vizita

Zv. Presidenti amerikan Joe Biden do të jetë në Tiranë më 26 gusht. Kështu shkruan “Vizion Plus” që e lidh vizitën me reformën në Drejtësi. “Nëse ajo miratohet, burimet thanë se zv/presidenti Biden, do të japë shpërblesën për palët që punuan për kalimin e amendimeve kushtetuese. Por nëse ajo dështon, atëherë mesazhi i tij, pritet të jetë edhe më ndëshkues për faktorët politikë”, raporton VP. Vizita paraprihet nga ajo e ndihmës sekretares së Shtetit, Victoria Nuland më 10 korrik të këtij viti.

Mosarritja e dakordësisë për reformën në drejtësi ka alarmuar Berlinin që nisi me ngut në Tiranë, ministrin e Jashtëm, Frank Walter Steinmeier. Në konferencën për shtyp me ministrin Bushati shefi i diplomacisë gjermane konfirmoi interesin direkt të Gjermanisë për afrimin e Shqipërisë me Bashkimin Europian.

Mediat greke kanë treguar shumë interes pë vizitën e miistrit të Jashtëm, Nikos Kotzias në Tiranë. Në një intervistë të fundit ai analizon raportet me Shqipërinë dhe ndikimin e Turqisë në këto raporte. Kotzias thotë se Shqipëria është futur në peridhë zgjedhore dhe në këtë kuptim marrin rëndësi edhe qëndrimet nacionaliste pë nevoja të brendshme.

Gazetari: Në Shqipëri patët një pritje "të ngrohtë". A bëni një lidhje mes atyre që ndodhin në Turqi dhe atyre që u thanë në Shqipëri.

Ministri i Jashtëm grek Nikos Kotzias komentoi për mediat greke vizitën dy ditore në Tiranë. Ai u shpreh optimist për të ardhmen e marrëdhënieve mes dy vendeve dhe zgjidhjen e çështjeve të mbetua pezull, ndërsa tonet e theksuara për çështjen çame i quajti retorikë të brendshme të politikës shqiptare për nevoja elektorale.

Në prag të vizitës së ministrit të Jashtëm, Nikos Kotzias në Tiranë të dyja palët kanë qartësuar pozicionet e tyre në lidhje me çështjet e nxehta që do shtrohen në tryezën e bisedimeve. Një ditë më parë kryeministri Rama deklaroi si kusht shfuqizimin e ligjit të luftës, ndërsa bëri të qartë se qeveria shqiptare nuk do të negociojë për kufirin detar. "Për të çuar në një fazë të re marrëdhëniet me Greqinë, për të cilat jemi shumë të interesuar, heqjen e ligjit të luftës e kemi kusht"- theksoi kryeministri.

Ministri i Jashtëm i Greqisë Nikos Kotzias vjen të hënën në Tiranë. Është vizita e dytë e tij në Shqipëri në harkun kohor të 11 muajve dhe në përgjigje të shpejtë të vizitës së ministrit të Jashtëm të Shqipërisë në Greqi, D. Bushati, në mars të këtij viti.  Përpos tyre, dy ministrat kanë takime të shpeshta në veprimtari ndërkombëtare. Kjo denduri takimesh lidhet me vlerësimin e rendësisë dhe perspektivës së marrëdhënieve të mira mes dy vendeve. Vetëm kështu mund të interpretohet “nxitimi” i Kotzias për kthimin e vizitës së Bushatit në Athinë.

Një paketë e plotë propozimesh për të zgjidhur të gjitha çështjet dypalëshe mes Greqisë dhe Shqipërisë do të sjellë në në Tiranë në fillim të qershorit ministrin e Jashtëm grek Nikos Kotzias. Propozimet greke i dorëzohen Tiranës në 20 vjetorin e nënshkrimit të traktatit të miqësisë nga dy vendet në vitin 1996. 

Ministri i Jashtëm i Shqipërisë, Ditmir Bushati, ka zhvilluar një vizitë në Gjermani ku ka takuar homologun Steinmeier. Lidhur me vizitën dhe axhendën, Bushati ka folur në një intervistë për “Deutsche Welle” ku përcjell qëndrimet dhe komentet e veta. Ai është pyetur për situatën në Maqedoni, “ku Shqipëria ka interesa legjitime”, e cila sipas ministrit shqiptar po ndiqet me vëmendje. Po kështu, Bushati ka deklaruar se për çdo iniciativë kundrejt Maqedonisë , Shqipëria do të sinkronizohet me Berlinin, një qasje për të cilën nuk ka shpjegime.

Drejtori i CIA-s, John Brenan, vizitoi këtë të premte Sarajevën, në një vizitë të panjoftuar më parë dhe në rrugën e kthimit nga Arabia Saudite. Nuk ka shpjegime zyrtare për arsyet e vizitës, por agjencia serbe e lajmeve, “B92” ka marrë mendimin e një eksperti të terrorizimit, Dzevad Galijasevic, sipas të cilit dy janë arsyet e ardhjes së Brenan në vendin ballkanik: “Arabia Saudite i ka dhënë Brenan të dhëna sekrete që flasin për rritjen e aktivitetit shumë negativ të Turqisë në Bosnje-Hercegovinë, parë nga këndvështrimi i sigurisë.

Ilir Meta ka marrë mesazhet e veta për vizitën e Ramës në Uashington dhe pritjen nga presidenti Obama. Mbi të është ngritur një re e madhe pikëpyetjesh për marrdhëniet me amerikanët, nisur dhe nga mungesa e vizitave të tij në Shtetet e Bashkuara. Vetë Meta është përpjekur të zhgënjejë skeptikët që mendojnë se mes tij dhe amerikanëve ka një ngërç, duke parlajmëruar kohë pas kohe vizita në SHBA.