Arkiv-Lajme të përditësuara

Kryeministri Samaras informoi sot krerët e Trojkës me zhvillimet e deritanishme dhe nismat që duhet të ndërmerren nga qeveria për të sjellë programin grek në rrugën e duhur, gjatë një orë e gjysmë takimi, ku merrnin pjesë edhe ministri dhe zëvendësministri i Financave. 

Qyteti i Kukësit është pa energji elektrike. Kjo pasi rreth 100 persona, të cilëve u është ndërprerë furnizimi me energji elektrike dhe sipas kompanise CEZ janë debitorë, janë futur në mjediset e nënstacionit të qytetit. 

Për këtë arsye nënstacioni është stakuar, ndërsa policia ka ndërhyrë për të nxjerrë protestuesit. 

Stakimi i energjisë elektrike thuhet se është bërë për arsye sigurie, për të shmangur një tragjedi të mundshme që mund të sjellë hyrja e personave të pautorizuar në një nënstacion elektrik të tensionit të lartë. 

Presidenti i Komisionit Evropian, Hoze Manuel Barroso, ka kundërshtuar fuqishëm përpjekjet për të zvogëluar buxhetin e Bashkimit Evropian vitin e ardhshëm.

Kriza e rëndë ekonomike ka bërë që në Francë të regjistrohet një rekord papunësie që nuk konstatohej prej kohësh. 

Numri i të papunëve ka arritur në qershorin e këtij viti kuotën e 2 milionë e 945 mijë personave, plot 23.700 më shumë krahasuar me muajin maj. 

Shifra në fjalë ka shënuar kështu nivelin rekord që prej vitit 1991, ka bërë të ditur Ministria e Punës në Paris, sipas të cilës në bazë vjetore taksa franceze e papunësisë për qershorin është rritur me 7.8%. 

Shifrat e rënda vijnë pasi më herët gjatë 

 Ekspertët thonë Athina është thuajse pa para dhe mund të mbahet në këmbë deri në 20 gusht. Zyrtarët e Komisionit Europian janë shprehur se duhet gjetur një mënyrë për të financuar Greqinë gjatë gushtit, por nuk kanë shpjeguar se si do të arrihet kjo. Trojka europiane do të japë vlerësimin e saj nëse vendi ka bërë mjaftueshëm sa të sigurojë ndihmën e radhës së BE-së e FMN-së. 

Agjencia NASA dhe shkencëtarë nga disa universitete thanë se të dhënat nga tre satelitë të ndryshëm hapësinorë konfirmojnë një shkrirje të paprecedent në akujve gjatë muajit korrik. Harta e përpiluar nga të dhënat satelitore tregon se më 8 korrik rreth 40 për qind e shtresës së akullit që mbulon Groenlandën kishte shkrirë. Deri në 12 korrik, 97 e kësaj sipërfaqeje kishte shkrirë. 

Kryeministri britanik, David Cameron i cilësoi të pakënaqshme të dhënat e një raporti ekonomik, sipas të cilave produkti i brendshëm bruto i Britanisë së Madhe është tkurrur me 0.7 për qind në çerekun e dytë të këtij viti. Ndërsa vizitonte avionmbajtësen HMS, e dislokuar si masë mbrojtëse për Lojërat Olimpike të Londrës, kryeministri iu përgjigj gazetarëve duke theksuar se raporti tregon për vështirësitë ekonomike me të cilat përballet vendi. 

Çmimet e ushqimeve kanë të ngjarë të rriten në Shtetet e Bashkuara vitin e ardhshëm për shkak të thatësirës që ka përfshirë zona të mëdha të Miduestit. 

Lajmin e ka bërë të ditur Departamenti amerikan për Agrikulturën, i cili ka parashikuar se çmimi i qumshtit, vezëve dhe mishit do të rritet mbi kuotën normale të inflacionit, duke qenë se moti i thatë ka rritur kostot për ushqimin e kafshëve. 

Sekretari i Përgjithshëm i OKB-së, Ban Ki-Moon, ka paralajmëruar se do të angazhohet personalisht tek autoritetet greke për të përshpejtuar procesin e zgjidhjes së emrit dhe për respektimin e vendimit të Gjykatës Ndërkombëtare të Drejtësisë. Këtë qëndrim, Ki-Moon ia ka përcjellë edhe presidentit të shtetit, Gjorge Ivanov, në takimin që kanë realizuar sot në Ohër. 

Kompania e dytë më e madhe automobilistike në Europë dhe e para në Francë, “Peugeot”, raportoi për 819 milionë euro humbje në gjysmën e parë të vitit, në të njëjtën kohë që paraqiti një plan shkurtimesh prej 1,5 miliardësh. 

Sipas spekulimeve të disa mediave franceze, nëse situata nuk do të përmirësohet së shpejti, atëherë grupi “Peugeot-Citroen” mund të përballet me rrezikun e falimentimit.