Arkiv-Lajme të përditësuara

Ministrat e Jashtëm të Ligës Arabe i kanë bërë thirrje presidentit sirian Bashar al Assad të largohet nga pushteti dhe i kanë ofruar atij dhe familjes mbrojtje për largimin nga vendi. Liga i ka bërë thirrje edhe forcave opozitare të formojnë një qeveri tranzicioni. Megjithatë Libani fqinj thotë se thirrjet kanë rënë në vesh të shurdhët, raporton BBC. 

Qeveria e Maqedonisë po vazhdon edhe më tej praktikën e koncentrimit të investimeve të huaja vetëm në territoret e banuara nga joshqiptarë, duke shtuar papunësinë mes shqiptarëve dhe humbjen e shpresës së tyre, duke i detyruar ata që të largohen nga vendlindja. Kështu ka reaguar dje Rilindja Demokratike Kombëtare. 

"FMN ka njoftuar udhëheqjen e BE se nuk do të marrë pjesë në ndihmën e mëtejshme për Greqinë".

Në anketën e fundit të “Biznes Albania” me mbështetjen e Organizatës Ndërkombëtare të Punës, ILO rezulton se rreth 40 përqind e biznesve japin para nën dorë tek nënpunësit e shtetit për të mbaruara punë shpejt dhe pa zhurmë. 

Ndërkohe 53 përqind e bizneseve të pyetura thonë se mënyra më mirë të bësh biznes është pagesa e detyrime të deklaruara ndaj shtetit dhe se nuk shohin zgjidhje tjetër përvec saj.

Plot 19 për qind e fëmijëve shqiptarë nga Jugu në Veri të vendit rezultojnë të jenë të kequshqyer. Statistikat janë zyrtare dhe u konfirmuan edhe njëherë këtë vit nga Ministria e Shëndetësisë dhe UNICEF. Të njëjtat rezultate u dhanë tre vjet më parë edhe nga studimi demografik i realizuar prej Ministrisë së Shëndetësisë, Institutit të Shëndetit Publik, në bashkëpunim me INSTAT, USAID, UNICEF, AECID, UNFPA, OBSH dhe kooperacioni zviceran.

Përqindja e fëmijëve shqiptarë të ushqyer keq, ka mbetur e pandryshuar këto pesë vitet e fundit.

Qëndisma, çentro, punime në baltë të zbukuruara me motive kombëtare, kostume popullore tradicionale, punime në avëlmend, gjithçka e punuar me dorë, është sjellë me mjeshtëri e finesë nga 60 gra e vajza në panairin  kombëtar të prodhimeve artizanale në qytetin e Pogradecit. Janë 40 artizane që prej vitesh mbajnë familjet e tyre me shitjen e punimeve të dorës duke kontribuar kështu edhe në ruajtjen e kësaj tradite . 

Presidenti i Serbisë, Tomisllav Nikoliç nuk e ka përjashtuar opsionin e luftës për "ta kthyer Kosovën?, nëse sikurse është shprehur ai për mediat serbe kjo i "imponohet nga Prishtina dhe kryeministri Hashim Thaçi".

Qindra banorë të qytetit të Kukësit, por edhe fshatrave rreth tij,kanë protestuar të premten përpara institucioneve shtetërore si Bashkia, Prefektura dhe Këshilli i Qarkut për mungesën e ujit të pijshëm. 

Të udhëhequr edhe nga opozita,e cila vetëm një ditë më parë paralajmëroi ndërmarjen e iniciativave të tilla,në këtë protestë është kërkuar që uji të mbërrijë në çezmat e konsumatorëve pasi prej kohësh detyrohen të blejnë ujin ose ta mbushin atë në vendburime, të cilat nuk dihet nëse janë të sigurta apo jo.

Ish-kryeministri japonez, Jukijo Hatojama u bashkua me demonstruesit kundër energjisë bërthamore të cilët ishin mbledhur përpara zyrës së shefit të Qeverisë, dikur edhe zyra e tij. Kjo lëvizje shihet si një shenjë e re se partia drejtuese në Japoni është duke u përcarë në lidhje me energjinë dhe politika të tjera qeveritare. 

Punonjësit e fabrikave të çimentos protestojnë ndaj taksës së referencës për çimenton, të vendosur nga qeveria e Kosovës. Kjo taksë po rrezikon falimentimin e këtyre fabrikave në vend dhe humbjen e vendeve të punës për rreth 1000 mijë punëtorë. 
Bashkimi i Sindikatave të Pavarura në tubimin e tyre kërkuan nga ministri i Ekonomisë, Edmond Haxhinasto dhe kryeministri Berisha, të ndërhyjnë për zgjidhjen e kësaj çështjeje.