bota

Tre kozmonautë rusë mbërritën në Stacionin Hapësinor Ndërkombëtar (ISS), duke iu bashkuar me kapsulën Soyuz misionit të përbashkët ruso-amerikan që vijon në orbitë prej 20 vitesh.

Ekipi i ri i kozmonautëve u ngrit nga kozmodromi rus Baikonur në Kazakistan dhe u ankorua në stacionin ndërkombëtar, ku do të qëndrojë për 6 muaj e gjysmë.

Nisja u transmetua drejtpërdrejt nga NASA TV dhe në faqen e internetit të agjencisë amerikane të hapësirës.

Gjykata e Lartë e Brazilit vendosi mbylljen e aplikacionit popullor të mesazheve Telegram në vend, duke ndaluar efektivisht një nga kanalet e preferuara të komunikimit të Presidentit të ekstremit të djathtë Jair Bolsonaro, pak muaj para zgjedhjeve.

Gjykatësi Alexandre de Moraes e motivoi vendimin me dështimin e Telegramit për të përmbushur udhëzimet e autoriteteve braziliane dhe për të hequr mesazhet dezinformuese, raporton Reuters.

Aktori Arnold Schawarzenegger i është drejtuar popullit rus me një mesazh video, me anë të të cilit merr përsipër t’u sqarojë të pavërtetat që Rusia thotë për arsyet e invazionit ushtarak në Ukrainë.

Aktori 74-vjeçar, ish-guvernator i Kalifornisë, thotë se para së gjithash, rusët duhet të dinë se nuk ishte Ukraina ajo që e nisi luftën.

Bjellorusia paralajmëron Ukrainën se mund të ndërmarrë nisma kundër saj.

“Nëse Ukraina vazhdon përshkallëzimin kundër Bjellorusisë, Minsk nuk do ta lërë pa përgjigje”, tha presidenti i Bjellorusisë, Aleksandër Lukashenko, i cituar nga TASS.

Lukashenko është shprehur se, nëse presidenti ukrainas Volodymyr Zelensky refuzon të nënshkruajë një marrëveshje me Putinin, atëherë ai do të detyrohet të nënshkruajë një akt kapitullimi.

Human Rights Watch me qendër në Nju Jork u bëri thirrje autoriteteve ukrainase të respektojnë të drejtat e të burgosurve të luftës dhe të ndalojnë postimin e videove të ushtarëve rusë të zënë rob.

“Autoritetet ukrainase duhet të ndalojnë së postuari në mediat sociale dhe aplikacionet e mesazheve video të ushtarëve rusë të kapur që i ekspozojnë ata ndaj kuriozitetit publik, veçanërisht ato që tregojnë se po poshtërohen ose frikësohen”, tha Human Rights Watch në një deklaratë.

Presidenti francez, Emmanuel Macron, e quan elektroshok për NATO-n sfidën që paraqet konflikti në Ukrainë. Megjithatë, sipas tij, situata në të cilën u gjet papritur do ta ndihmojë NATO-n të qartësohet lidhur me strategjitë në të ardhmen.

Dy vite më parë, Macron hodhi idenë e një force ushtarake europiane, duke u shprehur se NATO po përjetonte "vdekje truri".

Ish-kryeministri i Bullgarisë, Bojko Borisov, 62 vjeç, u arrestua së bashku me anëtarë të tjerë të partisë së tij me dyshimet për korrupsion. Borisov u vu në pranga në përfundim të hetimeve të prokurorisë së BE lidhur me keqpërdorimin e fondeve të ndihmës së BE.

"Një operacion i madh po zhvillohet në lidhje me 120 raste të Zyrës së Prokurorit Publik Evropian në Bullgari... Bojko Borisov është arrestuar", njoftoi Ministria e Brendshme në një deklaratë.

Rusia paralajmëroi Shtetet e Bashkuara të enjten se Moska ka fuqinë për t’i treguar asaj vendin dhe akuzoi Perëndimin për nxitjen e një komploti të egër rusofobik për të copëtuar Rusinë.

"Nuk do të funksionojë - Rusia ka fuqinë t’u tregojë vendin armiqve", tha Dmitry Medvedev, ish-president i vendit në periudhën 2008-2012, aktualisht zv.sekretar i Këshillit të Sigurimit të Rusisë.

Space Foundation, një OFJ, iu bashkua asaj që ka filluar të njihet si rusofobia, pas ndërhyrjes ushtarake të Rusisë në Ukrainë. Space Foundation hoqi emrin e Juri Gagarin, astronautit të parë që doli në hapësirë, nga emërtimi i një eventi për mbledhje fondesh.

Sekretari i Përgjithshëm i NATO-s, Jens Stoltenberg, thotë se situata e krijuar javët e fundit në Ukrainë e ka vënë sigurinë europiane përballë një realiteti të ri. Ai thekson domosdoshmërinë për rritjen e shpenzimeve ushtarake nga vendet anëtare, në një kohë kur 90% e popullsisë së mbrojtur nga NATO jeton në BE.