Blloku Bota

Dorëzimi i programit të presidencës hungareze është shfrytëzuar nga kryetarja e Komisionit Europian, Ursula von der Leyen dhe Manfred Weber i Partisë Popullore Europiane për të vënë në dukje divergjencat e tyre me Budapestin zyrtar. Von der Leyen ka akuzuar Hungarinë për politika filoruse dhe se ka ndjekur një qasje jo të përshtatshme për imigracionin.

Zëvendësministri i Jashtëm i Rusisë, Sergey Ryabkov ka deklaruar se një luftë e madhe në Lindjen e Mesme është e mundshme, por sipas tij ajo mund të shmanget.

Po ndjekim nga afër dhe me ankth ngjarjet, rreziku i një konflikti në shkallë të gjerë është në të vërtetë i lartë. Prirja për përshkallëzim në një konflikt të përgithshëm është një rrezuik real. Ne u bëjmë thirrje të gjitha palëve të përmbahen. Jemi në dialog intensive me vendet në rajon. Dhe sërish: një luftë e madhe mund të shmanget por çdokush duhet të përmbahet

Presidenti francez, Emmanuel Macron, dënon shënjestrimin e qëllimshëm të paqeruajtësve të OKB-së nga Izraeli. Këta të fundit u u plagosën nga zjarri izraelit për të dytën ditë radhazi në Liban.

“Ne e dënojmë, nuk e tolerojmë dhe nuk do ta tolerojmë nëse ndodh më”, deklaroi Macron nga Qipro.

Kryeministri spanjoll, Pedro Sanchez ka bërë thirrje komunitetit ndërkombëtar që të ndalë së furnizuari me armë Izraelin. Sipas tij kjo ndihmë kontribuon në përshkallëzimin e dhunës.

Është urgjente, në dritën e asaj që po ndodh në Lindjen e Mesme që komuniteti ndërkombëtar të ndalë eksportimin e armëve drejt qeverisë izraelite

Revista “The Economist” boton një artikull me titull “Lufta po shkon keq. Ukraina dhe aleatët e saj duhet të ndryshojnë kursin”.

Një foto e shpërndarë sot nga profili i Manastirit të Deçanit, njofton për takimin e imamit Labinot Maliqi me abatin Sava.

Manastiri shton se Maliqi është një drejtues i një Qendre për Paqen dhe ka bërë shpesh thirrje për respektimin e të drejtave dhe shmangien e konflikteve me bazë fetare.

Fotoja mundet të shihet si një lloj politike që po ndiqet për uljen e tensioneve mes Serbisë dhe Kosovës, çka do të shënonte një arritje sado të vogël për mbarë rajonin.

Një dokumentar i prodhuar nga televizioni Arte, evidenton përmes një episodi helmimin definitive të marrëdhënieve në Lindjen e Mesme. Aty shfaqet ish-ministri izraelit i Financave, Bezalel Smotrich, që deklaron se:

është shkruar se e ardhmja e Jeruzalemit do të zgjerohet drejt Damaskut

Uragani Milton mbërrin në Florida. Presidenti i SHBA, Joe Biden, iu drejtua me një mesazh banorëve të zonave të rrezikuara. "Dëgjoni autoritetet dhe nëse duhet të evakuoheni, bëjeni tani. Është çështje jete ose vdekjeje. Milton është stuhia e shekullit”, tha ai.

Kryeministri hungarez Viktor Orban ka deklaruar se integrimi i vendeve të Ballkanit Perëndimor në Bashkimin Europian, po pengohet nga disa vende anëtare, ndonëse është kuptuar se ai është strategjik për vetë unionin.

Ne kemi nevojë të përshpejtojmë pranimin e vendeve të Ballkanit Perëndimor në BE, kjo është një çështje kyçe për Europënt- t’i integrojmë ata ekonomikisht, gjeopolitikisht dhe në fushën e sigurisë…por ka mungesë konsensusi për pranimin e tyre në BE

ka thënë ai.