maqedonia

Njësoj si në Maqedoni dhe në Kosovë situata pazszgjedhore dikton negociimin e koalicioneve jo të natyrshme për të krijuar qeverinë e re. Kandidati kryesor që po aktualizohet si emër për kryeministër është Ramush Haradinaj, përfaqësues i një koalicioni parazgjedhor mes PDK-së së Hashim Thaçit, AAK-së së vet dhe Nisma të Fatmir Limajt.

Si do të krijojë qeverinë Haradinaj me një Vetëvendosje që ka dhënë goditje të fortë në zgjedhje?

Rezoluta e fundit e Parlamentit Europian për Maqedoninë, miratuar më 14 qershor 2017, ka shumë interes edhe për Shqipërinë, një vend, qeveria e të cilit u përpoq të interferonte dhe ndikonte zhvillimet politike poszgjedhore në atë vend.

Shqipëria dhe Maqedonia po konsumojnë javët e para pas krizave politike që angazhuan edhe faktorin ndërkombëtar për tejkalimin e mosmarrveshjeve politike. Në thelb të dyja krizat promovuan një lloj qasje të Brukselit zyrtar pro krahëve të caktuar politik dhe udhëheqësve që u atashuan si partizanë të një axhende properëndimore dhe paralajmërimeve për të mos rrëshqitur në influencën ruse. Është e njëjta prirje që shfaqi si kryeministri i Shqipërisë Edi Rama, ashtu dhe lideri socialdemokrat i Maqedonisë Zoran Zaev.

Çështje kohe konsiderohet, pas largimit të Nikolla Gruevskit presioni ndaj Athinës për të gjetur një zgjidhje për çështjen e emrit të Maqedonisë, në mënyrë që vendi t’i bashkohet NATO-s dhe më pas Bashkimit Europian.

Ministri i Jashtëm i Greqisë, Nios Kotzias, ka bërë thirrje që Maqedonia, qeveria e saj e re, të pranojë kompromise për emrin në funksion të integrimit në BE dhe NATO. Duke folur në Kozani, Kotizas se “tani që gjërat u stabilizuan ata do të kërkojnë sërish anëtarëismin në NATO dhe BE në emër të stabilizimit të mëtejshëm. Asnjë gjë kundër deri këtu. Por së pari ata duhet të zbatojnë detyrimet e tyre, që do të thotë të ndalin irredentizmin e tyre dhe të bëjnë kompromis mbi emrin”.

Ndërtimet pa leje janë një llojë emëruesi i përbashkët në Ballkan. Përveç Shqipërisë dhe Kosovës që dihet që e kanë këtë problem, pak ditë më parë bëri bujë lajmi I prishjes së një xhamie pa leje në Beograd. Mirëpo duket se nuk mbaron këtu. Maqedonia fqinje ka pothuajse të njëjtën përhapjentë dukurisë sa Shqipëria. Agjencia “Mia” raporton se Kadastra maqedonase ka bërë të ditur legalizmin e 180 mijë shtëpive dhe ndërtimeve pa leje që nga viti 2011 kur nisi procesi në fjalë.

Agjencia ruse e lajmeve “Sputnik” shkruan se Maqedonia do të jetë pjesë e NATO-s në pranverën e vitit 2018. Agjencia citon burime diplomatike sipas të cilave parashikohet që sekretari i Përgjithshëm  iAleancës, Stoltenberg do të vizitojë së shpejti Shkupin në mesin korrikut të këtij viti për të shtyrë përpara procesin. Lidhur me çështjen e emrit thuhet se Shkupi do të pranojë emrin Ish-Republika Jugosllave e Maqedonisë, si një zgjidhje e përkohshme që është pranuar në një intervistë edhe nga kryeministri aktual Zoran Zaev.

Gazeta britanike “The Guardian” raportonte dje për një plan të Kremlinit për të destabilizuar Ballkanin, sidomos Maqedoninë, plan për të cilin ajo pretendon se disponon apo ka parë dokumente origjinale sekrete. Aktiviteti i Rusisë ka zgjatur një dekadë përmes përhapjes së propagandës, sidomos në Maqedoni, me synimin e gjerë të vendosjes së influencës ruse në vendet e ish-Jugosllavisë. Moska është përpjekur të ndalojë hyrjen e tyre në NATO, çka pretendohet se shkruhet në materialet e siguruara nga Projekti për Raportimin mbi Krimin e Organizuar dhe Korrupsionin.

Zoran Zaev ka prezantuar listën e kandidatëve të tij për ministra të qeverisë së re në Maqedoni. Koalicioni i drejtuar prej tij përbëhet nga LSDM-ja me 49 mandate, BDI-ja me 10 mandate, 3 mandate nga Aleanca për Shqiptarët. 13 mandatet deçizive përbëhen nga parti shqiptare, ndërkohë që Lëvizja Besa u tërhoq nga ideja e pjesëmarrjes në qeveri, ndoshta për shkak të rivalitetit me BDI-në e Ali Ahmetit.

Lista raportohet si më poshtë:

Zoran Zaev                                     Kryeministër

"Urdhri që kam lidhur me çështjen e emrit të Maqedonisë është çelësi që do të hapë derën për zgjidhjen e çështjeve të tjera të diskutueshme në rajon". Kështu deklaron ndërmjetësi i OKB-së për çështjen e emrit të Maqedonisë, Matthew Nimetz në një intervistë për gazetën Realnews.
Diplomati amerikan thotë se pret që të formohet qeveria e re në Shkup për të nisur "diskutimet serioze", duke dërguar një mesazh se zgjidhja e emrit kushtetues të Maqedonisë duhet të jetë prioritet në agjendën e qeverisë së re.