Blloku Bota

Kryeministri i Serbisë, Milos Vuçeviç ka dekalruar se në vend ka një përpjekje për të organizuar një revolucion me ngjyra. Në një intervistë për Tv Pink, Vuçeviç ka deklaruar se nuk do të ketë asnjë qeveri tranzitore për të zëvendësuar qeverinë e tij, që mund të lëvizet vetëm përmes zgjedhjeve.

Propozimet e deritanishme të Donald Trump për krizën në Ukrainë, duket se nuk japin një zgjidhje të përhershme dhe as priten mirë në Rusi. Në një intervistë për agjencinë “Tass”, ministri i Jashtëm rus, Sergey Lavrov, ka komentuar propozimet e bëra nga ekipi i Trump duke theksuar refuzimin e parë rus.

Ne sigurisht që nuk jemi të kënaqur me propozimet e bëra nga përfaqësues të ekipit të presidentit të zgjedhur të SHBA për të shtyrë anëtarësimin e Ukrainës në NATO për 20 vjet dhe për dislokimin e një kontigjenti paqeruajtësish britanikë dhe europianë në Ukrainë

Kompania turke, Baykar, e njohur më së shumti për prodhimin e dronit “Bayraktar” – TB2, ka blerë së fundmi kompaninë italiane të prodhimeve ajrore, “Piaggio Aereo”. Agjencia italiane, “ANSA”, raporton se PA ka qenë nën “administrim të jashtëzakonshëm” që nga viti 2018 dhe aktualisht kalon në pronësi turke, pasi ka marrë aprovimin e botës italiane të biznesit.

Rinisja e kompanisë është e siguruar

Presidenti i Serbisë, Aleksander Vuçiç, ka paralajmëruar se disa vende të Afrikës, Azisë dhe Amerikës Latine do të tërheqin njohjen e Kosovës.

Kremlini ka pranuar zyrtarisht përgjegjësinë për incidentin tragjik me një avion civil të linjës azere, AZAL. Agjencia e lajmeve “Tass” bën me dije se presidenti i vendit, Vladimir Putin, ka kërkuar ndjesë për incidentin tragjik, gjatë një telefonate me homologun e tij azer, Ilham Aliyev përmes të cilit ka përcjellë edhe “ngushëllimet më të sinqerta” familjeve për faktin se avioni u rrëzua dhe u godit në hapësirën ajrore ruse.

NATO do të rrisë praninë e saj ushtarake në Balltik pas një akti të dyshuar sabotazhi kundër kabllove energjetike që lidhin Finlandën me Estoninë.

Akti në fjalë ndodhi më 25 dhjetor dhe ai konsiston në shkëputjen nga impianti energjetik të kabllit nënujor, Estlink 2, një muaj pasi në territorin suedez ndodhi i njëjti incident.

Presidenti i Turqisë, Recep Tayyip Erdogan, ka zhvilluar sot një takim privat me kreun e Kishës Orthodhokse, Patriarkun Ekumenik të Stambollit, Bartholomeu. Takimi është zhvilluar në pallatin presidencial dhe Erdogan njoftohet se ka përcjellë urimet për Krtishtilindjen “për qytetarët turq që ndjekin besimin Kristian”.

Për javë të tëra tashmë studentë në Novi Sad kanë protestuar duke bllokuar një rrugëkalim të qytetit në kujtim të ngjarjes së stacionit të trenit.

Mediat opozitare serbe kanë raportuar një valë protestash të grupeve të ndryshme të interesit sidomos në Beograd, aq sa qeveria serbe është detyruar të kërkojë negociata.

Ngjarjet kanë fituar një jehonë ndërkombëtare, por është për t’u shënuar se portesta e opozitës serbe është injoruar në masë të madhe nga Perëndimi.

Djali i presidentit të zgjedhur të SHBA, Eric Trump, ka postuar diçka provokative në rrjetin "X". Aty shfaqet Donald Trump duke blerë Kanadanë, Kanalin e Panamasë dhe Groenlandën në "Amazon". Më herët, Trump e ka quajtur "Guvernator" kryeministrin e Kanadasë, Justin Trudeau. Është një qasje që imiton politikën ruse në Ukrainë.

Shtetet e Bashkuara të Amerikës kanë arritur një mirëkuptim mesa duket me autoritetet e reja siriane që kanë marrë pushtetin pas rrëzimit të Bashar al-Assad. Pas një takimi në Damask, SHBA ka anulluar edhe statusin e terroristit, madje edhe shpërblimin 10 milionë dollarë për kreun e gupit Hayat Tahrir al-Sham, Abu Mohammed al Jolani, që ka dalë tani me emrin e vërtetë Ahmed al-Sharaa.

Ahmed al-Sharaa ka rënë dakord të angazhohet që grupet terroriste të mos përbëjnë kërcënim brenda dhe jashtë Sirisë, përfshirë SHBA dhe partnerët tanë në rajon