fbi

Agjencia e lajmeve “Reuters” njofton se kompania “Yahoo” ka skanuar me qindra milionë llogari – e-maile për llogari të NSA-së dhe FBI-së. Përmes një software ajo ka mundësuar kërkimin e të gjitha e-maileve hyrëse të klientëve të vet për informacione specifike të sugjeruara nga shërbimet sekrete amerikane.

“Reuters” i drejtoi pyetje kompanisë për këtë çështje dhe mori përgjigjen se “Yahoo është një kompani që i përgjigjet ligjit dhe vepron në përputhje me ligjet e SHBA-së”, duke mos shtuar më asgjë përtej kësaj.

Byroja Federale e Hetimit – FBI – “i ka vënë drynin” faqes së njohur dhe të shumëpërdorur në botë “KickassTorrents”, e konsideruar si faqja më e madhe për shpërndarëse materialesh. Ajo ishte nën administrim të 30 vjeçarit ukrainas, Artem Vaulin, një pirat kibernetik dhe renditej e 69 në internet me më shumë se 50 milionë vizitorë çdo muaj. Nga një përllogaritje e bërë studiot e muzikës dhe të filmave humbisnin nga kjo faqe, pra nga oferta fala ilegale e saj, më shumë se 1 miliardë dollarë.

Drejtori i FBI James Comey tha se nuk ekzistojnë arsye për të ngritur akuza penale kundër ish-sekretares së shtetit Hillary Clinton lidhur me përdorimin prej saj të një serveri privat gjatë kohës që ishte në këtë detyrë. Zoti Comey u shpreh se hetuesit kanë lexuar të 30 mijë emailat që zonja Clinton i kishte dorëzuar Departamentit të Shtetit në vitin 2014 dhe shtoi se 110 prej tyre përmbanin informacion të klasifikuar. Drejtori i FBI-së tha e mundur që aktorë me synime armiqësore të kenë patur qasje në llogarinë e saj personale të emailit.

Çështja e e-maileve të Hillary Clinton ka marrë një tjetër përmasë së fundmi, teksa është zbuluar një takim mes Bill Clinton dhe prokuorores së Përgjithshme, Loretta Lynch në aeroportin e Phoenix. Siç bëjnë me dije mediat amerikane, takimi ka qenë i paplanifikuar dhe ka zgjatur për 20 minuta. Lynch mohoi në një konferencë për shtyp se në takim është folur për çështjen e e-maileve, duke shtuar se me ish-presidentin amerikan është folur për nipëritë, udhëtimet e tyre dhe Brexit. Pra çështje të ndryshme për një 20 minutësh. Por vetë takimi ka krijuar pështjellime.

30 mijë emaile të fshira nga ish-sekretarja amerikane e Shtetit. Kjo është shifra që Hillari Clinton është munduar të mbulojë, pasi ka shpërdoruar detyrën dhe ka shkelur rregullat e sigurisë kombëtare. Ajo ka mbajtur një server sekret, administrimin e të cilit ia kishte besuar një firme “Datto Inc”, e cila ishte kontraktuar nga “Plate River” që ishte firma në marrëdhënie direkte me Clinton. “Daily Mail” raporton sot se vetë firma “Datto” nuk ishte e sigurtë dhe se ajo ishte hakeruar në vitin 2010.

Hillary Clinton është në hetim federal për mënyrën sesi ajo ka administruar dhe përdorur informacionin e klasifikuar.
Mediat amerikane referojnë në raport sipas të cilit Byroja Federale e Hetimit po hulumton e-mailet e Clinton, e cila në detyrën e sekretares së Shtetit, ka aprovuar me celularin e saj, vrasje me drone, të cilat realizoheshin nga shërbimi sekret. Vendi i goditjeve ishte Pakistani.
Marrëveshja mes Departamentit të Shtetit dhe CIA-s ka funksionuar qënnga viti 2011 dhe sipas saj Clinton ka aprovuar çdo propozim për vrasje që ka bërë CIA, përveç nja dy rasteve.

Pas përballjes me “Apple” për dekodimin e një iPhone, Byroja Federale Amerikane e Hetimit – FBI – përfshihet në një tjetër rast kritik për privatësinë e përdoruesve të internetit. CNN njofton se Byroja i ka kërkuar një prej zhvilluesve të softuerit Tor – që të dalë në gjyq për të dëshmuar në kuadër të një hetimi kriminal për veprimtari hakeruese. Isis Agora Levecruft , emri i personit, është larguar drejt Gjermanisë, menjeherë sapo agjentët federalë kanë trokitur në derën e shtëpisë së saj.

Shqipëria rreshtohet në vijën e parë të frontit kundër terrorizmit. Përtej takimit mes kryeministrit shqiptar dhe presidentit amerikan, vizita në SHBA ka sjellë edhe një marrëveshje shumë të rëndësishme mes Ministrisë së Brendshme dhe Byrosë Federale të Hetimit(FBI). Ajo është nënshkruar mes ministrit shqiptar Sajmir Tahiri dhe drejtorit të FBI-së James Comey, gjatë një takimi që delegacioni shqiptar kreu në selinë e kësaj të fundit.

Knidi (Kssidi) Bashari, këshilltari i Ministrisë së Financave, është vënë nën lupën e Byrosë Federale të Hetimit në SHBA, pasi rezulton i implikuar në një megamashtrim kompjuterik dhe mashtrime me transferta elektronike. 41-vjeçari Bashari është gjurmuar prej janarit 2015 nga FBI dhe Seksioni i Krimit Kompjuterik dhe Pronës Intelektuale i Departamentit Amerikan të Drejtësisë, të cilët kanë zbuluar 5245 veprime elektronike të cilësuara si kriminale, duke infektuar 475.532 adresa IP në 225 shtete, të cilësuara nga FBI si viktima, pasi i kanë sjellë dëme të shumta financiare dhe jo vetëm.

Ka krijuar debate të mëdha vendimi i Apple për të mos pranuar kërkesën e Byrosë Federale të Hetimit(FBI) për  zhbllokimin e iPhone të Syed Farook, që medohet se është i përfshirë në sulmet terroriste të fundvitit në San Bernardino në SHBA. Në një letër të hapur që u publikua gjerësisht, CEO i Apple, Tim Cook, e shpjegonte vendimin e kompanisë me prioritetin që ka privatësia kundrejt sigurisë në një botë që po e vendos njeriun në kushtet e survejimit masiv.