Blloku Bota

I brohoritur si shumë efikas në nxjerrjen e Argjentinës nga impasi ekonomik dhe politik i gjatë, presidenti Javier Mieli, njihet edhe si një mbështetës i Donald Trump. Ngjashëm me homologun e tij brazilian që ka një zë të vetin në çështjet ndërkombëtare, edhe Milei mendon se bota ka ndryshuar dhe se madje rendi i ri është sanksionuar. Në një intervistë për radio “Neura”, cituar nga agjencia ruse “Tass”, Milei thotë se bota është ndarë në zona ndikimi mes SHBA, Rusisë dhe Kinës dhe se për këto madje ai ka dhënë edhe kufinjtë.

Kreu i shërbimit të jashtëm rus, Sergey Naryshkin, ka deklaruar për mediat se marrëveshja e paqes që kërkon Rusia është e qartë.

Sa për synimet strategjike të Rusisë pas përfundimit të konfliktit, ato mbeten të njëjta. Termat e një marrëveshjeje paqeje duhet të përfshijnë sigurisht një status neutral të Ukrainës, pa armë dhe kapacitet bërthamor, demilitarizim dhe denazifikim të shtetit, abrogim të të gjithë ligjeve diskriminuese që u adoptuan pas vitit 2014 dhe njohja e sovranitetit rus për kufinjtë e tanishëm territorialë

Mesazhi i sotshëm i Kaja Kallas për pjesëmarrjen në festimet e 9 majit në Moskë, praktikisht ka kërkuar bojkot nga çdo nivel përfaqësimi. Thënë kjo, do të duhet të pritet që edhe ambasadorët e akredituar në Moskë të respektojnë kërkesën e bërë nga Brukseli, çka i vendos një sërë vendesh në pozitë të sikletshme. Por edhe i vendos BE-së një bast të madh për eventualitetin e thyerjes së kësaj politike p.sh nga vende si Hungaria, Çekia, apo edhe Sllovakia, ndonëse Orban ka mohuar pjesëmarrjen.

Shefja e Politikës së Jashtme të BE-së, Kaja Kallas, ka bërë thirrje që liderët europianë të bojkotojnë paradën e 9 majit në Moskë, e cila celebron 80-vjetorin e fitores mbi nazi-fashizmin. Nisur nga raportimet e mediave ruse, sipas të cilave ftesa u është dërguar edhe drejtuesve të vendeve si Sllovakia apo Serbia, Kallas ka vënë në dukje se:

Çdo pjesëmarrje në paradën e 9 majit në Moskë nuk do ta kalojë lehtë nga ana europiane, duke patur parasysh se Rusia po organizon një luftë tërësore në Europë

Kryeministri i ri i Serbisë, mjeku Djuro Macut ka prezantuar anëtarët e kabinetit të vet qeveritar që do të duhet të miratohen në Parlament.

Në Izraelin e Beniamin Netanyahut tashmë nuk kanë më as nerva të dëgjojnë për një shtet palestinez. Mediat raportojnë për një incident shumë të pazakontë dhe përtej konvencioneve diplomatike, teksa djali i Netanyahut, pra djali i një të kërkuari ndërkombëtarisht për krime kundër njerëzimit, ka replikuar në rrjetin “X” me presidentin e Francës, që ka shprehur miratimin e kësaj të fundit për një shtet palestinez pa Hamas-in.

Presidenti i Serbisë, Aleksander Vuçiç, ka shpallur përfundimin e atij që e ka quajtur revolucion me ngjyra.

Nuk do të lejojmë askënd jashtë apo brenda vendit të rrëzojë shtetin tonë. Mund të vijnë vërdallë sa të duan, nuk ka për të ndodhur gjë

është shprehur ai para një turme mbështetësish në Beograd.

Sekretari i Përgjithshëm i NATO-s, Mark Rutte është shprehur i shqetësuar për veprimet e Rusisë për dislokimin e armëve bërthamore në hapësirë.

Jemi në dijeni të raporteve se Rusia po shqyrton mundësinë e vendosjes së armëve bërthamore në hapësirë. Kjo është një rrugë e Rusisë përtë përmirësuar kapacitetet e veta. Është shumë shqetësuese

ka thënë ai për gazetën gjermane “Welt am Sontag”.

Kremlini ka hedhur poshtë propozimin amerikan për ndarjen e Ukrainës në Zona Kontrolli nën modelin e Berlinit të pasluftës. Ideja e hodh nga i Dërguari i presidentit amerikan për Ukrainën, Keith Kellogg, por zv.ministri rus i Punëve të Jashtme, Rodion Miroshnik, e cilëson atë si opsion që ngrin konfliktin me potencialin e rishpërthimit të tij në një shkallë të re.

Duke mbajtur zona ushtarake aty dhe duke formuar elementë radikalë do na çojë në ngrirjen e konfliktit dhe që më pas të shpërthejnë në konflikte të një niveli të ri

Në një punim të përmbledhur për llogari të Institutit të Stokholmit për Paqen, Julian Cooper, vë në dukje se në tre vjet luftë në Ukrainë, Rusia ia ka dalë të menaxhojë në aspektin ekonomik sforcimin e madh që krijon një situatë e tillë emergjente. Sipas tij, Kremlini ka arritur të mbajë një buxhet të balancuar, ndonëse aktualisht “ekonomia ka dhënë shenja mbinxehjeje”.