bota

Hungaria do t’i lejojë trupat e NATO-s të vendosen në perëndim të territorit të saj, ndërsa u ka hapur dritën jeshile edhe dërgesave të armëve për të kaluar drejt vendeve të tjera anëtare.

Me anë të një vendimi, qeveria hungareze u jep mundësinë trupave të NATO-s të kalojnë tranzit nga toka dhe ajri përmes Hungarisë dhe në Hungari në perëndim të Danubit. Gjithashtu lejohen forcat e NATO-s të kalojnë tranzit në raste të tjera, të tilla si pjesëmarrja në stërvitje dhe misione stërvitore, me përjashtim të rasteve kur destinacioni i tyre përfundimtar është Ukraina.

Rusia vazhdon të furnizojë Europën me gaz përmes Ukrainës dhe në nivelet e dakorduara. Gjiganti shtetëror rus i energjisë Gazprom, i cituar nga Interfax, njoftoi se furnizimi vijon normalisht.

Kryetari i Konferencës së Peshkopëve Katolikë Gjermanë, Peshkopi Georg Bätzing, i ka kërkon Kishës Katolike të ndryshojë predikimet mbi moralin seksual, duke këmbëngulur se seksi mes njerëzve të së njëjtës gjini nuk e dëmton marrëdhënien e një individi me Zotin.

“Marrëdhëniet e të njëjtit seks nuk kanë asnjë problem”, i tha Peshkopi Bätzing revistës gjermane “Bunte” në numrin e saj të 4 marsit, "për sa kohë që ato kryhen me besnikëri dhe përgjegjësi".

Që nga shpërthimi i emergjencës Covid, numri i vdekjeve të shkaktuara nga virusi ka qenë 4 herë më i lartë në vendet me të ardhura të mesme të ulëta sesa në vendet e pasura. Ky është konkluzioni i një analize të OXFAM, botuar në raportin “Pandemia e babëzisë”, të cilit i referohet Avvenire.

Princi saudit i kurorës, Mohammed Bin Salman, thotë se nuk i intereson nëse presidenti i SHBA Joe Biden e ka keqkuptuar si figurë, ndërsa shton se Biden duhet të fokusohet në interesat e Amerikës.

"Thjesht, nuk më intereson," tha princi i kurorës kur u pyet nga The Atlantic nëse Biden i ka keqkuptuar ato që thuhen për Bin Salman. Ai tha se Bidenit i takon "të mendojë vetëm për interesat e Amerikës".

Moldavia ka kërkuar zyrtarisht të anëtarësohet në Bashkimin Evropian, një javë pasi Rusia hyri ushtarakisht në Ukrainë.

“Sot ne aplikojmë zyrtarisht për anëtarësimin e Republikës së Moldavisë në Bashkimin Evropian. I drejtohet Emmanuel Macron, Presidentit të Francës, vendit që sot mban Presidencën e Këshillit të Bashkimit Evropian. Ne do ta dorëzojmë aplikimin në ditët në vijim në Bruksel”, tha presidentja Maia Sandu në një deklaratë.

Presidenti francez, Emanuel Macron, shpalli zyrtarisht kandidaturën për një mandat të dytë. Macron e bëri këtë njoftim të enjten në mbrëmje, vetëm një muaj para zgjedhjeve. Vonesa e zyrtarizimit të kandidaturës është motivuar me krizën në Evropën Lindore, në bisedimet për të cilën Macron I ka dhënë vetes një rol aktiv.

Macron nuk është përfshirë ende në ndonjë fushatë zyrtare dhe ka anuluar një tubim të planifikuar në Marsejë këtë fundjavë për shkak të krizës në Ukrainë.

Presidenti francez Emmanuel Macron, vijon të ndërmjetësojë mes Ukrainës dhe Rusisë, në përpjekje për një marrëveshje që i jep fund konfliktit. Angazhimi maksimal i Macron, në një kohë që pak ditë e ndajnë Francën nga zgjedhjet presidenciale, nuk ka sjellë as sot rezultat.

Mediat franceze raportojnë për një telefonatë 90-minutëshe me homologun rus Vladimir Putin, e treta që nga pushtimi i Ukrainës. Raportohet se menjëherë pas telefonatës me Putin, Macon ka folur me presidentin ukrainas, Volodymyr Zelensky.

Europa ka nisur përpjekjet për të shpëtuar nga varësia e gazit rus. Për këtë, synimi është zhvillimi i kapaciteteve që bazohen në energjinë e rinovueshme dhe të diversifikimi i furnizimit me gaz për t'i dhënë fund varësisë së saj nga gazi rus. Detajet dalin në një draft të komunikimit të BE-së mbi çmimet e energjisë, në të cilin EURACTIV ka pasur qasje.

Ministrat e Jashtëm të Libisë, Hafez Gaddur, ish-ambasadori i Libisë në Itali, dhe ai i Arsimit, Salha Al Daraëqui, dyshohet se janë rrëmbyer teksa po transferoheshin nga Misurata në Tobruk, ku ishte planifikuar ceremonia e betimit të qeverisë së re të Fathi Bashaga.

Lajmi bëhet i ditur nga disa media libiane, sipas të cilave, autokolona e makinave është gjetur në mes të një sulmi me armë zjarri zjarri mëngjesin e sotëm. Hapësira ajrore libiane është mbyllur për momentin.