shba

Pas largimit nga Shtëpia e Bardhë, ndaj Trump dhe njerëzve të tij kanë nisur paditë në gjykata. Një kompani amerikane e makinerive të votimit hapi një proces gjyqësor 1.3 miliard dollarë kundër avokatit të ish-presidentit. Rudy Giuliani akuzohet për shpifje dhe mashtrim lidhur me zgjedhjet presidenciale. Kjo nuk është padia e parë që ngre kompania “Dominion Voting Systems Inc” ndaj njerëzve të ish-presidentit. Ajo më parë ka hapur një proces kundër avokatit të fushatës së Trump, Sidney Powell, të cilin e akuzoi për përhapjen e teorive të rreme të konspiracionit në lidhje me zgjedhjet.

Ministrja e Jashtme, Olta Xhacka, ia ka dalë të bëhet sot lajm për kohën kur ishte ministre e Mbrojtjes. Lajmi: ministrja është marrë  në pyetje nga SPAK për dy tendera të zhvilluar nga Ministria e Mbrojtjes gjatë pandemisë.

Tender maskash dhe ushqimesh.

Administrata e re amerikane do t’i rikthehet Traktatit të Reduktimit të Armëve Strategjike që parashikon kufizimin e armëve deri në 1 550 koka bërthamore aktive. Sipas raportimeve të ndryshme mediatike, presidenti i ri i SHBA, Joe Biden, synon të riaktivizojë Traktatin duke shtyrë afatet e zbatimit të tij. 

Donald Trump ka lënë sot Shtëpinë e Bardhë. Në përputhje me protokollin dhe qetësisht. Njeriu që është prej disa javësh në qendër të vëmendjes botërore ka dalë nga zyrat e pushtetit, pasi mori spektaklin e fundit të tij me një mësymje në Kongres. Presidenca e Biden nis kështu me një patericë, me një demokraci invalide dhe një Amerikë që mund të shpresojë se nuk do të përjetojë më uraganin politik të Trump, por që nuk mund të besojë se do të rikthehet aty ku ishte.

Tridhjetë e dy për qind e evropianëve thonë se pas zgjedhjes së presidentit Donald Trump në 2016, amerikanëve nuk mund t’u zihet më besë, sipas një sondazhi të ri.

Megjithatë, opinioni ndryshon nga shteti në shtet. Në sondazh, gjermanët kanë rezultuar më mosbesues ndaj amerikanëve: 53 për qind e të anketuarve thanë se ishin dakord se nuk mund t’i besohet Amerikës pas Trump-it.

Administrata Trump ka ripërkufizuar Kubën si një vend që financon terrorizmin. Vendimi është njoftuar nga sekretari i Shtetit, Mike Pompeo duke arsyetuar se Kuba strehon persona të kërkuar nga SHBA si dhe mbështet kreun venezuelian, Nicolas Maduro.

Vendimi zhbën një akt të adminstratës Obama që mendonte të përmirësonte marrëdhëniet me fqinjin e vështirë jugor.

William Burns pritet të jetë drejtori i ri i Agjencisë Qendrore të Inteligjencës në SHBA. Media të ndryshme raportojnë se Burns, një diplomat i vjetër, është zgjedhur nga presidenti i ri amerikan, Joe Biden për të drejtuar CIA-n. Ambasador në Rusi, më tej negociator për Iranian në administratën e Barack Obamës, sot Burns drejton një qendër studimore ndërkombëtare, Carnegie.

Z. Burns ndan besimin tim të thellë se shërbimet inteligjente duhet të jenë apolitike  si nën presidentët demokratë, ashtu edhe republikanë

Goditja e orkestruar nga Donald Trump ndaj Capitol Hill, pra ndaj një rezultati elektoral të certifikuar nga insititucionet, ka kapur në befasi Perëndimin, vetëbesimi i të cilit në vlerat e veta ka krijuar përshtypjen se e Mira e kësaj bote është strehuar përfundimisht aty. Në një seri daljesh publike, kongresmenë dhe senatorë, përfshi edhe njerëz të njohur kanë folur për një sulm ndaj demokracisë, duke përkufizuar kështu një ndarje të re artificiale mes atyre që kanë të drejtë dhe atyre që e kanë gabim.

Kongresi amerikan ka nisur sërish punën pas akteve të dhunshme që shoqëruan pasditen e djeshme në Uashington.

Presidenti Donald Trump ka bërë thirrje në tuiter që protestuesit të ruajnë qetësinë dhe të shmangin aktet e dhunës, por pasi është akuzuar se ka nxitur aktet e dhunës për ditë me radhe. Statusi i tij është shoqëruar me mijëra shpërndarje dhe mbi 350 mijë komente.

Një ish-kolonel i shërbimit sekret të ushtrisë izraelite, Dr.