politike

Refuzimi i presidentit për t’u paraqitur në komisionin hetimor është pasuar nga një kërkesë e deputetit Spartak Braho për shoqërimin e tij me forcë. Braho solli në vëmendje raste të ngjashme përgjatë viteve të kaluara, kur protagonist ka qenë vetë Meta dhe Berisha.

Presidenti Meta e refuzoi kërkesën e komisionit hetimor për t’u paraqitur në seancën dëgjimore.  

Kreu i shtetit thotë se ftesa për t’u paraqitur në seancë nuk “referon asnjë dispozitë kushtetuese dhe ligjore për bazueshmërinë e saj”.

Meta vijon të ngulë këmbë se nisma për shkarkimin e tij është hakmarrje politike, ndërsa shton se presidenti do të mbetet i vetmi që nuk do të frikësohet dhe i vetmi që ia ka dalë njeri ta detyrojë të shkelë Kushtetutën.

Propozimi i Komisionerit të Zgjerimit të BE-së, Olivér Várhelyi, për t’i dhënë prioritet Shqipërië në raport me Maqedoninë e Veriut lidhur me negociatat e pranimit në BEështë pritur me kritika në Austri. Ministri i Jashtëm, Alexander Schallenberg, e ka quajtur absurd një lëvizje të tillë.

"Maqedonia e Veriut ka ndryshuar emrin, ka zbatuar reforma të jashtëzakonshme dhe mendoj se duhet të jemi shumë të kujdesshëm me sinjalet që po dërgojmë", citohet ai nga Euractive.

Humbja e zgjedhjeve të radhës ka sjellë dorëheqjen e parë në selinë blu. Sahit Dollapi, sekretari organizativ i kampit blu ka dhënë dorëheqjen nga posti i tij pas debateve të brendshme që janë hapur pas 25 prillit.

Dollapi është pjesë e strukturave të PD-së prej vitesh. Ai u vu në qendër të aksionit opozitar në pranverën e vitit 2019, kohë kur Partia Demokratike dhe opozita e bashkuar dolën nga Parlamenti për t’ju drejtuar qytetarëve me protesta masive.

Më parë, gjatë qeverisjes së PD-së, ai ka mbajtur detyrën e drejtorit të CEZ.  

Maxhoranca ka paraqitur sot në Kuvend nismën për shkarkimin e presidentit Meta. Pas komisionit hetimor të disa muajve më parë, i cili konkludoi se kreu i shtetit nuk e kishte shkelur Kushtetutën në atë masë sa të shkarkohej nga detyra, 50 deputetë firmosën për ngritjen e një tjetër komisioni hetimor që do të bëjë të njëjtën punë.

Në seancën e sotme, kreu i grupit parlamentar socialist, Taulant Balla, renditi pesë arsye, të cilat sipas tij qëndrojnë në themel të kësaj nisme.

Presidenti i Maqedonisë së Veriut, Stevo Pendarovski, thotë se ngërçi i procesit të zgjerimit gjeneron në Ballkanin Perëndimor idetë e ndryshimit të kufijve. Në një intervistë për Euronews, Pendarovski shprehet se dokumenti jozyrtar që besohet se ka dalë nga zyra e kryeministrit Slloven, Janez Janša, për ndryshim të kufijve të vendeve që u formuan pas shpërbërjes së Jugosllavisë, është një ide e rrezikshme, që rrezikon të përgjakë Ballkanin sërish.

Kandidati i PD-së në qarkun e Gjirokastrës, Roland Bejko, shpreson në një rezultat 2-2 në përfundim të procesit të numërimit.

Në një intervistë përmes telefonit me studion e lajmeve në MCN, Bejko tha se një rezultat i tillë do të ishte i sigurt nëse Vangjel Tavo do të pranonte kandidimin në listën e PD.

Kuvendi miratoi me 81 vota pro, 13 kundër dhe 4 abstenime projektligjin “Për miratimin e marrëveshjes, ndërmjet ministrisë së Financave dhe Ekonomisë si autoritet kontraktues dhe shoqërive “S2 Albania” shpk dhe “Rapiscan systems” INC “Për një ndryshim në marrëveshjen e konçensionit për financimin, ngritjen dhe operimin e shërbimit të skanimit të kontejnerëve e automjeteve të tjera në Republikën e Shqipërisë, miratuar me ligjin nr. 123/2013” të ndryshuar””.

Dy ditë pasi njoftoi hapjen e spitaleve rajonale, fillimisht atij të Durrësit dhe më pas të Shkodrës, me qëllim lehtësimin e ngarkesës në katër spitalet Covid në kryeqytet, ministrja e Shëndetësisë, Ogerta Manastirliu, thotë se kapacitetet në Tiranë nuk janë ezauruar. Në një prononcim për mediat pasi inspektoi procesin e vaksinimit në “Air Albania”, në krah të kryeministrit Rama, Manastirliu tha se në spitalet Covid në Tiranë ka ende vende të lira.

Qeveria synon ta ketë përfunduar procesin e imunizimit përmes vaksinës pas 14 muajve. Vaksinimi nisi fillimisht me punonjësit e sistemit shëndetësor, për të kaluar më pas te të moshuarit e azileve, fillimisht atij në Shkodër dhe nga nesër në Vlorë.

Por më pas, vaksinimi do të bëhet në mënyrë selektive. Këtë, Rama e paralajmëroi vetë sot, gjatë një fjalimi në “Air Albania”.