bota

Gazeta më e zëshme pro demokracisë në Hong-Kong, “Apple Daily”, doli në treg këtë të martë për herë të fundit.  Tërheqja e saj nga tregu vjen pas një viti të stuhishëm, përgjatë të cilit pronari i saj dhe një pjesë e stafit u arrestuan sipas një ligji të ri të vendosur nga Pekini për sigurinë kombëtare në Hong Kong dhe për pasuritë e tij të ngrira.

Tajvani e dënoi mbylljen e gazetës, duke e cilësuar si "shtypje politike" të mediave të qytetit që drejtohet nga Kina dhe zile alarmi për lirinë e fjalës dhe medias.

Gaboni bëhet vendi i parë afrikan që merr pagesa për uljen e emetimeve të karbonit duke mbrojtur pyjet e tij. Nisma e Pyjeve të Afrikës Qendrore (CAFI) e mbështetur nga Kombet e Bashkuara i dha këtij vendi 17 milionë dollarë, kësti i parë i një marrëveshjeje prej 150 milionë dollarësh, e arritur në 2019.

Gati 90% e Gabonit është e mbuluar nga pyjet, të cilat thithin më shumë karbon sesa çliron vendi.

Pyjet e shiut janë jetike për thithjen e dioksidit të karbonit, që sjell si pasojë ngrohjen e klimës.

Fuqitë botërore mblidhen sot në Berlin për të diskutuar mbi Libinë, një takim i organizuar nga OKB.

Përfaqësuesit e qeverisë së përkohshme të Libisë do të takohen me sekretarin amerikan të Shtetit, Antony Blinken, si dhe me ministrat e Jashtëm të disa prej vendeve më të fuqishme të botës.

Takimi i sotëm pason atë të janarit të vitit të kaluar, po në Berlin, mbi të njëjtën temë.

Më pak se një muaj nga udhëtimi i planifikuar drejt hapësirës, Jeff Bezos vijon të jetë në qendër të vëmendjes mediatike. Themeluesi i Amazon do të shkëputet nga Toka në bordin e raketës “Neë Shepard”, për një udhëtim që do të zgjasë pak minuta.

Ndërsa janë të shumë ata që mendojnë se Bezos duhet të rrijë në hapësirë (janë të paktën 100 mijë firma në peticionin që e kërkon këtë), të shumtë janë edhe ata që vënë në lojë formën e raketës së tij.

Toka është një një organizëm i gjallë, zemra e të cilit “rreh” çdo 27.5 milionë vjet. Një ekip gjeologësh zbuluan se planeti ynë kalon nëpër një cikël eventesh gjeologjike, njësoj si rrahjet biologjike të zemrës te një individ. Studimi është botuar në revistën “Geoscience Frontiers”.

Venecia mund të futet në listën e vendeve të rrezikuara nëse autoritetet lokale nuk ndalojnë hyrjen e anijeve të mëdha në lagunë. UNESCO pritet ta shqyrtojë një vendim të tillë në seancat e saj në 16-31 korrik, raporton ANSA. Nëse merret një vendim i tillë, agjencia për mbrojtjen e trashëgimisë mund të kërkojë veprim urgjent nga qeveria italiane deri në shkurtin e ardhshëm.

Kina bëhet vendi i parë në botë që miraton një kriptomonedhë si monedhë zyrtare. Qeveria e Kinës njoftoi se firma e përzgjedhur për blerjen dhe tregtimin e monedhës së re është YuanPay Group. Shitjet e monedhës së Kinës filluan zyrtarisht 21 qershor të vitit 2021 dhe aktualisht këto monedha mund të blihen vetëm nga YuanPay Group.

Zëvendësministri kinez i Financave, Liu Kun, tha se vlera e monedhës së re është vetëm 0,12 jen.

As presidenti Macron dhe as e djathta ekstreme nuk morën rezultatet që prisnin në zgjedhjet rajonale të Francës. Partitë kryesore të krahut të majtë dhe të djathtë u rritën, duke lënë pas si La République en Marche të Emmanuel Macron ashtu edhe Bashkimi Kombëtar i Marine Le Pen.

Ish-presidenti iranian, Mahmud Ahmedinexhad, thotë se koha e kolonializmit ka mbaruar dhe bashkëjetesa paqësore mes kombeve mund të arrihet vetëm nëpërmjet miqësisë dhe respektimit të të drejtave të njëri-tjetrit. Në një intervistë me Anelise Borges nga Euronews, Ahmedinexhad thotë se superfuqitë nuk e kanë garantuar kurrë mirëqenien e popujve.

Një e treta e prodhimit global të ushqimit do të jetë në rrezik në fund të këtij shekulli nëse emetimi i gazeve serë vazhdon të rritet me ritmin aktual.