12 anëtarë të BE-së kërkojnë shmangie të rregullave për shpenzimet e mbrojtjes

Dymbëdhjetë vende të Bashkimit Europian kanë kërkuar së fundmi aktivizimin e klauzolës së daljes nacionale nga rregullat e deficitit të unionit për të rritur shpenzimet e tyre të mbrojtjes. Lajmi citohet nga mediat e ndryshme, por është bërë publik nga Komisioni Europian.

Vetë ky i fundit ka propozuar që t’u lejohet shteteve anëtare të rrisin shpenzimet e mbrojtjes me 1.5% të PBB-së çdo vit për katër vjet pa ndonjë masë disiplinuese që do të aktivizohej sapo defiçit i një prej shteteve të shkonte më shumë se 3% të PBB-së.

Belgjika, Danimarka, Estonia, Finlanda, Gjermania, Greqia, Hungari, Letonia, Polonia, Portugalia, Sllovakia dhe Sllovenia janë vendet që kanë depozituar kërkesat.

Shpenzimet për mbrojtjen kanë nisur të aktualizohen si prioritet pas ardhjes së Donald Trump në presidencën amerikane.