maqedonia

Kanë nisur spekullimet se ajo që ndodhi në Parlamentin e Maqedonisë ishet koordinuar mes partisë së Gruevskit dhe Ali Ahmetit me BDI-në. Nuk mund të faktohet gjë, por disa video të shpërndara nga media shqipe të Maqedonisë japin pamje ku shihet se deputetët e BDI-së, parti që kaloi me Zaevin dhe formalisht provokoi ndryshimin dhe krizësn aktuale, nuk preken nga huliganët e dhunshëm. Zijadin Sela u tërhoq zvarrë ndërkohë Radmilla Sheqerinska dhe Zoran Zaev u goditën. Artan Grubi i BDI-së, Xhevat Ademi dhe Vesel Memedi jepen të qeshur.

Politika deklarative e Shqipërisë zyrtare dhe Prishtinës, klima destabilizuese në Kroaci dhe ajo që po ndodh në Maqedoni, nuk janë çëhstje të brendshme të tyret. Kështu mendon ministri i Jashtëm i Serbisë, Ivica Daçiç, i cili në një intervistë për RTS, televizioni serb, ka theksuar se në këtë kontekst të paqëndrueshëm ballkanik, Serbia mbetet stabël dhe me një qeveri që po di të reagojë me maturi.

Zoran Zaev dhe përfaqësues të partisë së tij kanë dalë sot në një konferencë për shtyp, ku binte në sy manikota në fytyrën e disa prej tyre. Zaev deklaroi se ajo që ndodhi në Parlamentin e Maqedonisë, mbrëmjen e datës 27 prill, ishte tentativë vrasjeje me paramendim. Sipas tij zv.ministri i Brendshëm, Mitko Çakov duhet të japë dorëheqje, ndërkohë që Agim Nuhiu, ministër i Brendshëm, është larguar. Policia u pa qartë të bashkëpunonte me huliganët-protestues që kapërcyen gardhin e parlamentit dhe ushtruan dhunë.

Ngjarjet e një dite më parë në Maqedoni ishin një paralajmërim i fortë se vendi fqinj mund të rrëshqasë kollaj drejt destabilitetit. Përplasja ka vënë përballë Nikolla Gruevskin, kryeministër i një dekade  dhe fitues i zgjedhjeve të fundit parlamentare dhe opozitën e drejtuar nga "filoperëndimori" Zoran Zaev. 

Çfarë duhet të bëjë Europa me Turqinë e personalizuar të presidentit Erdogan? Përgjigja është e vështirë, pasi qoftë edhe me marrëveshjen për refugjatët presidenti turk e mban të lidhur veprimin e kontinentit të vjetër, apo më mirë të plakur. Por mediat gjermane, të konvertuara së fundmi në zëdhënëset më të zjarrta të europeizmit ashtu siç është formësuar ai në BE, po sugjerojnë politika të rrepta ndaj Ankarasë.

“Turqia në udhëkryq”, ky është titulli i një shkrimi në faqen kryesore të agjencisë “Deutsche Welle”, seksioni shqip.

Ata janë të vendosur të mbrojtnë Maqedoninë me "të gjitha mjetet" kundër armiqve të jashtëm dhe të brendshëm. Me çdo metodë dhe me çdo kusht. Ata duket të gatshëm edhe për të marrë armët nëse është e nevojshme.Në pankartat e tyre figurojnë armë si thika, granata dhe pushkë si ato që u përdorën në konfliktin mes shqiptarëve dhe sllavomaqedonasve në vitin 2001 në territoret e Maqedonisë.

Ambasadori rus në Tiranë, Aleksander Karpsuhin, ka dhën para dy ditësh një intervistë për emisionin “Diplomaticus” në Neës24. Ai ka folur për situatën në Siri, goditjet e SHBA dhe presidentin Assad. Sipas Karpushin, Moska sheh te rrëzimi i Assad me forcë, kalimin e Sirisë në skenarin libian, që do të thotë shpërbërje. Ambasadori ka folur edhe për situatën në Maqedoni, duke kërkuar të sqaroj qëndrimet e Moskës zyrtare për Platformën e Tiranës. Më poshtë komenti i ambasadorit, që është në fakt një kundërshtim i deklarimeve të qeverisë shqiptare në këtë drejtim(minuta 22:50):

Presidenti maqedonas George Ivanov ka përsëritur edhe njëherë se dalja nga kriza politike ku ka hyrë vendi nuk mund të bëhet duket mandatuar Zoran Zaevin. Në një intervistë për gazetën austriake “Wiener Zeitung” Ivanov ka argumentuar me disa akrobaci “kushtetuese” se për cilat arsye nuk është mandatuar Zaev.

Presidenti maqedonas George Ivanov ka vijuar edhe dje me interpretimin e Platformës së Tiranës si dokument që cenon rendin kushtetues të vendit. Në një intervistë për televizionin kombëtar kroat, HTV, Ivanov shprehet se platforma e adoptuar nga partitë shqiptare, e kthen Maqedoninë nga një vend multetnik unitar në një vend binacional. Sipas tij dokumenti çon në amendim të Marrëveshjes së Ohrit, duke lënë të kuptohet se teknikisht Platforma nuk rrjedh por mbivendoset mbi të.

Ministria e Jashtme e Maqedonisë thirri për shpjegime ambasadorin shqiptar në Shkup Fatos Reka, të cilit iu dorëzua nota e protestës për ndërhyrjen e Shqipërisë në punët e brendshme të shtetit fqinj. Shkupi zyrtar e konsideron një provokim serioz platformën shqiptare të firmosur në Tiranë duke theksuar se “mesazhe të tilla janë në dëm të marrëdhënieve të fqinjësisë së mirë mes dy vendeve”.