ende nuk dihen. Automjetet e përplasur mbajnë targa AA243CV dhe BI 505 IV . Të plagosurit identiteti i të cilëve nuk bëhet i ditur janë dërguar menjëherë në spitalin rajonal të Peshkopisë. policia ndodhet në vendin e ngjarjes dehe po heton për zbardhjen e shkaqeve të aksidentit.

Efektivët e komisariatit të Policisë Vlorë kanë zbuluar dhe asgjesuar rreth 100 bimë narkotike, të lllojit kanabis sativa. Ndërsa raportohet se në total, për periudhën Qershor-Shtator të këtij viti, Policia e Qarkurt Vlorë ka asgjesuar në total 41.407 rrënjë.
 
100 rrënjët e asgjeuara ditën e sotme janë zbuluar në fshatin Lubonjë, të mbjella në dy parcela të ndryshme në një tokë me pronësi publike. Bimët narkotike, që kishin arritur një lartësi prej gati 2 metrash, u asgjesuan me djegie.
 

Dy të rinj janë arrestuar nga Policia e Tiranës pasi kishin kultivuar rreth 1500 bimë lëndë narkotike në komunën Shëngjergj në Tiranë.
 
Forcat e komisariatit numër 4 vunë në pranga Indrit Nelën , 22 vjec nga fshati Parpunj dhe Alban Hoxhën 24 vjec nga fshati Fag.
 
Kanabisi ishte mbjellë në 5 parcela të kësaj komune, në një zonë të pyllëzuar.

Një rrjet prostitucioni është goditur nga Policia e Fierit, duke u finalizuar me arrestimin e gjashtë personave dhe ndjekjen në gjendje të lirë të dy të tjerëve.
 
Specialistët e Seksionit Kundër Trafiqeve në Drejtorinë e Policisë së qytetit të Fierit, në operacionin e koduar “Private”, arrestuan në flagrancë tutorin Haxhi Lataj, banues në Fieri. Lataj e kishte kthyer apartamentin e tij në bazë prostitucioni ku shfrytëzonte një 47-vjeçare me incialet F.H, gjithashtu e vënë në pranga nga Policia.
 

E nesërmja do të jetë një ditë e ngarkuar edhe për stafin mjekësor të Tiranës. Ministria e Shëndetësisë dhe komisioni i ngritur për ti dalë përpara çdo të papriture kanë marrë masa të mëdha ndërsa kanë organizuar dhe ngritur një mision special shëndetësor në zonën e Bulevardit “Dëshmorët e Kombit” në kryeqytet.

“Në Bulevardin “Dëshmorët e Kombit” dhe në Sheshin ”Nënë Tereza”, Ministria e Shëndetësisë ka marrë masa në mënyrë që qytetarët të asistohen nga mjekët”, kanë bërë të ditur dje burime zyrtare nga qeveria shqiptare.

Një çift bashkëshortësh janë arrestuar me urdhër të Prokurorisë së Krimeve të Rënda, pasi në formën e presionin, shantazhit dhe kërcënimeve, u kanë marrë 70 milione lekë të vjetra një biznesmeni në Tiranë. Niko Smaqi, i dënuar nga gjykata e Tiranës me 4 vite burg për akuzën e “vjedhjes me dhunë”, së bashku me gruan e tij Elinela Smaqi, ka drejtuar gjobëvënien që prej vitit 2010, duke i marrë në kohë dhe vende të ndryshme sasi të konsiderueshme parash biznesmenit, ku vetë herën e fundit i kanë marrë 17 milion lekë.

Një aksident ka ndodhur mesditën e sotme në kryeqytet, ku për pasojë një person mbeti i plagosur. Ngjarja ka ndodhur teksa një automjet me targë TR3782R ka përplasur një motor me karro, ku dhe mbeti i plagosur Shpëtim Mehmeti, 27 vjeç. Ndërkohë, sipas informacioneve, bëhet e ditur se gjendja e 27-vjeçarit paraqitet jashtë rrezikut për jetën. 

Dy të rinj janë arrestuar nga Policia e Tiranës pasi kishin kultivuar rreth 1500 bimë lëndë narkotike në komunën Shëngjergj në Tiranë. Forcat e komisariatit numër 4 vunë në pranga Indrit Nelën , 22 vjeç nga fshati Parpunj dhe Alban Hoxhën 24 vjeç nga fshati Fag. Kanabisi ishte mbjellë në 5 parcela të kësaj komune, në një zonë të pyllëzuar.