politike

Presidenti Ilir Meta ka kthyer për rishqyrtim në Kuvend ndryshimet në Kodin Zgjedhor. Kreu i shtetit i cilëson ato të njëanshme dhe në kundërshtim të hapur me Kushtetutën dhe parimet demokratike.

Sipas Metës, ndryshimet e rregullave zgjedhore “cenojnë parimet demokratike ndërkombëtare të realizimit të një procesit zgjedhor përmes zgjedhjeve të lira e të ndershme”.

Në argumentin që shoqëron dekretin thuhet se ndryshimet në Kodin Zgjedhor nuk realizojnë zhvillimin e një procesi zgjedhor përmes listave tërësisht të hapura siç u premtua.

Partia Demokratike synon që me një ligj të ri të kthejë te qytetarët paratë publike të përfituara në mënyrë abuzive. Ligji i ri antimafia, që kreu i demokratëve tha sot se do ta miratojë me të marrë pushtetin, parashikon ndër të tjera edhe rishikimin e kontratave koncesionare.

Kryeministri Rama, i cili drejton presidencën e OSBE-së, ka propozuar ish-kreun e diplomacisë shqiptare, Ditmir Bushati, në detyrën e Komisionerit për Lirinë e Medias.

Rama e ka vlerësuar Bushatin si kandidati më i mirë për të zëvendësuar Harlem Dezir, duke shtuar se Shqipëria është krenare me këtë nominim.

Ngjarjet kriminale të ditëve të fundit kanë rikthyer shqetësimet lidhur me sigurinë në vend. Megjithatë, ministri i Brendshëm, Sandër Lleshaj, thotë se nuk duhet krijuar panik dhe situata duhet parë ftohtë. Gjatë një takimi në Gjirokastër, Lleshaj tha se nuk shembet Shqipëria as për një ngjarje e as për dy të tilla.

Kryeministri Edi Rama tha sot se ai nuk është kundër listave të hapura dhe në këtë qëndrim ka mbështetjen e partisë. Në një konferencë shtypi në mesditë, Rama tha se maxhoranca ka vendosur të mbështesë hapjen e listave, një qasje që sipas tij përkon me dëshirën e një pjese të madhe të votuesve shqiptarë.

Pjesë nga fjala e ish-Kryeministrit Sali Berisha sot në parlament, ku është folur për propozimin e vettingun në politikë:

Ka ardhur nga rruga dhe doli sërish në rrugë për t’i treguar një miku amerikan se rrugën drejt pushtetit nuk e ka patur të lehtë. Kryeministri hungarez Viktor Orban dhe aktori i njohur amerikan Chuck Norris kaluan një paradite së bashku në Budapest.

I pyetur për propozimin e Lulzim Bashës që kushtetuta të amendohet për të kaluar në proces vetting-u edhe politikën, presidenti Ilir Meta ka anashkaluar një përgjigje të drejtëpërdrejtë, duke folur teorikisht për sfida dhe lexime të kundërta në politikën që sot përfaqësohet nga Partia Socialiste dhe PD e LSI nga ana tjetër.

Veting në politikë, pas atij në rradhët e gjyqësorit dhe policisë  ka propozuar Lulzim Basha nga Elbasani në mbledhjen e dytë që opozita mbajti në Elbasan, pas asaj në Shkodër.

“Vendimi ynë është ti japim fund një elite politike të lidhur me krimin dhe të çojmë politikanët e lidhur me krimin, në radhë të parë jashtë institucioneve, dhe pastaj para një drejtësie të reformuar dhe jo para një drejtësie të kapur.Dekriminalizimi i plotë përmes vettingut të politikanëve të lidhur me krimin”-ka deklaruar Lulzim Basha