politike

Mospërfshirja e të gjashtë shteteve të Ballkanit Perëndimor në “Ballkanin e Hapur” e bën nismën jofunksionale. I dërguari amerikan për Ballkanin Perëndimor, Gabriel Escobar, thotë se iniciativat rajonale duhet të jenë të hapura për të gjitha shtetet në mënyrë të barabartë.

“Mbështetja për Open Balkan do të bëhet në bazë të kushteve që nisma të jetë hapur për të gjithë. Duhet anëtarësim i barabartë dhe jo shpërqendrim nga aspiratat evropiane”, tha ai gjatë konferencës për “Ballkanin e Hapur” që u mbajt në Kuvendin e Serbisë, përmes një lidhjeje live.

Katër vjet pasi hapi një debat të madh në botën e kinemasë hollivudiane, lëvizja #MeToo po përparon në Francë. Ishin fillimisht denoncimet e disa gazetareve, të cilat ngritën problemin e ngacimimit seksual në vendin e punës, por tashmë një lëvizje e tillë ka nisur edhe në politikë.

Në një artikull të botuar të hënën në të përditshmen franceze Le Monde, rreth 300 gra të njohura u bënë thirrje partive politike të majta që të "largojnë autorët e dhunës seksuale dhe me bazë gjinore", duke shtuar se shumë zyrtarë të zgjedhur dhe kandidatë janë të akuzuar.

Parlamenti po diskuton sot projektbuxhetin e vitit 2022. Sipas këtij të fundit, i cili ka marrë dritën jeshile të komisioneve parlamentare, të ardhurat parashikohen në nivelin 536.8 miliardë lekë, ndërsa shpenzimet në vlerën e 637.6 miliardë lekëve.

Kryeministri Rama tha se ky është buxheti që plotëson nevojat e çdo shtrese sociale. Ndërsa kreu i PD-së, Lulzim Basha, e cilësoi buxhetin e ri një tjetër mjet për ta vënë shtetin në shërbim të klientëve të qeverisë. 

Nëse nuk e doni ndikimin kinez dhe rus në Ballkan, na mbështesni me investime. Ministri i Jashtëm i Malit të Zi e sheh të lidhur ngushtë ekonominë e rajonit me politikën. Në një intervistë për Newsweek, Dorde Raduloviç paralajmëron se mënyra e vetme që SHBA-ja dhe Bashkimi Evropian të konkurrojnë me ndikimin në rritje të Kinës në Ballkan është përmes investimeve të konsiderueshme dhe të qëndrueshme.

Ish-i dërguari special për dialogun Prishtinë-Beograd, Richard Grenell, thotë se Kosova nuk pranoi para nga amerikanët.

Grenell e ka fjalën për fondet e ofruara nga SHBA qeverisë së Albin Kurtit për përmirësimin e projektit të gazit. Ish-ambasadori e kritikon Kurtin për këtë vendim dhe shton se Ambasada Amerikane në Prishtinë duhet të jetë më e qartë në këtë pikë.

Sali Berisha foli sot si kryetar i PD-së, kur gjatë foltores së Pogradecit ftoi kryeministrin në një debat televiziv. Mbështetja që ka gjetur në bazë duket se e ka motivuar ish-kreun e PD-së se do ta rimarrë krejt lehtë drejtimin e saj dhe kjo da bëjë edhe njëherë zyrtarisht rivalin e tij të drejtpërdrejtë politik.

Kryeministri hungarez ka vizituar së fundmi Bosnje-Hercegovinën, ku u takua vetëm me serbin Milorad Dodik, njëri prej tre anëtarëve të presidencës së vendit. Orban tha se Hungaria ka interes të madh në paqen, stabilitetin dhe sigurinë e Ballkanit dhe serbët që jetojnë në Republikën Srpska të BiH-së luajnë një rol kyç në këtë proces. Në deklaratë thuhet se mes të dyve është biseduar për “mundësitë e bashkëpunimit ekonomik ndërmjet Hungarisë dhe RS”.

Ashpërsohet “lufta” në PD. Foltorja e radhës e ish-kryetarit Berisha me të rinjtë e PD-së në Tiranë shënoi thellimin e përplasjes me ish-liderit historik të PD-së dhe kryetarit aktual. Në takimin e mbajtur me të rinjtë e FRPD-së në Amfiteatrin e Akademisë së Arteve, Berisha u tregua më i ashpër se asnjëherë tjetër me pasuesin e tij në krye të selisë blu.

Gjykata Kushtetuese ka rrëzuar kërkesën e Shoqatës së Bashkive të Shqipërisë, për shpalljen antikushtetuese të zgjedhjeve lokale të vitit 2019. Pasi mori në shqyrtim edhe opinionin e Komisionit të Venecias, Gjykata rrëzoi edhe kërkesën e Shoqatës së Bashkive, të përfaqësuar nga Voltana Ademi, për kushtetutshmërinë e regjistrimit të Partisë Bindja Demokratike në zgjedhje.

Në korrik 2019, Shoqata e Bashkive të Shqipërisë iu drejtua Kushtetueses me  kërkesën për konstatimin si antikushtetuese të zgjedhjeve vendore të 30 qershorit të atij viti.

Denoncimi i një rasti abuzimi seksual në Kinë nga një ish-zyrtar i lartë i qeverisë nxiti diskutime, të cilat autoritetet u kujdesën t’i shuajnë në kohë rekord, çka reflekton ndjeshmërinë e lartë ndaj akuzave të kësaj natye. Denoncimi u bë një nga teniste ndaj një ish-zyrtari të lartë qeveritar. Në një postim të gjatë në rrjetet sociale që u zhduk shpejt, Peng Shuai shkroi se Zhang Gaoli, ish-zëvendëskryeministër dhe anëtar i Komitetit të Përhershëm të Byrosë Politike, e kishte detyruar atë të bënte seks pavarësisht refuzimeve të përsëritura pas një raundi tenisi tre vjet më parë.