bota

Rregullatori i ilaçeve në Indi i ka hapur dritën jeshile përdorimit emergjent të vaksinës së parë me ADN kundër koronavirusit. ZyCov-D do t’u jepet të rriturve dhe fëmijëve të moshës 12 vjeç e lart. Vaksina e re përdor një pjesë të materialit gjenetik të marrë nga virusi, e cilia udhëzon ADN ose ARN e të vaksinuarit për të prodhuar një proteinë specifike, të cilën sistemi imunitar e njeh dhe di si t’i përgjigjet. Ndryshe nga vaksinat e tjera, ZyCoV-D jepet në tri doza.

Shtatë helikopterë të rinj ishin dërgesa më e fundit e pajisjeve ushtarake amerikane në Afganistan një muaj më parë. Pasi kontrollin e vendit e morën talebanët, e gjithë logjistika amerikane është në duart e tyre.

Ka ende shumë pyetje pa përgjigje lidhur me pushtimin e shpejtë të Afganistanit nga "Studentët e Kuranit". Disa analistë argumentojnë se një fitore e tillë nuk do të ishte e mundur nëse nuk do të ishte rënë dakord disi - ose të paktën të pranohej në heshtje - me homologun, veçanërisht me amerikanët. Sipas analistëve, "Marrëveshja për të sjellë paqen në Afganistan" e nënshkruar më 29 shkurt 2020 në Doha, Katar, nga Shtetet e Bashkuara dhe "Emirati Islamik i Afganistanit" përmban klauzola sekrete që përshkruajnë kuadrin e ri gjeopolitik në rajon.

Ish-shefi i misionit të NATO-s në Afganistan lë të hapur mundësinë e rikthimit të forcave perëndimore në vendin që tashmë kontrollohet nga talebanët. Gjenerali David Petraeus është shprehur se koha do të tregojë nëse do të bëhet e domosdoshme që forcat ushtarake të SHBA-së dhe Britanisë do të kthehen në Afganistan.  

Petreaus, i cili më parë ka mbajtur edhe postin e drejtorit të CIA-s, pranon se ka pasur “disa paralajmërime domethënëse” nga ushtria amerikane dhe zyrtarë të inteligjencës lidhur me mundësinë që grupet ekstremiste të marrin kontrollin e vendit.

Zelanda e Re i rikthehet karantinës, pas zbulimit të një rasti me Covid-19. Vendi hyn në nivelin 4 të alarmit 4 - niveli më i lartë i bllokimit - për të paktën tre ditë duke filluar nga mesnata e së martës. Ndërkohë në rajonet e Auckland dhe Coromandel, karantina do të zgjasë nga katër deri në shtatë ditë.

Mendohet se rasti në fjalë i përket variantit Delta.

Kryeministrja Jacinda Ardern tha se karantina mbetet i vetmi mjet për  të kundërshtuar efektet e përhapjes së variantit të ri.

Depozitat e metanit në Siberi janë cilësuar prej kohësh nga shkencëtarët si “bomba me sahat” për planetin. Rritja e temperaturave në Arktik mund t’i çlirojë këto gaze serë, që do të ndryshonin shumë ekuilibra tashmë të brishtë të klimës.   

Imazhet satelitore të marra mbi Siberinë veriore tregojnë se sipërfaqe të mëdha guri gëlqeror që më parë ishin bllokuar nën permafrost po shfaqen dhe po shkrijnë. Studimi është botuar në revistën "Proceedings of the National Academy of Sciences".

Shtetet e vogla ishullore, të parat që do të preken nga pasojat e ndryshimit të klimës, janë bërë bashkë për t’u kërkuar “të mëdhenjve” të globit të parandalojnë rritjen e mëtejshme të temperaturës, duke eliminuar karburantet fosile.

JERUSALEM - Dialog midis rreshterit major Bobadilla (SMB) dhe një ushtari afgan (SA), Senjaray:

SMB: "Më duhet të flas me rreshter majorin, Shah Mansur."

SA: "Nuk e di kush është"

SMB: «Para se të nisesh për në Kandahar, kapiteni i kompanisë tënde më informoi se ai është rreshteri juaj. Ai i gjati ... "

SA: "Nuk është ai."

SMB: "Ai ka të njëjtën gradë me mia, duhet të di se kush është ai."

SA: "Pyetni komandantin e kandakut (batalioni në Pashto, ed)".

SMB: "Nuk mund ta shqetësoj komandantin për këtë".

Polonia ka vendosur të anulojë sistemin disiplinor për gjyqtarët, për të cilin gjykata e lartë e BE-së u shpreh se shkel ligjet e Unionit. Tërheqjen e konfirmoi kreu i partisë në pushtet PiS, Jaroslaw Kaczynski. Në këtë mënyrë, Polonia shmang penalitetet financiare me të cilat e ngarkon gjykata europiane.

Trupa e shpërbërë njihet si Dhoma Disiplinore, për të cilën BE thotë se po përdoret për të ushtruar presion mbi gjyqtarët ose për të ushtruar kontroll politik mbi vendimet gjyqësore, dhe shkel ligjet e bllokut.

Larry Page, bashkëthemeluesi i Google dhe një nga njerëzit më të pasur në botë, ka tashmë pasaportën e Zelandës së Re. Page ka fituar të drejtën për të jetuar në Zelandën e Re, falë një programi qeveritar që u jep të tillë investitorëve të pasur. Aplikantëve u kërkohet të investojnë të paktën 10 milionë dollarë neozelandezë në vend për tre vjet. Page hyri në Zelandën e Re në janar, kur kufijtë e tij ishin akoma të mbyllur për shkak të Covid-19, raporton BBC.