bota

Polonia ka vendosur të anulojë sistemin disiplinor për gjyqtarët, për të cilin gjykata e lartë e BE-së u shpreh se shkel ligjet e Unionit. Tërheqjen e konfirmoi kreu i partisë në pushtet PiS, Jaroslaw Kaczynski. Në këtë mënyrë, Polonia shmang penalitetet financiare me të cilat e ngarkon gjykata europiane.

Trupa e shpërbërë njihet si Dhoma Disiplinore, për të cilën BE thotë se po përdoret për të ushtruar presion mbi gjyqtarët ose për të ushtruar kontroll politik mbi vendimet gjyqësore, dhe shkel ligjet e bllokut.

Larry Page, bashkëthemeluesi i Google dhe një nga njerëzit më të pasur në botë, ka tashmë pasaportën e Zelandës së Re. Page ka fituar të drejtën për të jetuar në Zelandën e Re, falë një programi qeveritar që u jep të tillë investitorëve të pasur. Aplikantëve u kërkohet të investojnë të paktën 10 milionë dollarë neozelandezë në vend për tre vjet. Page hyri në Zelandën e Re në janar, kur kufijtë e tij ishin akoma të mbyllur për shkak të Covid-19, raporton BBC.

Francezët dolën në rrugë dhe sheshe për të katërtën fundjavë radhazi, të organizuar në protesta me të cilat kundërshtojnë vendimin e qeverisë për Green-Pass, leja shëndetësore që është bërë kriter për të hyrë në një kafene ose për të udhëtuar në një tren ndërqytetas. Vendimi hyn në fuqi nga e hëna dhe pak ditë më parë, gjykata më e lartë në Francë e cilësoi atë si "kompromis të balancuar" mes shqetësimeve të shëndetit publik dhe lirisë personale.

Ndarja mes Polonisë dhe Bashkimit Europian sa vjen e thellohet. “Nuk kemi pse të mbetemi anëtarë të Unionit me çdo kusht”, tha ministri i Drejtësisë në një intervistë të botuar të premten në të përditshmen “Rzeczpospolita”.

Nga parti anti-establishment, Lëvizja 5 Yjet kthehet në parti konvencionale. Ish-kryeministri Giuseppe Conte ka marrë përsipër rimodelimin e partisë së themeluar nga Beppe Grillo, pasi u mbështet nga shumica dërrmese e saj.

Pa ndonjë lidhje me Lëvizjen 5 Yjet, Conte ka drejtuar dy qeveri koalicioni, deri në janar të këtij viti, kur u zëvendësua nga Mario Draghi.  

Ka qenë vetë Grillo ai që i ka kërkuar Contes të rimodelojë partinë, një propozim që Conte fillimisht e ka hedhur poshtë, por më pas të dy arritën një marrëveshje në korrik.

Ish-agjenti i NSA-së, Edward Snowden, thotë se nëse dikush ia ka dalë të përgjojë gazetarë në Francë, kjo mund të ndodhë kudo. Snowden i referohet rastit “Pegasus”, një program spiun izraelit përmes të cilit, siç konfirmoi Agjencia Kombëtare e Francës për Sigurinë e Sistemeve të Informacionit (ANSSI), janë përgjuar tre gazetarë francezë.

Snowden, i cili u vu në qendër të vëmendjes botërore në vitin 2013, kur zbuloi detaje për programet amerikane të mbajtjes nën mbikëqyrje, e sheh këtë rast si “diçka e madhe”.  

Luksi nuk njeh krizë. Dhe këtu nuk përjashtohet as kriza e pandemisë, që përfshiu botën dy vitet e fundit. Mhafton të shohësh shifrat e shitjeve që ka raportuar prodhuesi italian i makinave, Ferrari. Në tremujorin e dytë të vitit 2021, Ferrari ka dorëzuar 2 685 makina, pothuajse dyfishi i makinave të dorëzuara një vit më parë.

Administrata e Barnave dhe Ushqimit në SHBA ka miratuar një trajtim parandalues me antitrupa për individë që janë vulnerabël ndaj Covid-19. Kjo kategori qytetarësh përfshin ata që janë mëtë rrezikuar nga virusi, për shkak të sistemit imunitar të dëmtuar.

Republikanët janë të bindur se pandemia që pushtoi botën e ka origjinën në një strukturë kërkimore kineze. Raporti i publikuar prej tyre të hënën del në një konkluzion të tillë.

Sipas raportit, ka "prova të shumta" që shkencëtarët e Institutit Wuhan të Virologjisë  - të ndihmuar nga ekspertë amerikanë dhe fonde të qeverisë kineze dhe amerikane - po punonin për të modifikuar koronaviruset për të infektuar njerëzit dhe një manipulim i tillë mund të jetë fshehur.

Qeveria polake synon të ashpërsojë ligjet për krimet mjedisore, një lëvizje që, megjithatë, nuk pritet të përmirësojë rekordin e dobët të vendit në përmbushjen e objektivave të BE-së për mbetjet dhe riciklimin e tyre.

Sipas aktivistëve të mbrojtjes së mjedisit, çështja e mbetjeve mbetet problem madhor, pasi Polonia nuk mund të menaxhojë as ato që prodhon vetë.