lufta

Revista e njohur “The Economist” ia kushtonte edicionin print të datës 25 janar kursit konfliktual ku kanë hyrë fuqitë e mëdha të botës. Revista sjell në vëmendje konfliktet e kufizuara të 25 viteve të fundit dhe ato që ende vazhdojnë, si në Siri, Afganistan, Afrikën Qendrore dhe Irak, për të konkluduar se në botë ka zhvendosje thelbësore gjeopolitike të cilat e sfidojnë rrënjësht rolin e deritanishëm të SHBA.

Presidenti francez Emmanuel Makron u pozicionua të mërkurën në favor të vazhdimit të një "dialogu të përhershëm" me Teheranin, duke thënë se vendet si Izraei dhe Arabia Saudite që kanë denoncuar vazhdimisht marrëveshjen mbi programin bërthamor të republikës islamike të Iranit me SHBA, po ndjekin një rrugë që "çon në luftë me Iranin".

Një video e animuar që paraqet një luftë imagjinare mes Arabisë Saudite dhe Iranit ka bërë xhiron e rrjeteve sociale.  Sipas Haaretz, video me titull « The Saudi Strike Force » është krijuar nga të rinjtë sauditë në sfondin e tensioneve mes dy forcave të mëdha që mishërojnë përplasjen me sunnitëve dhe shiite-vë në botën islame. Video hapet me një frazë të Princit saudit Mohammed bin Salman, sipas të cilit qëllimi kryesor i Iranit është "Kimpla '(drejtimi në të cilin muslimanët luten teksa shkojnë në Qabe në Mekë).

Katër shtete, mes tyre edhe SHBA, komplotuan për të rrëzuar nga pushteti Bashar al Assadin e Sirisë. Informacioni ka kohë që qarkullon si një e vërtetë jo zyrtare, por së fundmi ai është konfirmuar edhe nga ish-zv.kryeministri i Katarit, Hamd bin Jassim në një intervistë të datës 26 tetor 2017 në televizionin kombëtar të këtij vendi.

Katari, Arabia Saudite dhe Turqia dërguan armët drejt militantëve që luftonin kundër presidentit sirian përmes personelit ushtarak amerikan në rajon.

Kryeministri vijon të komentojë nga rrjetet sociale situatën politike ku ndodhet vendi pas përgjimeve të dosjes Habilaj dhe zhvillimeve politike që lidhen me krijimin e Frontit të Ri opozitar, PD-LSI. Një parashtrim i gjatë që merret me më shumë me aspektin moral të opozitës në luftën kundër krimit të organizuar dhe kanabisit, dhe pak me përgjgjësitë që ai ka personalisht për këtë situatë.

Turqia po konsideron aksione ushtarake dhe madje luftë nëse kurdët do të vijojnë me referendumin e pavarësisë më 25 shtator. Kreu i partisë turke Lëvizja Nacionaliste, Devlet Bahçeli, ka deklaruar se ky është një opsion që nuk përjashtohet.

“Ne duhet të disaprovojmë përgatitjet për referendum përfshirë qytetet turkmene. Duhet të bëhet e qartë se ku referendum potencial është testi për Kurdistanin. Ky referendum është tërësisht kundër Turqisë dhe turkmenëve. Duhet të konsiderohet si shkak për luftë nëse është e nevojshme”, tha ai.

Një grup prej 100 drejtuesish të kompanive teknologjike kanë publikuar një letër të hapur, drejtuar Organizatës së Kombeve të Bashkuara, përmes së cilës kërkojnë që të parandalohet ajo që ata e quajnë garë e armatimit për armët autonome vdekjeprurëse. Fjala është për dronët dhe të gjithë Sistemet e Armëve Autonome Vdekjeprurëse.

Më shumë se 15 vjet pas fillimit të Operacionit "Liria e Qëndrueshme" në Afganistam, bilanci i luftës së amerikanëve ka ngritur shumë pikëpyetje mbi atë që quhet Lufta me e gjatë e Amerikës.Vera e vitit 2017 ka qenë e përgjakshme në Afganistan, me qindra të vdekur. Bombat vetëvrasëse kanë shënjestruar funerale dhe banka. Një shpërthim masiv në qershor vrau të paktën 150 persona në kryeqytetin Kabulit, ndërsa një tjetër sulm tronditi një xhami shiite.

Korea e Veriut ka bërë të ditur sot se do të vazhdojë me testimin e raketave, pavarësisht se kjo sjellje mund të kërcënojë një luftë me SHBA dhe disa aleatë të saj. BBC-ja referon burime zyrtare nga Pheniani sipas të cilave “testimi i raketave do të vazhdojë në një bazë javore, mujore apo vjetore”.  Kjo deklaratë është bërë për rrjetin britanik nga zv.ministri i Jashtëm koreanoverior, Han Song – Ryol.

Kina ka bërë thirrje që tensioni lidhur me Korenë e Veriut të ndalet përpara se situata të arrijë në një fazë të pamenaxhueshme. Agjencia “Reuters” shkruan se shqetësimet për lëvizjet dhe seriozitetin e administratës amerikane janë rritur që nga goditja që u ndërmor në Siri, ku pas një sulmi me armë kimike, SHBA-të qëlluan mbi një bazë ajrore siriane. Po kështu përdorimi në Afganistan i bombës më të madhe jobërthamore nga SHBA i jep zë tjetër angazimit amerikan që është konkret në rastin e Koresë së Veriut me dislokimin e një flote ushtarake pranë këtij vendi.