france

Bashkitë në veri të Francës po ndjekin shembullin e njëra-tjetrës, duke ndaluar veshjet e mbukiara të grave myslimane në plazh. Pas bashkisë së Kanës edhe ajo e Nisës vendosi të premten të ndaloje burkinin në plazhet e saj, një veshje që mbulon gjithë trupin dhe lë të zbuluar vetëm fytyrën e femrës.

Të paktën 13 të vdekur dhe 6 të plagosur është bilanci i një një zjarri të madh që përfshiu  në orët e para të së shtunës një local në Rouen, të Francës, ku po festohej një ditëlindje. Sipas autoriteteve vendase të cilat kanë nisur hetimet, ngjarja nuk ka lidhje me terrorizmin, por dyshohet të jetë aksidentale.  Flakët e panë fillimisht  në bodrumin e lokalit dhe më pas u përhapën  në të gjitha ambjentet. Mësohet se viktimat janë të gjithë të rinj, rreth moshës moshës 18 deri në 25 vjeç.

Policia franceze ka identifikuar, një nga dy autorët e sulmit me thikë një ditë më parë në kishën e fshatit Saint-Etienne-du Rouvray të Normandise, në veri të Francës.
Ai është 19 vjeçari Adel Kermis i lindur në Francë, por me origjine Algjeriane, i dënuar më parë për lidhje me organizatat terroriste.
Daily Mail ka publikuar edhe foto të 19 vjeçarit, i cili ka qenë nën vëzhgim nga policia franceze, pasi ka bërë përpjekje të vazhdueshme për t'u nisur drejt Sirisë.

Terrorizmi godet sërish Francën. Kësaj radhe në Nisë në Ditën e Bastijës. Një person i armatosur vrau 84 persona me një kamion të cilin e drejtoi drejt një turme njerëzish të mbledhur me rastin e festës kombëtare franceze. Pamjet filmike tregojnë njerëzit që ikin me vrap, ndërkohë që bilanci është i rëndë: mes 84 të vdekurve ka edhe fëmijë. Dhjetra janë të plagosur. Presidenti francez, Francois Hollande e cilësoi sulmin terrorist dhe ka urdhëruar thirrjen e forcave rezerviste në mbështetje të trupave ushtarake të dislokuara në Nisë.

Modeli laburist i adoptuar nga Partia Socialiste për zgjedhjen e kryetarit duket se pati sukses në planin e brendshëm, por jo në atë të jashtëm. Nisur nga debati për primaret që do të zhvillohen për garën presidenciale në Francë, deputetja socialiste franceze, Aurelie Filippetti tha se modeli i zgjedhjeve brenda partisë me një kandidat të vetëm nuk duhet ndjekur. “ Ka nga ata që ëndërrojnë një primare alla shqiptare: vetëm me një kandidat, Francois Hollande, dhe asnjë kokë të mos ngrihet”-thekson deputetja franceze  në një artikull të saj të botuar në gazetën “Le Parisien”.

Shkrimtari i njohur shqiptar,Ismail Kadare nderohet nga shteti francez me Urdhërin e Lartë Kombëtar “Komandant i Legjionit te Nderit”.  Ky urdhër është ndër më të rëndësishmit në vlerësimin që Franca u bën personaliteteve në fusha të ndryshme.  Këtë vit në gjininë e letrave urdhëri  i takoi shkrimtarit shqiptar dhe francezit Michel Tournier.

Partia e ekstremit të djathtë “Fronti Nacional” i Marin Le Pen fitoi në  gjashtë nga 13 rajone në raundin e parë zgjedhjet lokale në France. Keto  ishin zgjedhjet e para prej sulmeve terroriste te 13 Nëntorit në Paris, ku humbën jetën 130 persona. Partia “Republikanët” e Nikola Sarkozi renditet e dyta, ndërsa pas saj Partia Socialiste e presidentit Hollande. Sipas parashikimeve Fronti Nacional ka siguruar në raundin e parë 30.6% të votave, ndërsa  konservatoret 27 % dhe socialistët 22.7%.

Një tjetër situatë e vështirë në Francë. Mediat ndërkombëtare raportojnë se një situatë pengmarrjeje është duke u zhvilluar në Roubaix, një qytet në kufi me Belgjikën, ku ka disa të lënduar nga të shtënat me armë. Ende nuk sqarohet se kush janë autorët. http://www.haaretz.com/world-news/1.688149?utm_campaign=Echobox&utm_medi...

Avionët francezë kanë hedhur rreth 20 bomba në operacionin e gjerë të dielën në mbrëmje në territoret e Shtetit Islamik. Sulmet ajrore kanë patur në shenjestër qytetin Raka, ku mësohet se janë goditur rreth 30 objekte armike.

Kryeministri francez, Manuel Vals paralajmëroi për sulme të tjera, pas bastisjeve dhe kontrolleve të policisë në të gjithë vendin. Paralelisht policia vazhdon operacionin për kapjen e bashkëpunëtorit të celulës terroriste qe organizoi masakren.

Sipas AFP Fronti Kombëtar kërkoi sot dorëheqjen e ministrit francez të Punëve të Jashtme, Laurent Fabius për shkak të lëshimit të një urdhërarresti nga SHBA-ja ndaj djalit të tij për përdorimin e çeqeve të falsifikuara, të shpërndara në kazinotë e Las Vegasit.

“Pa paragjykuar kërkesën e Gjykatës, e lëshuar për ndjekje penale ndaj Thomas Fabius, Fronti Kombëtar vlerësoi se mandatarresti i lëshuar nga Shtetet e Bashkuara të Amerikës ndaj djalit të ministrit francez të Punëve të Jashtme, nuk e lejon këtë të fundit të mbajë më këtë post”, shkruan Fronti Kombëtar në një komunikatë.