bota

Kanadaja premton se do të sigurojë më shumë naftë, gaz dhe uranium për të ndihmuar në zgjidhjen e krizës globale të energjisë.

Çmimet e naftës dhe gazit janë rritur si rezultat i kufizimit të furnizimeve ruse, pasi Perëndimi nisi një valë sanksione në kundërpërgjigje të ndërhyrjes ushtarake ruse në Ukrainë.

Ministri i Burimeve Natyrore të Kanadasë, Jonathan Wilkinson, thotë se Kanadaja është e përkushtuar "të ndihmojë sa më shumë që të mundet në drejtim të zëvendësimit të naftës dhe gazit rus".

Europa merr nga Rusia ¼ e totalit të furnizimit me naftë dhe 40% të gazit. Megjithatë, Europa nuk është importuesja numër 1 nga Rusia. Përgjatë pesë viteve të fundit, Kina ka qenë blerësi më i madh i naftës ruse. Vetëm përgjatë vitit 2021, Kina ka importuar nga Rusia 70.1 milion ton naftë (30.6% e totalit të eksporteve ruse) për shumën prej 34.9 miliardë dollarë.

Importuesi i dytë më i madh është Holanda (37.4 milionë tonë me 17.3 miliardë dollarë). Holanda është qendër kryesore tregtare, nga ku lëndët e para nga Rusia rishpërndahen në vendet e konsumatorit fundor.

Ambasadori rus në Paris u thirr në Ministrinë e Jashtme pasi në llogarinë e ambasadës u postuan disa karikatura që diplomacia franceze i konsideron të papranueshme.

Të enjten, Ambasada Ruse në Paris postoi një karikaturë ku shfaqej një trup i shtrirë në një tavolinë të emërtuar "Evropa" me personazhe që përfaqësojnë Shtetet e Bashkuara dhe Bashkimin Evropian, të cilat ngulnin gjilpëra në të.

Bashkimi Evropian dhe Shtetet e Bashkuara arritën një marrëveshje të premten për të furnizuar Evropën me sasi të shtuar të gazit natyror të lëngshëm të SHBA-së (LNG), ndërsa liderët e bllokut evropian janë mbledhur në diskutime për të frenuar varësinë e tyre nga karburantet fosile ruse dhe për t'u përballur me krizën energjetike.

Pakti i shpallur gjatë vizitës së presidentit amerikan Joe Biden në Bruksel, pason një ditë me tre samite në kryeqytetin e BE-së, ku liderët kritikuan pushtimin rus të Ukrainës dhe ofruan mbështetje të re për Kievin.

Belgjika do të emetojë një monedhë të posaçme me të cilën falënderon sektorin e kujdesit shëndetësor për përpjekjet gjatë pandemisë së koronavirusit. Në dekretin e posaçëm mbretëror thuhet se monedha e re 2  euro është "në vlerësim të përpjekjeve të jashtëzakonshme të sektorit të kujdesit shëndetësor gjatë pandemisë Covid-19".

Për herë të parë që nga nisja e konfliktit në Ukrainë, NATO ka raportuar shifrën e humbjeve në radhët e ushtrisë ruse. Sipas përllogaritjeve, 7 000 deri në 15 000 ushtarë rusë janë vrarë në katër javë të luftës në Ukrainë, ku rezistenca e ashpër e vendasve i ka bërë të pamundur Moskës fitoren e rrufeshme që ajo kërkonte.

Për krahasim, Rusia humbi rreth 15 000 trupa gjatë 10 viteve në Afganistan.

Ish-sekretarja amerikane e Shtetit, Madeleine Albright, ka ndërruar jetë në moshën 84-vjeçare. Familja bëri të ditur se Albright ndërroi jetë si pasojë e një sëmundjeje të pashërueshme.

Sekretarja e parë e Shtetit grua në SHBA, Albright ndihmoi në drejtimin e politikës së jashtme perëndimore pas Luftës së Ftohtë.

Ajo ka qenë figurë qendrore në administratën e Presidentit Bill Clinton. Ajo mbrojti zgjerimin e NATO-s, nxiti që aleanca të ndërhynte në Ballkan për të ndaluar gjenocidin dhe spastrimin etnik në Kosovë.

Gjermania nuk është gati të shkëputet nga varësia e gazit rus. Kancelari Olaf Scholz tha në një fjalim në Bundestag se mjë ndalim i menjëhershëm i importeve ruse të energjisë do të shkaktonte një recesion ekonomik në Gjermani dhe në mbarë Evropën.

Ne do t'i japim fund kësaj varësie [nga nafta, qymyri dhe gazi rus] sa më shpejt që të mundemi, por ta bëjmë këtë nga një ditë në tjetrën do të thotë të zhysim vendin tonë dhe të gjithë Evropën në recesion

India ishte ndër vendet që nuk e dënoi agresionin rus në Ukrainë, çka pasqyron edhe marrëdhëniet e saj të gjata me Moskën.

Lideri i demokracisë më të madhe në botë duket se e ka të vështirë të shqiptojë fjalën që ka dominuar titujt dhe ligjërimin diplomatik për gati një muaj.

Çështja e Ukrainës i ka kryesuar axhendat shumëpalëshe dhe dypalëshe që prej 24 shkurtit, por kryeministri indian Narendra Modi duket i vendosur ta shmangë këtë temë me çdo kusht.

Asnjë qytet nga 6 475 të tilla në të gjithë botë nuk përmbush standardet e cilësisë së ajrit. Pauza e pandemisë, e cila u reflektua me një “frymëmarrje” të qyteteve, sidomos atyre në zonat industrial, është pasuar nga një rritje e treguesve të ndotjes përgjatë vitit 2021.

Të dhënat e grumbulluara nga firma zvicerane, IQAir, një kompani e teknologjisë së ndotjes që monitoron cilësinë e ajrit bazuar në standardet e BSH-së, tregojnë tejkalim të normës.