Blloku Bota

Sekretari i Përgjithshëm i OKB-së, Antonio Guterres, denoncoi përshkallëzimin e tensioneve në Lindjen e Mesme, veçanërisht midis Iranit dhe Izraelit.

"Unë dënoj zgjerimin e konfliktit në Lindjen e Mesme me përshkallëzim pas përshkallëzimi," shkroi Guterres në X.

Duke kërkuar që përshkallëzimi "duhet të ndalet", Guterres tha: "Ne kemi absolutisht nevojë për një armëpushim".

Shigeru Ishiba, kryeministri i ri i Japonisë, ka propozuar krijimin e një "NATO-je aziatike" dhe ka hedhur idenë e ndarjes së aseteve bërthamore të SHBA-së në rajonin.

Pak ditë para se Ishiba të merrte detyrën, instituti i të djathtës, Hudson Institute, publikoi një përkthim të qëndrimit të tij për të ardhmen e politikës së jashtme të Japonisë.

"Financial Times" shkruan se konflikti në Ukrainë po hyn aktualisht në një fazë të ndjeshme dhe me gjasë ndër më kritiket për Kievin. Kufizim në përdorimin e armëve të dhëna nga Perëndimi, një sistem rekrutimi që po krijon probleme dhe tensione sociale, afrimi i një dimri të vështirë dhe të paparashikueshëm, janë disa ndër faktorët “ezaurues” përballë një avancimi të pandalshëm rus në lindje të vendit. Oleksandr Merezhko, kryetar i Komitetit për Çështjet me Jashtë pranon gjendjen kritike.

Zyrtarët amerikanë thonë se Irani do të nisë një sulm me raketa balistike ndaj Izraelit "në 12 orët e ardhshme". Lajmin e bën të ditur “New York Times”.

Sipas burimeve, sulmi ka të ngjarë të ndodhë gjatë orëve të natës.

Po ashtu, burimi shtoi se Irani mund të lëshojë raketa dhe dronë, siç bëri në sulmin e prillit, të cilin Izraeli e pengoi plotësisht së bashku me aleatët e tij.

Njësia e parë e Forcës së Reagimit të NATO-s, do të dislokohet në Ballkanin Perëndimor. Forca është një entitet i ri i NATO-s dhe u krijua në kushtet e acarimit të situatës së sigurisë në Europë.

Dislokimi në Ballkan konsiston në 200 trupa që do të qëndrojnë në rajon nga 30 shtatori në 16 tetor, nga të cilët 50 trupa do të stacionohen në Kosovë, 150 në Maqedoninë e Veriut.

Izraeli ka nisur në Liban atë që e quajti ofensivë tokësore e kufizuar. Forcat e Mbrojtjes të Izraelit (IDF) njoftuan nisjen e "sulmeve tokësore të lokalizuara dhe të shënjestruara bazuar në inteligjencën e saktë kundër objektivave dhe infrastrukturës terroriste të Hezbollahut" në fshatrat afër kufirit Izrael-Liban.

Sulmi tokësor i izraelit ndaj Hezbollahut në Liban duket se ka nisur në formën e operaconeve të rikonjicionit dhe neutralizimit të bazave operative të grupit shiit. Mediat raportojnë për hyrje të ushtarëve izraelitë në tunelet e Hezbollahut në jug të Libanit, shenjë kjo e përgatitjes për sulmin qendror. Tunelet janë ndërtuar afër Linjës Blu që ndan të dyja vendet.

Presidenti rus, Vladimir Putin ka dekretuar mobilizimin e 130 mijë trupave të reja në fushatën e vjeshtës. Mosha e mobilizimit është 18-30 vjeç dhe nuk bëhet fjalë për rezervistët. Me dekretin vjen edhe çmonilizimi i atyre që kanë përmbushur termat e detyrimit ushtarak.

Numri i trupave ka qenë një ndër problemet kryesore për Rusinë në mes të konfliktit me Ukrainën, por duket se kjo pengesë është tejkaluar tashmë.

Partia e Lirisë (FPÖ) e ekstremit të djathtë të Austrisë siguroi fitoren në zgjedhjet e përgjithshme për herë të parë në historinë e saj me 29% të votave në zgjedhjet e së dielës (29 shtator), duke paralajmëruar një "epokë të re" për Austrinë.

Rreth 78% e elektoratit të Austrisë votuan duke nxjerrë fituese FPÖ, e ndjekur me dy pikë më pas nga partia e kancelarit Karl Nehammer. Edhe pse fitorja është e qartë, FPÖ  nuk mund të qeverisë pa koalicion.

Kjo fitore nënkupton hapjen e një dere për një "epokë të re", tha Herbert Kickl, lideri i FPÖ.

Turqia ka paralajmëruar se do të bëhet pjesë e organizatës BRICS, të cilën e ka argumentuar me pozicionin e vet srategjik. Kreu i Parlamentit Numan Kurtulums ka deklaruar gjatë një interviste për agjencinë ruse, “TASS” ai ka theksuar se pjesëmarrja turke në BRICS, duhet parë si mundësi komunikimi.