kosova

Gianni De Biasi ishte i detyruar të zgjidhte. Katër lojtarë nuk do të udhëtonin së bashku me ekipin në Francë dhe trajneri zgjodhi emrat e Milot Rashicës, Berat Gjimshitit, Amir Rrahmanit dhe Herolind Shalës. Ashtu si në çdo shtet tjetër, edhe në Shqipëri e Kosovë opinioni u nda në mes.

Dikush pro dhe dikush tjetër kundër De Biasit. Të gjithë e kritikojnë, por askush nuk thotë pse. Të gjithë thonë që Rashica apo Gjimshiti duhet të ishin pjesë e 23 lojtarëve të Euro 2016, por askush nuk thotë cilët duhet të liheshin jashtë.

Departamentit i Shtetit thotë se kërcënimi i ekstremizmit të dhunshëm islamik në Kosovë është rritur gradualisht që nga konflikti i vitit 1999, i nxitur pjesërisht nëpërmjet financimit nga organizatat e huaja që predikojnë ideologji ekstremiste. Rreth 250 nga 300 luftëtarë të huaj terroristë nga Kosova, thuhet në raportin e Departamentit të Shtetit kanë udhëtuar në Siri dhe Irak për të luftuar për ISIS-in ose Frontin el-Nusra, nga të cilët rreth 50 janë vrarë.

Ndër marrëveshjet që pritet të firmosen në mbledhjen e përbashkët të qeverisë se Kosovës dhe asaj të Shqipërisë është edhe mundësia e investimeve të përbashkëta në energjetikë. Fjala është për rigjallërimin e Termocentralit Kosova A, ku pjesë e projektit mund të bëhet edhe njëri prej operatorëve shqiptarë të energjisë.

"TemaTv"

Shqiptarët janë të rëndësishëm, ndoshta më shumë të rëndësishëm sesa e mendojnë veten. Të paktën për agjencinë shtetërore të lajmeve, “Sputnik”, sipas të cilës “shqiptarët po pushtojnë Serbinë”. Lajmi referohet nga agjencia serbe e lajmeve, “B92” dhe bën fjalë për blerjen e pronave të paluajtshme nga shqiptarët e Kosovës në zona të Serbisë Jugore. Nga viti 2010 deri në vitin 2015, shqiptarët e Kosovës kanë blerë apartamente dhe toka në masë në Nish, Leskovac, Vranja, Kurshumlija dhe Prokuplje.

“Kosova është e pavarur dhe këtë duhet pranuar”, është deklarata e liderit të Lëvizjes së Ripërtëritjes Serbe, Vuk Drashkoviç, i cili ka hapur sërish debate në Serbi. Kjo deklaratë merr një rëndësi të veçantë pasi partia e Drashkoviçit është futur në Parlament në zgjedhjet e fundit, në koalicion me partinë në pushtet të kryeministrit Aleksandar Vuçiç, që nuk e njeh pavarësinë e Kosovës.

Gjykata Kushtetuese e Kosovës i ka dhënë fund debatit 16 vjeçar mbi pronësinë e Manastirit të Deçanit. Në një vendim të publikuar në faqen e saj online, gjykata konstaton papajtueshmërinë me Kushtetutën të vendimeve të “Kolegjit të Ankesave të Dhomes së Posaçme të Gjykatës Supreme të Republikës së Kosoves për çështje që Lidhen me Agjencinë Kosovare të Privatizimit”.

Kryeministri i Shqipërisë, Edi Rama, ka qenë i ftuar në dasmën e vajzës së Presidentit turk, Erdogan. Një festë familjare, pjesëmarrja në të cilën flet për miqësinë mes Edi Ramës dhe presidentit turk, miqësi që erdhi në rritje nga 21 janari 2011 e më pas. Më poshtë po sjellim lajmin ashtu siç e ka raportuar Agjencia Telegrafike Shqiptare, që është edhe lajmi zyrtar për aktivitetin:
“Presidenti i Turqisë, Recep Tayyip Erdogan, e ka martuar vajzën më të vogël, Sumeyye, sot me industrialistin Seluck Bayrajtar.

Që sot e tutje nuk ka më shqiptarë të Ballkanit që lëvizin me viza në Europë. Muri i fundit ka rënë me rekomandimin e mirautr sot nga Komisioni Europian që qytetarët e Kosovës, të pajisur me pasaporta biometrike, të lëvizin lirisht në Europë, për një periudhë qëndrimi 90 ditore.

Anëtarësimi i Kosovës në UEFA është lajm i mirë, është lajm i bukur por, jo aq edhe i zjarrtë sikurse po e paraqet politika.
Lajmi për Kosovën në UEFA të mos përdoret si mjet pune në duar të qeverisë së degjeneruar. Mos të romantizohet, deri në budallallëk , ky sukses, jo i vogël sportiv, i Kosovës së lodhur e të kërcnuar nga copëtimi i Serbisë.

Lajmin me ngjyrime të tilla politike e me emocione plot, do ta mirëkuptoja, atëherë dhe vetëm atëherë, kur do të ndodhë bashkimi i kombit shqiptar në një sistem politik e në një udhëheqje politike. Pikë!

Kosova është anëtarja më e re Federatës Europiane të Futbollit, duke konfirmuar kështu një realitet të gjallë që nuk mund të mohohet. U pëlqen apo nuk u pëlqen disave. Ajo është bërë pjesë e familjes së futbollit europian me anë të një votimi, i cili në fund është i padiskutueshëm.  Një sinjal tjetër, jo pa domethënie, vjen nga Rusia e cila votoi kundër anëtarësimit të Kosovës në UEFA, gjithnjë si aleate e qëndrimit serb.