Blloku Bota

Armenia dhe Azerbajxhani kanë rënë dakord për një marrëveshje paqeje me 13 pika për të cilat Jerevani zyrtar ka kërkuar të firmosë. Kjo u bë e ditur nga kryeministri armen, Nikol Pashinyan gjatë forumit "Dialogu i Jerevanit 2024". 

13 nene dhe dhe parathënia e draft marrëveshjes janë dakordësuar tërësisht, 3 nene janë dakordësuar pjesërisht, ato konsistojnë në dy fjali literalisht. Ne propozojmë të firmosim nenet e dakordësuar sa më shpejt

ka thënë ai.

Zëdhënësi i Kremlinit Dmitry Peskov, ka deklaruar se Rusia ka një plan për të dëbuar trupat ukrainase nga rajoni i Kurskut.

Sigurisht që ushtria ka të gjitha planet e nevojshme por nuk mendoj se këto plane mund të diskutohen publikisht

ka thënë ai.

Presidenti serb Aleksander Vuçiç ka paralajmëruar masa serioze ndaj Kosovës në 72 orët e ardhshme. Ai ka njoftuar se këto masa vijnë si përgjigje e sjelljes së Prishtinës dhe pas takimeve me Miroslav Lajçak dhe ambasadorin amerikan në Beograd, Chris Hill.

Rusia ka hedhur një hap të ri në drejtim të konfliktit në Lindjen e Mesme duke rikthyer angazhimet e Luftës së Ftohtë. Gjatë një takimi në kuadër të Këshillit për Dialogu dhe Bashkëpunim Strategjik Rusi-Gjiri Persik, ministri i Jashtëm rus, Sergey Lavrov, ka bërë thirrje për hapa praktikë në krijimin e një shteti palestinez.

Mediat opozitare serbe, krahas përfaqësuesve të opozitës, po flasin për një eksod të heshtur të serbëve nga Kosova. Përveç Nenad Çanak dhe Sonja Biserkos që kanë folur për krijimin e qendrave të reja të banimit në Sanxhak, gazetarë dhe profesorë në Beograd kanë përsëritur të njëjtën gjë. Profesori i jurisprudencës në Beograd, Miodrag Jovanoviç ka folur për një largim jashtë vëmendjes së mediave, për shkak se ngjarjet në Veri po zhvillohen shumë shpejt dhe serbët janë braktisur.

Presidenti turk, Rexhep Tajip Erdogan, ka bërë thirrje për krijimin e një aleance të gjerë të vendeve islamike për t’i dalë përpara "kërcënimit të ekspansionizmit", që sipas tij vjen nga Izraeli.

Alexis Tsipras ka goditur sërish. Përmes një manovre të brendshme të “Grupi 87”, ish-kryeministri i Greqisë ka vënë në lëvizje dhe ka miratuar një mocion ndaj kryetarit të Syriza, Stefanos Kasselakis.

Me 163 vota pro, Komiteti Qendror kaloi mocionin që detyron tani partinë të thërrasë një kongres të jashtëzakonshëm për të votuar një lider të ri.

Profesorë të Fakultetit të Biologjisë në Beograd i janë bashkuar protestës së banorëve të Jadarit kundër minierës së litiumit që sipas tyre ka ndikim negativ në lumenjtë Drina dhe Jadar. Por presidenti aleksander Vuçiç i ka cilësuar profesorët si gënjeshtarë, pasi ata kanë vënë në dukje se deklarimet e qeverisë janë të njëanshme, inkorrekte, të pabazuara, kontradiktore.

Rreth 750000 izraelitë dolën në rrugë për t’i kërkuar kryeministrit izraelit arritjen e një marrëveshjeje për lirimin e pengjeve të mbetura në Gaza. Kjo është një nga protestat më të mëdha të mbajtura ndonjëherë në Tel Aviv, dhe vjen një javë pasi ushtria izraelite njoftoi se kishte nxjerrë trupat e gjashtë robërve nga një tunel në Gazën jugore.

Organizatorët thonë se 500 000 izraelitë morën pjesë në mitingjet në Tel Aviv dhe 250 000 të tjerë iu bashkuan tubimeve në qytetet e tjera të vendit.

Tashmë është gati e konfirmuar zyrtarisht se sabotimi i një pjre katër degëve të Nord Stream 1 në detin Balltik ishte punë e ukrainasve. Që raportohet se nuk informuan mbi aksionin që mori vëmendje globale, as partnerët e tyre amerikanë. Për mediat gjermane dhe palën gjermane në tërësi ka një emër konkret në drejtimin e operacionit: Volodymyr Z…që ka jetuar deri së fundmi në Vrashavë. V.Z mendohet se e kreu aktin në bashkëpunim me pesë ukrainas të tjerë, por arriti të arratisej në Ukrainë përpara sesa të arrestohej.