lufta

Në një intervistë për gazetën greke “Kathimerini”, ish-drejtuesi i shërbimit sekret izraelit, Mossad, Danny Yatom, shprehet se një konflikt global nisur nga ajo që po ndodh në Ukrainë, nuk përjashtohet.

Askush nuk mund ta thotë. Nëse flasim në përgjithësi, mendoj se liderët do të jenë mjaftueshëm të zgjuar që të frenojnë njëri-tjetrin dhe të shmangin një përshkallëzim global, sepse ky i fundit sot mund të çojë në përdorimin e armëve bërthamore që mund të shkatërrojë tërësisht pjesë të mëdha të botës ku jetojmë.

Një ndër drejtuesit ushtarakë të Britanisë së Madhe, admirali Tony Radakin, ka pranuar në një intervistë për BBC se megjithë humbjet shumë te mëdha të Rusisë në Ukrainë, regjimi i Putin nuk duket i kërcënuar. 

30% e këmbësorisë është e humhur. Që do të thotë se 50 000 trupa ruse ose kanë vdekur ose janë dëmtuar në konflikt. Janë shkatërruar afërsisht 1700 tanke dhe 4000 mjete të blinduara

citohet Radakin.

Kryeministri i Britanisë së Madhe, Boris Johnson, ka deklaruar në një intervistë për disa gazeta europiane, se dështimi i presidentit rus, Putin në Ukrainë, ai nënkupton rikthim në gjendjen e para 24 shkurtit si objektiv minimal. 

Ambasada ruse në SHBA ka deklaruar se çdo hamendësim për krijimin e një lloj Gjyqi të Nurembergut për ushtarët rusë është false dhe e papranueshme.

Ne mendojmë se çdo spekullim rreth organizimit të një “gjyqi të ri të Nurembergut” kundër ushtarëve rusë si gjoja përgjegjësi për krime në Ukrainë janë të papranueshme

shkruan ambadada.

Ministri kinez i Mbrojtjes, gjenerali Wei Fenghe ka deklaruar se Kina do të luftojë deri në fund për të ndalur pavarësinë e Tajvanit.

Ne do të luftojmë me të gjitha kostot dhe deri në fund. Askush nuk duhet të nënvlerësojë vendosmërinë dhe aftësinë e forcave të armatosura kineze për të ruajtur integritetin e vet territorial

Presidenti I Bjellorusisë, Alexander Lukashenko, ka deklaruar se vendi I tij mund të përfshihet në luftime për Ukrainën Perëndimore. Në mediat bjelloruse qarkullon një deklaratë e tij sipas së cilës Bjellorusia është objekt presioni i Perëndimit për arsye gjeopolitike. 

Perëndimi nuk e ka braktisur ende qëllimin e alineimit të frontit që kalon nga Smolensku në Pskov, Smolensk-Bryansk-Kursk dhe nga aty deri në Rostov. Dhe ne jemi ky ballkoni mijëra kilometrash, ndaj ai duhet prerë

citohet Lukashenko.  

Në aspektin, ushtarak, kriza e Ukrainës ka riafirmuar vlerën e dronit turk, “Bayraktar”, duke hapur kështu parantezën e një ere të re në aktorët që e përcaktojnë atë. Droni në fjalë nuk është një alternativë e lirë për forcat ukrainase, përkundrejt sistemeve të fuqive kryesore, ai po shndërrohet në kallashnikovin e ri, për nga masiviteti i përdorimit dhe vlera e tij luftarake.

Në një intervistë me gazetën italiane” Corriere Della Sera” Papa Françesku tha se "Lehja e NATO-s ndaj Rusisë" solli që "Kremlini të reagojë keq dhe të nisë konfliktin". 

 Megjithatë, hedhja poshtë e komenteve befasuese të Papës mund të jetë një veprim dritëshkurtër për shkak se, sigurisht që disa veprime të SHBA dhe NATO-s shkaktuan në fakt "reagimin e keq" të Kremlinit.

Bashkimi Europian nuk do të vendosë embargo të përgjithshme ndaj naftës ruse për shkak se brenda bllokut ka kundërshtime. Të paktën këtë raporton agjencia ruse e lajmeve “Tass”, sipas së cilës një lajm të tillë e ka përcjellë Përfaqësuesi i Lartë i  BE-së për çështjet me Jashtë dhe Politikën e Sigurisë, Josep Borrell. 

Do të jetë shumë e vështirë të arrihet konsensus ndaj dërgesave ruse të naftës apo rritjen e tarifave, për shkak se disa vende anëtare kanë njoftuar tashmë se do të vënë veton ndaj një vendimi të tillë

Prej 24 shkurtit, ditë kur Rusia nisi në Ukrainë atë që e quan operacion special, Perëndimi i është kundërpërgjigjur duke furnizuar me armë Kievin dhe duke vendosur sanksione mbi ekonominë ruse.

SHBA-të nga njëra anë dhe Europa nga ana tjetër kanë unifikuar qëndrimin përballë Rusisë, lidhur me atë që e cilësojnë agresion ushtarak në Ukrainë.