vizita

Kryeministri Rama u shfaq për herë të parë në Televizionin Publik Shqiptar që pas fitores së zgjedhjeve të vitit 2013. Një vizitë që entuziazmoi jo pak punonjësit e TVSH-së që hapën edicionin informativ me lajmin se kryeministri shkeli në TVSH. Më poshtë lajmi kryesor i edicionit të lajmeve në Radio Televizionin Publik Shqiptar

Vizita katër orëshe e John Kerryt në Tiranë, la pas një lajm të vetëm të trajtuar gjerësisht në mediat shqiptare dhe ato të huaja: Shqipëria do të pranojë edhe 2000 muxhahedinë të opozitës iraniane, ndonëse siç tha kryeministri shqiptar në prononcimin për shtyp “do t'i pranojmë por për këtë nuk folëm në bisedën me Sekretarin amerikan të Shtetit”. Vëmendja në këtë pikë dëshmon për atë se çfarë është realisht Lajm nga Shqipëria në ngjarje politike të këtij niveli. Të tjerat janë thjesht llogje të Tiranës politike.

Mediat e huaja i bënë jehonë vizitës së sekeretarit amerikan të Shtetit, John Kerry në Tiranë dhe një marrëveshje të mbyllur me qeverinë shqiptare për strehimin në Shqipëri të 2 mijë muxhahedinëve iranianë. Iefimerida.gr raporton se nuk është hera e parë që qeveritë shqitarë marrin përsipër të strehojnë muxhahedinë. I prari që pranoi një kërkesë të amerikanëve për strehimin e 210 muxhahedinëve të opozitës iraniane ishte ish-kryeministri Berisha në Maj të vitit 2013. Edi Rama ra dakord të pranojë 2 mijë nga 2 mijë e 800 të tillë  që gjenden aktualisht në bazën amerikane “Liria” të Irakut.

Një hollësi që mund të ketë kuptim, nisur nga trajtimi që disa media i bënë vizitës së John Kerryt në Tiranë. U nënvizua me forcë se sekretari amerikan i Shtetit nuk do të takonte Ilir Metën, që mban detyrën e kryetarit të Kuvendit. Edhe gjatë vizitës së Victoria Nuland, pak muaj më parë u soll në vëmendje ky fakt. E vërteta është se axhenda e një zyrtari kaq të lartë si Kerry, nuk është se mund të lexohet gjithnjë me syzet simbolizuese të koniunkturës politike në Tiranë. Por duhet thënë se sot LSI-ja dhe as Kuvendi, nuk u prononcuan, as e përshëndetën vizitën e Kerryt.

Duket se njoftimet paraprake të medias për vizitën e sekretarit amerikan të Shtetit në Tiranë, kanë qenë të pasakta. U tha se në takim do të flitej për muxhahedinët e opozitës iraniane dhe se do të kishte edhe një marrëveshje, por kjo në fakt është mohuar nga kryeministri Edi Rama. Duket se pika kryesore ka qenë siguria në rajon dhe kërcënimet nga terrorizmi ndërkombëtar, në aktivitetet e të cilit, Ballkani zë një vend jo të vogël.

Ka mbërritur në Tiranë sekretari amerikan i Shtetit, John Kerry. Ai është pritur në Rinas nga presidenti Bujar Nishani, një prezencë kjo e diskutuar shumë në media, e më pastaj k është drejtuar kryeministrisë dhe Ministrisë së Jashtme. Kerry do të takohet edhe me kreun e opozitës, Lulzim Basha, i cili përfaqëson një pol institucional të politikës shqiptare. Vizita është e shkurtër, katër orë dhe siç po del në sipërfaqe ajo ka si qëllim kryesor një marrëveshje për mikpritjen e disa muxhahedinëve iranianë, pjesëtarë të opozitës.

Nuk kanë munguar protestat gjatë vizitës së presidentit iranian Hasan Rouhaninë Paris. Një protestë ka qenë ajo Lëvizjes Ndërkombëtare për të Drejtat e Femrës që ka stimuluar varjen si akt ipërdorur shpesh në Iran. E veshur me një bluzë me falmurin iranian, femra e “varur” ka përcjellë një mesazh në emër të 800 personave të dënuar me vdekje në Iran çdo vit. Po kështu një protestë është organizuar nga komuniteti iranian në Francë, në një moment kur Perëndimi po këkron aleatë në luftën kundër terrorizmit në Lindjen e Mesme, por edhe po e përfshin Teheranin në marrëveshje të mëdha biznesi.

Bëri bujë veprimi protokollar i palës italiane gjatë vizitës së presidentit të Iranit Hasan Rouhani në Romë, e cila në muzeun Capitoline mbuloi statujat nudo. Kjo me idenë se mysafiri, që përfaqëson një Republikë Islamike, mund të ndihej i fyer. Madje u shmang nga menuja e drekës edhe vera apo pijet alkoolike. Kjo sjellje ka sjellë reagime ironike nga iranianët, që siç raporton BBC-ja janë tallur jo pak. Ka disa prej fotove që ironizojnë këtë veprim, i cili në emër të kujdesit për të shmangur mërzinë e mikut, shpalosi pa dashur një fyerje për iranianët.

“Ju kërkoj të luteni për mua”. Kështu iu drejtua presidenti iranian, Hasan Rouhani, Papa Françeskut, gjatë një vizite në Vatikan. Ky është takimi i parë mes një presidenti iranian dhe Papës që nga viti 1999. Takimi ka zgjatur 40 minuta dhe siç raportohet Papa i ka dhënë Rouhanit një medalje me imazhin e Shën Martinit që ndihmon një njeri të varfër. Vizita shihet ndër të tjera si një lëvizje e Iranit për të rivendosur lidhjet ekonomike dhe të energjisë me Europën, me të cilën ka një traditë shumë të madhe bashkëpunimi.

Ajo që pritej të ishte një vizitë që do t’i jepte kredenciale të reja, rezultoi ndryshe. Ilir Meta kthehet nga SHBA me zero rezultate, njësoj si kryeministri me të cilin bashkëqeveris, i cili ishte aty disa javë më parë e që deri më tani nuk është pritur në Washington. Arsyet e këtij qëndrimi të SHBA-së ndaj politikanëve kryesorë shqiptarë mund të jenë të shumta, por një është e padyshimtë: lidhja me krimin dhe fakti se ekipi që drejton vendin tonë prej 25 vjetësh duket se ka rënë dakord të marrë si rol ekonomik për Shqipërinë edhe plehrat e Europës, apo paratë e pista që mbeten.